ہندوستانی خواتین کرکٹ ٹیم کی ایشیا کپ ٹی 20میں مسلسل دوسری جیت

Source: S.O. News Service | By Shahid Mukhtesar | Published on 5th June 2018, 12:04 AM | اسپورٹس |

کوالالمپور ،04؍جون ( ایس او نیوز؍آئی این ایس انڈیا ) کپتان ہرمنپریت کورکے آل کارکردگی کی بدولت ہندوستانی خواتین کرکٹ ٹیم نے ایشیا کپ ٹی 20 ٹورنامنٹ کے دوسرے میچ میں تھائی لینڈ کے لیے 66رنز سے ہرا دیا. پہلے بیٹنگ کرتے ہوئے ہندوستان نے چار وکٹ پر 132 رن بنائے۔جواب میں تھائی لینڈ کی ٹیم آٹھ وکٹ پر 66 رن ہی بنا سکی۔ ہندوستان چھ ممالک کے ٹورنامنٹ میں مسلسل دو فتح کے بعد سب سے اوپر ہے۔ہندوستان نے پہلے میچ میں میزبان ملائیشیا کو 142 رنز سے شکست دی تھی۔ ہندوستان کے لیے مونا میشرام نے 45 گیند میں 32 رن بنائے تھے۔ہرمنپریت نے 17 گیند میں ناٹ آوٹ 27رن جوڑے جس میں تین چوکے شامل تھے۔اسمرتی مدھانا نے 22 گیند میں 29 رن بنائے۔ہرمنپریت نے اپنی آف اسپن بولنگ سے تین اوور میں 11 رن دے کر تین وکٹ بھی لئے۔اس کارکردگی کی وجہ سے انہیں پلیئر آف دی میچ منتخب کیا گیا۔پرتیبھا شرما نے بھی دو وکٹ لیے۔تھائی لینڈ کے لیے نٹایا بوچاتھم نے40 گیند میں 21 رن بنائے۔ہندوستانی گیند بازوں کے سامنے تھائی بلے باز ٹک ہی نہیں سکے۔ ہندوستان کو کل آرام کے بعد اگلا میچ میں بنگلہ دیش سے کھیلنا ہے۔

ایک نظر اس پر بھی

ایشیا کپ کے دوران افغان اوپنر محمد شہزاد کو اسپاٹ فکسنگ کی پیشکش

انٹرنیشنل کرکٹ کونسل (آئی سی سی) کے سخت اقدامات کے باوجود اسپاٹ فکسنگ کے عفریت نے ایک مرتبہ پھر کھیل پر اثرانداز ہونے کی کوشش کی ہے، ایشیا کپ کے دوران افغانستان کے اوپنر محمد شہزاد کو اسپاٹ فکسنگ کی پیشکش کی گئی۔

میتھیوز کی کپتانی چھنی، چنڈیمل کو ون ڈے کی بھی کمان

ایشیا کپ میں سری لنکا کی مایوس کن کارکردگی اور اس کے پہلے ہی راؤنڈ میں باہر ہو جانے کا نزلہ سری لنکا کے کپتان انجیلو میتھیوز پر گر گیا اور ان کی کپتانی چھین کر دنیش چنڈیمل کو ون ڈے ٹیم کا بھی کپتان بنا دیا گیا۔

ملک کو مزید بہترین سنگلزکھلاڑیوں کی ضرورت ہے: امرت راج

ہندوستان کے عظیم ٹینس کھلاڑی وجے امرت راج نے کہا کہ ملک کو اگر دنیا میں ایلیٹ گروپ میں شامل ہونا ہے تو اسے بہترین سنگلز کھلاڑیوں کو تیار کرنے کی ضرورت ہے۔ ہندوستان کو حال میں ڈیوس عالمی گروپ پلے آف میچ میں سربیا سے 0-4 سے شکست کا منہ دیکھنا پڑا اور امرت راج کو لگتا ہے کہ ملک میں ...