بھٹکل میں منعقدہ عالمی رابطہ ادب اسلامی کا حضرت مولانا سید ابوالحسن علی حسنی ندوی رحمۃ اللہ علیہ کی دعوتی و اصلاحی خدمات پر سہ روزہ سیمینار اختتام پذیر

Source: S.O. News Service | By I.G. Bhatkali | Published on 6th February 2018, 10:44 PM | ساحلی خبریں | ریاستی خبریں |

بھٹکل 6/فروری (ایس او نیوز)  بھٹکل جامعہ اسلامیہ میں منعقدہ عالمی رابطہ ادب اسلامی کا حضرت مولانا سید ابوالحسن علی حسنی ندوی رحمۃ اللہ علیہ کی دعوتی و اصلاحی خدمات پر سہ روزہ سیمینار آج  منگل کو کامیابی کے ساتھ  اختتام پذیر ہوا جس میں کل چھ نشستیں ہوئیں۔ جامعہ اسلامیہ بھٹکل کی جانب سے جاری کردہ پریس ریلیز کے مطابق سیمینار میں ہندوستان کے مختلف شہروں دہلی، لکھنؤ، ممبئی، حیدرآباد، پونہ، اعظم گڑھ، بھوپال، پٹنہ، غازی آباد، مالیگاوں اور ہندوستان کے دیگر شہروں کے علاوہ بیرونی ممالک امریکہ، برطانیہ، کینیڈا، بنگلہ دیش، ملیشیا، عراق و ایران سے پونے تین سو مندوبین نے سیمینار میں  شرکت کی اور  مفکر اسلام کی شخصیت و خدمات پر88 گرانقدر مقالات پیش کیے ۔

آخری نشست آج 6 فروری 2018 بروز منگل صبح پونے دس بجے عبدالرحمن رکن الدین متعلم عالیہ رابعہ کی خوش الحان تلاوت سے  شروع ہوئی، اور شعبۂ ثانویہ کے طالب علم عزیزم محمد صیام نے نعت شریف پیش کی۔

 پریس ریلیز کے مطابق  مقالات کا جب آغاز ہوا،اور مفکر اسلام حضرت مولانا سید ابوالحسن علی ندوی کی خدمات کا اعتراف کیا گیا تو   ان کے مشن کو اپناکراسے  آگے بڑھانے  کی فکروں کو بیدار کرنے  پر بھی پورا زور دیا گیا۔ اکابرین ملت کے مقالات اس بات کے گواہ تھے کہ علی میاں کی شخصیت دینی، اصلاحی، علمی اورعملی تھی۔   آپ نے نوجوانوں اور نئی نسل میں بڑھتے فکری الحاد کا سختی سے مقابلہ کیا، آپ کا مزاج نرم تھا لیکن اصلاح کی خاطرسخت پہلو بھی اختیار فرمایا، قلم کی نوک سے، زبان کی چاشنی سے لوگوں کے دلوں کو چیر کر گھر کر گئے، آپ کی امت کی فکر اور کڑھن نے آپ کو علی میاں بنایا، خوش کلامی اور مصالح کی رعایت کے ساتھ وزراء و قائدین سے گفتگو فرماتے، اور تادم آخر اسلام کا علم بلند کرتے رہے اور بھرپور زندگی گزار کر قابل رشک موت نے آپ کو اپنی آغوش میں لیا اور بارگاہ قدوسی میں پہنچایا، طبت حیا و طبت میتا   مفکر اسلام کی زندگی کے درخشاں پہلؤوں میں یہ بات بھی سامنے آئی کہ مفکر اسلام کو مفکر اسلام بنانے والی تین چیزیں ہیں: ۱) والدہ کی دعائیں ۲) مسلسل مخلصانہ محنت اور  ۳) اہل اللہ کی نگاہِ کیمیا اثر

آپ نے استغنا و خودداری کی اعلیٰ مثال قائم کی،آپ نے قرآنی نظریہ کو اس طرح پیش کیا کہ ’تعلیم کی روح روح کی تعلیم ہے۔

جلسہ کے اخیر میں مولانا عمرین محفوظ رحمانی، مولانا خالد غازیپوری ندوی، مولانا سلمان حسینی ندوی وغیرھم نے اپنے احساسات وخیالات کا اظہار کرتے ہوئے آپ علیہ الرحمۃ کو جامع الکمالات و جامع الصفات شخصیت قرار دیا اور تمنا ظاہر کی کہ کاش کچھ مردان جفاکش آگے آئیں اور اس جذبہ کے ساتھ آگے بڑھیں کہ انہیں خاک کے آغوش میں تسبیح و مناجات اور وسعت افلاک میں تکبیر مسلسل  کے جذبہ کے ساتھ بڑھنا ہے بڑھتے رہنا ہے۔ اخیر میں مولانا الیاس صاحب ندوی نے کچھ تجاویز پیش کیں جو دوران مقالات سامنے آئی تھیں۔ صدارتی خطاب میں حضرت مولانا سید محمد رابع حسنی ندوی دامت برکاتہم نے کہی اور سنی ہوئی تمام باتوں کو اپنی زندگی میں لانے کی تلقین کی اور اس مشن کو صحیح نہج اور صحیح انداز و اسلوب سے آگے بڑھانے کی فکر پر ابھارا۔ 

واضح رہے کہ سیمینار جامعہ اسلامیہ بھٹکل کے زیر اہتمام مولانا ابوالحسن علی ندوی اسلامک اکیڈمی بھٹکل کے اشتراک سے منعقد کیا گیا تھا۔اسی مناسبت سے مقالات کی نشستیں جامعہ اسلامیہ جامعہ آباد اور مولانا ابوالحسن علی ندوی اسلامک اکیڈمی میں رہی، نیز مندوبین کو منکی ساحل سمندر کی سیر و تفریح کرائی گئی اور رات کی ایک نشست منکی میں بھی منعقد کی گئی۔

ایک نظر اس پر بھی

بھٹکل سرکاری فرسٹ گریڈ ڈگری کالج میں طلبا کے لئے مفت صحت جانچ کیمپ کا انعقاد؛ کالج لائبریری کا بھی افتتاح

طلبا کی زندگی میں خوابوں کو حقیقت میں بدلنے کے لئے مسلسل محنت ، لگن کا اہم رول ہے۔ حوصلہ و ہمت سے اپنی منزل کو پانا آسان ہونے کا رکن اسمبلی سنیل نایک نےخیال ظاہرکیا۔

بھٹکل رکن اسمبلی کےہاتھوں مُٹھلی میں ریلوے اسٹیشن کی طرف جانے والی سڑک کی تعمیرکا سنگ بنیاد

تعلقہ کے مٹھلی گرام پنچایت حدود میں بھٹکل  ریلوے اسٹیشن  سے جوڑنے والی سڑک کی تعمیر کے لئے رکن اسمبلی سنیل نائک نے پوجا پاٹ کے ساتھ سنگ بنیاد رکھا۔ مقامی لوگوں نے بتایا کہ پندرہ سال کے بعد اب جاکر یہاں نئی سڑک تعمیر کی جارہی ہے۔

بھٹکل سے کاروار تک تعمیر کی جانےو الی قومی شاہراہ میں کروڑوں روپئے گھپلہ کا الزام : سی بی آئی جانچ کا مطالبہ کرتے ہوئے بھٹکل ناگریک ویدیکے کا ڈی سی کے نام میمورنڈم

اترکنڑا ضلع میں بھٹکل سے کاروار تک تعمیر کی جارہی قومی شاہراہ کی تعمیراتی کاموں میں بہت ساری گھپلہ بازی ہوئی ہے ۔ اس تعلق سے سی بی آئی جانچ کی مانگ کرتے ہوئے بھٹکل ناگریک ویدیکے نے اسسٹنٹ کمشنر کی معرفت ضلع ڈپٹی کمشنر کو میمورنڈم سونپاہے۔

بھٹکل میونسپالٹی کی عام میٹنگ میں نئی مچھلی مارکیٹ کے لئے دوبارہ نیلامی کا فیصلہ : کئی دیگر مسائل پر بھی بحث

بھٹکل میونسپالٹی میں منعقدہ عام میٹنگ میں پرانی اور نئی مچھلی مارکیٹ  کے مچھلی بیوپاریوں کو لےکر کافی بحث ہوئی ، بعد میں  اس بات کا فیصلہ لیا  گیا کہ اگلے دو دن کے اندرنئی مچھلی مارکٹ   کی نیلامی کا اعلامیہ شائع کرتے ہوئے  ایک ہفتہ کے اندر  بولی کی  کارروائی انجام دی جائے۔

منگلورو: زیر سماعت قیدیوں نے ڈسٹرکٹ جیل میں سیکیوریٹی اسٹاف پر کیا حملہ

ڈسٹرکٹ جیل میں زیر سماعت قیدیوں کی طرف سے دو سیکیوریٹی اسٹاف پر حملہ کیے جانے کا حیرت انگیز واقعہ پیش آیا ہے۔ موصولہ رپورٹ کے مطابق قتل کے الزام میں قید مشتاق اور اس کے دیگر ساتھیوں نے مل کر سیکیوریٹی اسٹاف پر حملہ کیا ہے۔

ہر تین ماہ میں کرایہ پر نظر ثانی کا اختیار محکمہ ٹرانسپورٹ کو دیاجائے: ڈی سی تمنا

ریاستی وزیر برائے ٹرانسپورٹ ڈی ۔ سی تمنا نے کہا کہ سرکاری بسوں کے کرایہ میں تین ماہ میں ایک مرتبہ نظر ثانی کرنے کے اختیارات کرنا ٹک اسٹیٹ روڈ ٹرانسپورٹ کارپوریشن کو دینے کیلئے حکومت کو تجویز پیش کی گئی ہے ۔

یتنا ہولے اسکیم سے فائدہ اٹھانے تالابوں کو صاف کریں پردھان منتری سڑک یوجنا کے تحت کوئی رقم نہیں ملی: ویرپا موئیلی

رکن پارلیمان و سابق وزیر اعلیٰ ایم ویر پا موئیلی نے کہا کہ تالابوں کے خودرو پودوں کو ہٹانے کیلئے افسروں کوہدایت دی ۔ ضلع پنچایت کانفرنس ہال میں سہ ماہی ( دشا) اجلاس میں شرکت کرتے ہوئے رکن پارلیمان نے کہا کہ جالی پودے تالابوں کے آبی سطح کو کم کررہے ہیں۔

وقف بورڈ انتخابات تمام امیدواروں کو ڈیویژنوں کی تفصیل جاری

آئندہ 2مارچ کو ریاستی وقف بورڈ کے ہونے والے انتخابات سے متعلق آج سہ پہر 3بجے یہاں رٹرنگ افسر کے دفتر میں امیدواروں کاایک اجلاس طلب کیا گیا تھا۔ جس میں سوائے ایک امیدوار ذیشان علی کے دیگر 13امیدوار بذات خود یا ان کے نمائندوں نے شرکت کی۔

بنگلور میں ائرو انڈیا شو کے دوران پارکنگ احاطہ میں اچانک آگ؛ قابو پانے تک سوسے زائد سواریاں جل کر خاکستر

ائیرو انڈیا شوکے چوتھے دن بنگلور کے یلہنکا ائرفورس اسٹیشن کے پارکنگ والی جگہ پر اچانک آگ لگنے سے  150 سے زائد سواریاں شعلہ پوش ہونے کی اطلاع موصول ہوئی ہے۔ آگ لگنے کی یہ واردات آج سنیچر صبح پیش آئی۔

اکرم پاشاہ ہاسن ضلع کے نئے ڈپٹی کمشنر

ہاسن ضلع کے نئے ڈپٹی کمشنر اکرم پاشاہ آئی اے ایس نے آج عہدہ کا جائزہ لے لیا ۔ 2012ء میں آئی اے ایس افسر کی حیثیت سے ترقی پانے والے اکرم پاشاہ اس سے پہلے ساڑھے پانچ سال مائنارٹی ڈائرکٹوریٹ میں ڈائرکٹرکی حیثیت سے بہترین خدمات انجام دے چکے ہیں ۔