بھارتی جنر ل بپن راوت کا اشتعال ساتوں آسمان پر،پاکستان دہشت بھیجتا رہے گا، آپ مار یں گے وہ اور بھیجے گا : راوت 

Source: S.O. News Service | By Shahid Mukhtesar | Published on 12th January 2018, 10:33 PM | ملکی خبریں |

نئی دہلی،12؍جنوری ( ایس او نیوز؍آئی این ایس انڈیا ) انڈین آرمی چیف جنرل بپن راوت نے آج کہا کہ تمام کوششوں کے باوجود جموں اور کشمیر میں دہشت گردوں کی تعداد اور دہشت گردی کے واقعات میں کمی نہیں آرہی ہے ۔ راوت نے کہا کہ برہان وانی کے جاں بحق ہونے کے بعدجو حالات بگڑے تھے وہ ساؤتھ کشمیر میں بگڑے تھے جب اس طرح کے حالات آبادعلاقہ میں ہوں تو اس وقت مشکل پیش آتی ہے ۔ راوت نے یہ بھی کہا کہ ہمارا ہیومن رائٹ ریکارڈ بہت اچھا ہے، اگر دہشت گرد کسی گھر میں چھپا ہوتا ہے تو وہ گھبرایا ہوا ہوتا ہے جس کی وجہ سے وہ فائرنگ کی غلطی کر بیٹھتا ہے جس سے ہمیں انہیں گرفتار کرنے میں مدد ملتی ہے ۔ انہوں نے کہا کہ ہم نے 39 دہشت گرد زندہ بھی پکڑے ہیں۔ ہم ان کو پورا موقع دیتے ہیں، ان کے آقاؤں سے رابطہ کرتے ہیں؛ لیکن میں یہ کہہ سکتا ہوں کہ کشمیر میں دہشت گردی ختم نہیں ہوئی ہے ۔ اس بار ہماری کامل توجہ کا محور شمالی کشمیر ہوگا ۔ ہم بارہمولہ، کپواڑہ، بانڈی پورہ ، ، پٹن وغیرہ شمالی کشمیر کے علاقہ جات میں سخت تلاشی مہم پر خصوصی توجہ دیں گے ۔انہوں نے کہا کہ پاکستان مسلسل بھارت میں دہشت گرد بھیجتا رہے گا، آپ جتنے ماریں گے وہ اور بھیجے گا ۔ اس لئے ہم نے طے کیا ہے کہ پاکستانی فوج کی ان پوسٹوں کو نشانہ بنایا جائے جہاں سے دہشت گردوں کو مدد مل رہی ہے۔ ہمارا واضح مقصد پاکستانی پوسٹس کو برباد کر نا ہے تاکہ ان کے ذریعہ ہمیں جو تکلیف ملی ہے اس کا کچھ نہ کچھ حصہ پاکستان بھی چکھ لے ۔ جب ان سے پوچھا گیا کہ کیا ڈو کلام میں جنگ بھی ہو سکتی تھی؟ تو انہوں نے کہا کہ آپ اس صورت حال کے لئے ہمیشہ تیار رہتے ہیں۔ انہوں نے کہا کہ جی ہاں ! ایسا ہو سکتا تھا۔ اگر یہ تنازع مزید بڑھتا تو جنگ کا امکان تھا ،ہم اس کے لیے تیار بھی تھے ۔ انہوں نے کہا کہ ہم چینی افواج کو ان کی حدود کے اندر محدود رکھنا چاہتے تھے ؛ کیونکہ وہ علاقہ جغرافیائی طور سے ہمارے حق میں تھا ۔ 

ایک نظر اس پر بھی

مندر وہیں بنائیں گے ،پر تاریخ راہل گاندھی بتائیں گے: کیشو پرساد موریہ 

یوپی کے نائب وزیر اعلی کیشو پرساد موریہ نے اتوار کو کہا کہ ’’رام للا ہم آئیں گے، مندر وہیں بنائیں گے، لیکن تاریخ راہل گاندھی ہی بتائیں گے‘‘۔ موریہ اتوار کو چندر شیکھر آزاد زرعی اور ٹیکنالوجی یونیورسٹی کیمپس میں منعقد بی جے پی کانپور آئی ٹی محکمہ کے بندیل کھنڈ شعبہ کے علاقائی ...

چھتیس گڑھ اسمبلی انتخابات 2018 : پہلے مرحلے میں 18 نشستوں کے لیے ووٹنگ ختم، 70فی صدپولنگ ہوئی

چھتیس گڑھ میں سخت سیکورٹی کے درمیان پہلے مرحلے کی ووٹنگ ختم ہو گئی ہے ۔ پہلے مرحلے میں کل 70 فیصد ووٹنگ ہوئی۔ کونڈا گاؤں میں61.47%، کیش کال 63.51%، کانکیر میں62%، بستر میں58%، دنتے واڑہ میں49%، خیرا گڑھ میں70.14%، ڈونگرگڑھ میں 71 فیصد اور کھجی میں72%فیصد لوگوں نے اپنے ووٹ کے حق کا استعمال کیا۔ ...

جسٹس مدن بی لوکر اور جسٹس یویوللت کا بنچ ہی کرے گا سماعت

منی پور فرضی انکاؤنٹر کیس میں سپریم کورٹ نے فوج کے تقریبا 300 جوان ، سابق فوجی اہلکاروں اور مرکز کی درخواست مسترد کر دی ہے۔ جسٹس مدن بی لوکر اور جسٹس یو یو للت کا بنچ ہی اس معاملے کی سماعت کرتا رہے گا ۔ دراصل سپریم کورٹ کو یہ طے کرنا تھا کہ سماعت کر ر ہے بنچ ہی معاملے کی سماعت جاری ...

کْولنگ ٹیکنالوجی میں اہم اختراعات کے تین ملین امریکی ڈالر انعام کا اعلان 

آج نئی دہلی میں دو روزہ گلوبل کْولنگ انوویشن سمٹ کے افتتاحی اجلاس کے دوران معیاری روم ایئر کنڈیشننگ(آر اے سی)کے مقابلے میں پانچ گنا کم ماحولیاتی اثرات کی حامل رہائشی کولنگ ٹیکنالوجی میں اختراع اور ترقی کو ترغیبات فراہم کرنے کے لیے ایک بین الاقوامی مسابقہ گلوبل کولنگ پرائز کا ...

آر ایس ایس پر پابندی لگانے کی بات نہیں کہی:کانگریس 

آر ایس ایس پر پابندی کو لے کر سیاسی گہما گہمی کے درمیان کانگریس نے صفائی دی ہے۔ مدھیہ پردیش کانگریس کے سربراہ کمل ناتھ نے کہا کہ ’’وچن پتر ‘‘ (انتخابی منشور) میں پارٹی نے یا انہوں نے آر ایس ایس پر پابندی لگانے کی بات نہیں کہی۔ کمل ناتھ نے کہا کہ پارٹی کا ایسا کوئی منشا بھی نہیں ...

ایودھیا میں مسجد بن بھی گئی تو نماز پڑھنا ممکن نہیں ہو گا:غیورالحسن رضوی

قومی اقلیتی کمیشن کے سربراہ بھی اب ایودھیا میں متنازع مقام پر رام مندر کی حمایت میں اتر آئے ہیں۔ کمیشن کے سربراہ غیورالحسن رضوی کا کہنا ہے کہ کئی ساری مسلم تنظیم ایودھیا میں رام مندر بنائے جانے کے حق میں ہیں۔ انہوں نے یہ بھی دلیل دی ہے کہ ایودھیا میں رام مندر بن جانے سے امن قائم ...