نئی دہلی:13/نومبر(ایس او نیوز/آئی این ایس انڈیا)باعزت شہریوں کے ایک وفد نے منگل کو صدر رام ناتھ کووند سے ملاقات کی اور ان سے درخواست کی کہ وہ 1984 کے سکھ مخالف فسادات کے معاملات کی تحقیقات کی نگرانی کے لئے قائم ایس آئی ٹی کے تیسرے رکن کے نام کو فوری مطلع کرنے کے لئے سپریم کورٹ سے کہیں۔صدر سے ملاقات کرنے والے اس وفد میں سابق آرمی چیف جے جے سنگھ، بی جے پی رہنما میناکشی لیکھی، سپریم کورٹ کے سینئر وکیل روپندر ایس سوری، راجستھان کے ایڈیشنل اٹارنی گرچر ایس گل اور سابق ممبر اسمبلی آر پی سنگھ شامل تھے۔لیکھی نے بتایاکہ ایس آئی ٹی کو دو یا تین ماہ کے اندر اپنی رپورٹ دینی تھی لیکن ایک رکن کی غیر موجودگی میں یہ کام نہیں کر پا رہی ہے۔لہٰذا ہم ہندوستان کے صدر کو نمائندگی دینے گئے تھے کہ تیسری رکن کے نام کو فوری مطلع کیا جانا چاہئے۔خط میں وفد نے کہا کہ وہ سپریم کورٹ سے 1984 کے سکھ مخالف فسادات کے معاملات کی تحقیقات کی نگرانی کے لئے قائم ایس آئی ٹی کے تیسرے رکن کے نام کو فوری مطلع کرنے کے لئے کہیں۔