ہندوستانی فوج دنیا کی سب سے طاقتور افواج میں سے ایک: جنرل راوت
پتھورا گڑھ،23؍اکتوبر (ایس او نیوز؍آئی این ایس انڈیا ) فوجی سربراہ جنرل بپن راوت نے کہا کہ ہماری فوج دنیا کی سب سے طاقتور فوج میں سے ایک ہے ۔جنرل راوت اپنی صدی تقریب منا رہی کماؤں رائفلس کے فوجیوں، سابق فوجیوں او ڈیوٹی کے دوران شہید ہو گئے فوجیوں کی بیواؤں کو اعزاز سے نوازنے کے لئے یہاں آئے تھے ،ا اس موقع پر انہوں نے ڈاک ٹکٹ بھی جاری کیا ۔اس موقع پر جنرل راوت نے کہا کہ تین کماؤں رائفلس اور کما ؤں ریجمنٹ کے جوانوں اور افسران کی طرف سے پہلی جنگ عظیم سے لے کر آزادی کے بعد لڑی گئی جنگوں میں دکھائی گئی بہادری ملک کی سرحدوں کی حفاظت میں ان کے مثالی شراکت کا ثبوت ہے ۔ فوج کے سربراہ نے تقریب میں حصہ لے رہے حکام کو سابق فوجیوں اور ویر ناریوں (شہید فوجیوں کی بیواؤں) کے وظیفہ اور دیگر منصوبوں سے متعلق معاملات کو ترجیح کی بنیاد پر جلد سے جلدحل کرنے کی ہدایت دی، انہوں نے کہا کہ ایسے معاملات میں کوئی تاخیر نہیں ہونی چاہئے ۔