ہندوستان پوتن کو ایچ اے ایل کے مگ طیارے دے گا
بنگلورویکم اکتوبر(ایس او نیوز) روس کے صدر ولادیمر پوتن جب 4-5 اکتوبر کو ہند روس کانفرنس کے لیے نئی دہلی آئیں گے ، انہیں بنگلورو کے ہندوستان ایرو ناٹکس لمیٹڈ میں بنے تین مگ طیارے، ایک ٹائپ 75 اوردو ٹائپ 77ہندوستانی رنگوں میں لپیٹ کر ماسکو روانہ کئے جائیں گے۔صدر پوتن کے لیے تحفہ اس حقیقت کا انکشاف کرے گا کہ واشنگٹن کی جانب سے ہندوستان کو روس کی بانہوں سے نکالنے کی کوششوں کے باوجوداس کا پرانا ساتھی اس کا سب سے بڑ ا ہتھیار سپلائی کرنے والا ہے۔مزید برآں اگر دیگر معاہدے بشمول 40,000کروڑ روپیوں کاS 400دفاعی میزائل معاہدہ،AK-103اسالٹ رائفل کی تیار ی کا معاہدہ،ایچ اے ایل اور روس کے درمیان مشترکہ وینچر اور روسٹک روسی ہیلی کاپٹرپروڈکشن یونٹ جو Ka-226ہلکے استعمال کے ہیلی کاپٹرکی اسمبلی اور ساتھ ساتھ4تلوار کلاس فریگیٹس اور روڈٹرانسپورٹ جلد وارننگ دینے والے طیارے جو اسرائیلی ٹکنالوجی سے لیس ہیں اور اسرو کے خلابازوں کویوری گگورین کاسموناٹ ٹریننگ سنٹر میں تربیت کے معاہدے قطار میں ہیں ۔ مگ کی1986سے روس میں مزید تیاری نہیں ہو رہی ہے ، لیکن ہندوستان جس نے Mig-21کو1963کی ہندچین جنگ کے فوراً بعد انڈین ایر فورس میں شامل کیا وہاں ا بھی کئی Mig-21طیاروں کی خدمات جاری ہیں جنہیں صرف2021-2022میں ہٹایا جائے گا۔تب تک اپ گریڈ شدہ ٹائپ 75اور ٹائپ 96انڈین ایرفورس کی حملہ آور فلائٹوں میں شامل رہیں گے۔