نئی دہلی،06 ؍فروری (ایس او نیوز؍آئی این ایس انڈیا)دہلی ہائی کورٹ نے بدھ کو کانگریس لیڈر پی چدمبرم کو آئی این ایکس میڈیا معاملے میں سی بی آئی کی طرف سے دائر کیس میں پیشگی ضمانت کے لیے زیر التوا ان عرضی میں کچھ اضافی دستاویزات شامل کرنے کی منظوری دے دی۔

سابق وزیر خزانہ نے تین فروری کو شائع کچھ اخباروں کے مضامین کے پرنٹ عدالت میں پیش کرنے کی منظوری مانگی تھی جن میں کہا گیا ہے کہ وزارت قانون نے مرکز کو بتایا ہے کہ معاملے میں سی بی آئی کو چدمبرم کے خلاف استغاثہ کی منظوری دی جا سکتی ہے۔جسٹس سنیل غور نے درخواست کو منظور کرتے ہوئے کہا کہ اضافی دستاویزات ضمانت کی درخواست کے ساتھ شامل کیاجائے۔عدالت نے 25 جنوری کو آئی این ایکس میڈیا اسکینڈل سے متعلق بدعنوانی اور منی لانڈرنگ کے معاملات میں چدمبرم کی پیشگی ضمانت کی درخواست پر حکم محفوظ رکھا تھا۔یہ معاملے سی بی آئی اور ای ڈی کی طرف سے دائرکیے گئے تھے۔ایڈووکیٹ ارشدیپ سنگھ اور پرمود دوبے کے ذریعے دائر درخواست میں چدمبرم نے کہا کہ ان حقائق کو عدالت کے سامنے لانا لازمی ہے کیونکہ یہ دکھاتے ہیں کہ سی بی آئی نے معاملے میں اپنی تفتیش مکمل کر لی ہے اور اس کے بعد ان کے خلاف استغاثہ کی منظوری مانگی ہے۔کانگریس لیڈر نے یہ دلیل دیتے ہوئے پیشگی ضمانت مانگی ہے کہ سی بی آئی نے ان سے صرف ایک بارجون2018میں پوچھ گچھ کی تھی اور ان کا نام ایف آئی آر میں ملزم کے طور پر بھی درج نہیں ہے۔سی بی آئی اور ای ڈی نے پیشگی ضمانت کی درخواست کی مخالفت کی ہے۔