انڈونیشیا میں زلزلے اور سونامی ،مرنے والوں کی تعداد بڑھ کر ہوگئی 48۔ کئی زخمی

Source: S.O. News Service | By Staff Correspondent | Published on 30th September 2018, 4:40 PM | عالمی خبریں | ان خبروں کو پڑھنا مت بھولئے |

جکارتہ 29ستمبر ( آئی این ایس انڈیا؍ایس او نیوز)   انڈونیشیا میں آفات سے نمٹنے کے ادارے کے مطابق جمعے کے روز سولاویسی جزیرے کے شہر پالو میں آنے والے شدید زلزلے کے نتیجے میں ہلاک افراد کی تعداد 48 ہو گئی ہے جب کہ 356 افراد زخمی بھی ہوئے۔

علاوہ ازیں زلزلے سے ملک میں وسیع پیمانے پر تباہی پھیلی ہے۔ ادارے کے ترجمان نے ہفتے کے روز ایک پریس کانفرنس میں بتایا کہ "3.5 لاکھ آبادی والے شہر پالو میں آنے والے زلزلے کی شدت ریکٹر اسکیل پر 7.5 رہی۔ اس کے بعد سمندر کی 1.5 میٹر بلند لہر شہر سے ٹکرائی۔ ہلاکتوں کی تعداد تیزی سے بڑھنے کا اندیشہ ہے اور شہر میں عمارتیں، گھر، ہوٹلز اور ہسپتال تباہ ہو گئے۔ ہم سمجھتے ہیں کہ درجنوں یا سیکڑوں افراد ہیں جن کو ملبے کے نیچے سے نکالا نہیں گیا۔حکام کے مطابق سونامی کی لہریں شہر سے ٹکرانے کے بعد بہت سی عمارتیں تباہ ہوئیں جس کے نتیجے میں مقامی آبادی اپنے گھروں سے کوچ کر جانے پر مجبور ہو گئے۔ پالو شہر میں زلزلے کے آفٹر شاکس کا سلسلہ ہفتے کی صبح تک جاری رہا۔ اس سے قبل تقریبا دو میٹر بلند سمندری لہروں نے پالو شہر کی ساحلی پٹی پر موجود گھروں کو لپیٹ میں لے لیا تھا۔ مقامی ٹی وی چینلوں پر پیش کیے جانے والے وڈیو کلپوں میں پانی ان گھروں میں داخل ہوتا نظر آ رہا ہے جب کہ کارگو کے کنٹینرز اور شہر کی ایک مسجد بھی ڈوبی ہوئی دیکھی گئی۔ آفات کے ادارے کے ترجمان سوتوبو بورو نے صحافیوں کو بتایا کہ "ہمیں بہت سے لوگوں کی لاشیں ملی ہیں جو ڈھے جانے والی عمارتوں کے پتھروں سے ٹکرا گئے تھے۔انہوں نے بتایا کہ مقامی آبادی خوف کے مارے اپنے گھروں سے باہر نکل آئی۔دوسری جانب انڈونیشیا میں زلزلے اور سونامی کا پتہ چلانے والی رصد گاہ کے سربراہ رحمات تریونو نے باور کرایا کہ زلزلے کے مرکز سے تقریبا 80 کلو میٹر کی دوری پر واقع شہر ’’پالو ‘‘میں سونامی آیا۔امریکی جیولوجیکل سروے کے مطابق سولاویسی جزیرے کے وسط میں آنے والے زلزلے کی گہرائی 10 کلو میٹر تھی۔

ایک نظر اس پر بھی

امریکی رپورٹ کا خلاصہ؛ ہندوستان کی حکومت مسلم مخالف ! مسلم اداروں کے خلاف اقدامات؛ بی جے پی قائدین کی اشتعال انگیز تقاریر کا سلسلہ جاری؛ شہروں کے مسلم نام بدلنے کا بھی حوالہ

مذہبی آزادی سے متعلق  امریکہ کے اسٹیٹ  ڈپارٹمنٹ کی تازہ رپورٹ میں ہندوستان میں ہجومی تشدد، تبدیلی مذہب کی صورتحال، اقلیتوں کے قانونی موقف اور سرکاری پالیسیوں کا احاطہ کیا گیا  ہے۔ رپورٹ میں واضح کیا گیا ہے کہ  ہندوستان میں سال 2018 کے دوران ہندو انتہا پسند تنظیموں کی جانب سے ...

امریکہ اور ایران کے درمیان حالات انتہائی دھماکہ خیز ،خطے میں جنگ کا خطرہ،ہندوستان سمیت مختلف ممالک نے کیاہرمز سے پروازوں کا ر استہ تبدیل، سلامتی کونسل کا ہنگامی اجلاس

گزشتہ چنددنوں سے ایران اور امریکہ کے درمیان جاری کشیدگی میں اس وقت مزید شدت آگئی جب ایران نے امریکہ کے ڈرون کو مارگرایا۔

امریکہ کی طرف سے ہندوستان کو دھمکی روس سے ڈیل کی صورت میں دفاعی امداد محدود ہوجائے گی

امریکہ کی وزارت خارجہ کی افسر ایلس جی ویلس نے جمعہ کو کہا کہ ان کا ملک ہندوستان کی دفاعی ضروریات پورا کرنے کے لئے تیار ہے، لیکن روسی ایس-400 نظام اس میں رکاوٹ بن رہا ہے- ہندوستان-روس ڈیل سے امریکہ کا تعاون محدود کردیا جائے گا -

دُبئی میں 18 برس سے کم عمر بچوں کی ویزہ مفت؛ 15 جولائی سے 15 ستمبر تک رہے گی سہولیت

 متحدہ عرب امارات میں سیاحتی سیزن کے دوران غیر مُلکی سیاحوں کے 18 برس سے کم عمر بچوں کے لیے مفت ویزے کی سہولت فراہم کی جا رہی ہے۔ یہ اعلان فیڈرل اتھارٹی فار آئیڈینٹٹی اینڈ سٹیزن شپ کی جانب سے کیا گیا ہے۔ دُبئی میں ہر سال سیاحتی سیزن کا آغاز 15 جولائی سے ہوتا ہے جو 15 ستمبر تک جاری ...

اسپتال قائم کرنا میری ذمہ داری نہیں ہے: کاروار میں ایم پی اننت کمار ہیگڈے کا تکبرانہ بیان

ضلع شمالی کینرا میں ایک ٹراما سینٹر اور سوپر اسپیشالٹی ہاسپٹل تعمیر کرنے کے لئے سوشیل میڈیا جو مہم چلائی جارہی ہے اور متعلقہ محکمہ جات کے افسران کو میمورنڈم دئے جارہے ہیں اس سلسلے میں ضلع کے رکن پارلیمان اننت کمار ہیگڈے نے اب تک کسی قسم کاردعمل ظاہر نہیں کیاتھا۔ الٹے سوشیل ...