پاکستان کو منھ توڑ جواب ملے گا:گجندرسنگھ شیخاوت
دھول پور،17فروری(ایس او نیوز؍آئی این ایس انڈیا) زراعت اور کسان بہبود کے مرکزی وزیر گجندر سنگھ شیخاوت نے کہا ہے کہ پلوامہ میں ہوئے دہشت گرد انہ حملے کا پاکستان کو کرارا جواب دیا جائے گا۔شیخاوت نے کہا کہ وزیر اعظم نریندر مودی نے خود اس بات کا اعلان کیا ہے کہ فوج خود ہی وقت، مقام اور حملے کاخاکہ تیار کریں۔ مرکزی حکومت نے فوج کو جوابی کارروائی کرنے کی چھوٹ دے دی ہے۔انہوں نے کہا کہ پاکستان کو ایسا جواب ملے گا کہ اگلی بار ایسی حرکت کرنا تو دور، دہشت گرد اس کے بارے میں سوچیں گے تک نہیں، شہیدوں کی شہادت کا پورا بدلہ لیا جائے گا۔جموں کشمیر کے پلوامہ میں دہشت گردانہ حملے میں شہید ہوئے مرکزی ریزرو پولیس فورس کے بھاگیرتھ سنگھ کے ہفتہ کو ان کے آبائی گاؤں جیت پور میں آخری رسومات میں شرکت کرنے پہنچے شیخاوت نے کہا کہ پورے ملک کو شہیدوں پر فخر ہے۔انہوں نے کہا کہ ہم اس جنم میں ان کا احسان نہیں اتار سکتے، لیکن خاندان کی مدد کر سکتے ہیں۔مرکزی حکومت کے پیکیج کے علاوہ دیگر طرح کے مقابلے میں مدد کرے گا، کھیت میں آب پاشی کا انتظام کریں گے، اس کے لئے مرکزی زمینی بورڈ یا دیگر ایجنسی سے بھی مدد کرے گی۔انہوں نے بتایا کہ شہید خاندانوں کو مرکز کی جانب سے خصوصی پیکیج دیا جائے گا، پورا ملک اور مرکزی حکومت شہداء کے خاندانوں کے ساتھ ہے۔شیخاوت اور راجستھان حکومت کی بہبود برائے خواتین واطفال کی وزیر ممتا بھوپیش نے شہید بھاگیرتھ سنگھ کے والد پرشرام اور ان کی بیوی رنجنا دیوی سمیت دیگر اہل خانہ کو تسلی دی۔