ہندوستانی کرکٹ ٹیم نے آفریدی کو تحفے میں دی جرسی ،وراٹ نے دی مبارکباد

Source: S.O. News Service | By Shahid Mukhtesar | Published on 20th April 2017, 11:35 AM | اسپورٹس |

نئی دہلی ،19؍اپریل(ایس او نیوز؍آئی این ایس انڈیا) ہند۔پاک کے کرکٹ کھلاڑیوں کے درمیان اب بھی اچھے تعلقات برقرار ہیں۔ اس کا پتہ اس سے چلتا ہے کہ ہندوستانی ٹیم نے پاکستان کے سابق کپتان شاہد آفریدی کو تحفے میں جرسی دی ہے۔ ٹوئٹر کی ایک تصویر کو دیکھنے سے یہ پتہ چلتا ہے۔ آفریدی کے بین الاقوامی کرکٹ کے ریٹائرمنٹ لینے کے بعد ہندوستانی ٹیم نے کپتان وراٹ کوہلی کی جرسی انہیں تحفے میں دی جس پر ٹیم کے باقی کھلاڑیوں کے بھی دستخط ہیں۔ پاکستان کے ایک صحافی نے حال ہی میں اس جرسی کی تصویر ٹوئٹر پر ڈالی تھی۔ہندوستانی ٹیم کے کپتان کوہلی نے ٹی شرٹ پر لکھا’’شاہد بھائی کو مبارک، آپ کے خلاف کھیلنا ہمیشہ سے بہترین تجربہ تھا‘‘۔اس جرسی پر کوہلی کے علاوہ یوراج سنگھ، آشیش نہرا، جسپریت بمراہ، سریش رینا، پون نیگی، محمد سمیع، رویندر جڈیجہ، بھونیشور کمار، اجنکیا رہانے، شکھر دھون، روی چندرن اشون، ہاردک پانڈیا اور ہندوستانی ٹیم کے سابق ڈائریکٹر روی شاستری کے دستخط ہیں۔ اس سے پہلے آفریدی نے کہا تھا کہ ہندستانی ٹیم اور سچن تندول کر کے خلاف کھیلنے کا موقع انہیں ملا تھا۔

ایک نظر اس پر بھی

زمبابوے کرکٹ ٹیم کا اعلان

یکم جولائی سے ہرارے میں پاکستان اور آسٹریلیا کے خلاف ہونے والے تین قومی ٹی20 کرکٹ ٹورنامنٹ کے لئے میزبان زمبابوے کرکٹ ٹیم کا اعلان کردیا گیا ہے ۔

انگلینڈ نے آسٹریلیا کے خلاف تیسرے ون ڈے میں 481 رنز بناکر عالمی ریکارڈ بنادیا

آسٹریلیا کے خلاف سیریز کے تیسرے ون ڈے انٹرنیشنل میں انگلینڈ نے 6 وکٹ پر481 رنز بنا کر کئی ریکارڈز پاش پاش کردیے، یہ ایک روزہ بین الاقوامی کرکٹ میں بڑے مجموعے کا نیا ریکارڈ شمار ہوگا، اس سے قبل پاکستان کے خلاف 3 وکٹ پر 444 رنز کا عالمی ریکارڈ بھی انگلینڈ کے قبضے میں ہی تھا تاہم انگلش ...

پہلی بار فٹ بال کپ کیلئے قرۃ العین بلوچ کی آواز میں گانا ریلیز

روس میں جاری 21 ویں فٹ بال ورلڈ کپ کا فیفا کی جانب سے جاری کردہ آفیشل گانا ’لو اٹ اپ‘ یوں تو کپ شروع ہونے سے ایک ماہ قبل ہی جاری کردیا گیا تھا۔تاہم اب ملٹی نیشنل مشروب کمپنی ’کوکو کولا‘ نے بھی پہلی بار پاکستان میں فٹ بال ورلڈ کپ کا خصوصی اینتھم سانگ جاری کردیا۔

بال ٹیمپرنگ کے الزام پر سری لنکن ٹیم بھڑک اٹھی

ویسٹ انڈیز سے دوسرے ٹیسٹ میں بال ٹیمپرنگ کے الزام پر سری لنکن ٹیم بھڑک اٹھی۔ویسٹ انڈیز کے خلاف سیریز کے دوسرے ٹیسٹ میں بال ٹیمپرنگ کاالزام عائد ہونے پر سری لنکن ٹیم نہ صرف غصے سے بھڑک اٹھی بلکہ اس نے میدان میں بھی اترنے سے انکار کردیا تھا۔