نئی دہلی10مارچ(ایس او نیوز؍آئی این ایس انڈیا)آئی این ایکس میڈیا منی لانڈرنگ معاملے میں دہلی ہائی کورٹ کے عبوری حکم کو انفورسمنٹ ڈائریکٹوریٹ(ای ڈی)کی جانب سے چیلنج کیے جانے کے خدشہ کے پیش نظر سابق مرکزی وزیر پی چدمبرم کے بیٹے کارتی چدمبرم نے سپریم کورٹ میں آج ایک کیوئیٹ پٹیشن داخل کی۔کارتی چدمبرم نے عدالت سے اپیل کی ہے کہ ہائی کورٹ کے فیصلے کے خلاف ای ڈی کی اپیل پر کوئی یکطرفہ حکم سنائے جانے سے پہلے ان کا بھی موقف سنا جائے۔اس معاملے میں مرکزی تفتیشی بیورو (سی بی آئی) کی خصوصی عدالت میں کارتی کامقدمہ لڑنے والے سینئر وکیل ابھیشیک منو سنگھوی سے وابستہ ایک وکیل نے کیویئٹ پٹیشن دائر کرنے کی تصدیق کی۔