شمالی کرناٹک میں شدت کی گرم لہر،ایک لڑکی کی موت

Source: S.O. News Service | By Jafar Sadique Nooruddin | Published on 21st April 2017, 1:48 AM | ریاستی خبریں |

بنگلورو:20/اپریل(ایس او نیوز) شمالی کرناٹک خاص طور پر کلبرگی، رائچور اور آس پاس کے علاقوں میں گرمی کی شدت لوگوں کیلئے جان لیوا بنی ہوئی ہے۔ درجہئ حرارت میں بے تحاشہ اضافہ کے نتیجہ میں آج کلبرگی میں ایک نوجوان لڑکی کی موت ہوگئی، جبکہ رائچور میں 18 کمسن بچے ڈی ہائیڈریشن کی شکایت کے سبب اسپتالوں میں داخل ہیں۔ ریاست بھر میں درجہئ حرارت میں زبردست اضافہ ریکارڈ کیاگیا ہے۔ کلبرگی اور رائچور میں آج درجہئ حرارت 40 ڈگری سے متجاوز ہوگیا۔محکمہئ موسمیات کے ماہرین کا کہنا ہے کہ آنے والے دنوں میں شمالی کرناٹک کے ان علاقوں میں گرمی کی شدت اور بھی بڑھ سکتی ہے۔ کلبرگی کے چیتا پور تعلقہ کے چکونڈی دیہات میں 19/ سالہ لیلا بائی جادھو کی موت ہوگئی۔بتایاجاتا ہے کہ وہ دھوپ میں اچانک بے ہوش ہوگئی، فوری طور پر اسے پرائمری ہیلتھ سنٹر لے جایا گیا، لیکن وہاں اسے مردہ قرار دے دیا گیا۔ ڈاکٹروں نے بتایاکہ گرمی کی شدت کو وہ برداشت نہیں کرپائی۔ پانچ دن قبل گلبرگہ میں ہی ایک تیرہ سالہ لڑکی کی موت ہوگئی۔ آج کلبرگی میں 43.6، رائچور میں 42.5، بلگاوی میں 39.3 باگلکوٹ میں 38.8 دھارواڑ میں 39.4، گدگ میں 39.8، ہاویری میں 38، چترادرگہ میں 39.1، داونگیرے میں 39، ڈگری درجہئ حرارت ریکارڈ کیاگیا ہے، جبکہ شہر بنگلور میں لوگوں کو کچھ راحت ملی اور یہاں درجہئ حرارت 35 ڈگری کے آس پاس ریکارڈ کیاگیا۔

ایک نظر اس پر بھی

باغیوں کے جلسہ میں یڈیورپا اور ایشورپا کے حامیوں میں ٹکراؤ

شہر کے پیالیس گراؤنڈ میں آج باغی بی جے پی لیڈر کے ایس ایشورپا کی طرف سے طلب کی گئی بی جے پی باغی لیڈروں کی میٹنگ یڈیورپا اور ایشورپا کے حامیوں کے درمیان مارپیٹ کا مرکز بن گئی۔ جس کی وجہ سے کچھ دیر کیلئے کشیدگی پھیل گئی۔

کمارا سوامی نے بھی وسط مدتی انتخابات کا اشارہ دیا

سابق وزیر اعلیٰ اور ریاستی جنتادل(ایس) صدر ایچ ڈی کمار سوامی نے ریاستی اسمبلی کیلئے قبل از وقت انتخابات کی پیشین گوئی کی ہے ، حالانکہ کل وزیر اعلیٰ سدرامیا نے خود واضح کیا کہ اسمبلی انتخابات قبل ا ز وقت نہیں ہوں گے اور حکومت اپنی میعاد مکمل کرلے گی۔

ریاستی بی جے پی میں پھوٹ کے آثار مزید نمایاں؛ یڈیورپا کی وارننگ نظر انداز کرکے ایشورپا نے بلائی باغیوں کی میٹنگ

ریاستی بی جے پی میں آج اس وقت پھوٹ کے آثار اور گہرے ہوگئے جب یڈیورپا کے خلاف علم بغاوت بلند کرنے والے کے ایس ایشورپا کی طرف سے طلب کی گئی بی جے پی بچاؤ میٹنگ میں توقع سے زیادہ تقریباً دو ہزار پارٹی کارکنوں نے شرکت کی اور یڈیورپا کے طریقۂ کار کے خلاف کھل کر آواز اٹھائی۔

سابق وزیر مالیات چدمبرم کے رشتہ داروں کی کرناٹکا میں کمپنیوں پر انکم ٹیکس کے چھاپے

سابق وزیر مالیات کے بہن زادوں وشواناتھن اور ساتھپّن کی ملکیت والی کی شہرت یافتہ کمپنی خوشحال نگرکےSLN Group کی کُل 11شاخوں پر انکم ٹیکس ڈپارٹمنٹ کے افسران نے بیک وقت انتہائی خفیہ چھاپہ مارا ، جس کے بعد کچھ خاص قسم کے دستاویزات ضبط کیے جانے کی اطلاع موصول ہوئی ہے۔

مرکزی کاروباری ضلع میں مزید تین پارکنگ مقامات

بی بی ایم پی بہت جلد شہر کے مرکزی تجارتی ضلع میں سواریوں کی پارکنگ کے لئے تین ہمہ منزلہ عمارتیں تعمیر کرنے والی ہے۔ریاستی وزیر داخلہ جی پرمیشور کا کہنا ہے کہ جب ان عمارتیں کا استعمال شروع ہو جائے گا تو ،چونکہ یہاں بڑی تعداد میں سواریوں کے روکنے کی سہولت رہے گی ، شہر کے راستوں پر ...

بنگلوروشہر کے ہر مقام پر سواریوں کی پارکنگ کا مسئلہ

حالیہ دنوں میں بنگلور شہر کے ہر ایک محلہ اور راستہ پر دو پہیہ اور چار پہیہ گاڑیوں کی پارکنگ ایک بڑا مسئلہ بنتا جا رہا ہے۔شہر میں بڑتی ہوئی آبادی اور سواریوں کی تعداد میں شدید اضافہ کے پیش نظر شہر کے راستوں کا نظم اور پارکنگ کی سہولیہات کا انتظام اس کے ہم پلہ نہیں ہو سکا ہے۔