آسٹریلیاکے خلاف ون ڈے سیریز کیلئے ٹیم کااعلان،سمیع اورامیش یادوکی واپسی
نئی دہلی،10؍ستمبر(ایس او نیوز؍آئی این ایس انڈیا)سلیکشن کمیٹی نے آسٹریلیا کے خلاف پہلے تین ایک ون ڈے کے لئے ٹیم کاانتخاب کیا ہے۔اتوار کو ایک 16رکنی ٹیم کا اعلان کیا گیا۔تیزگیندبازامیش یادو اور محمدسمیع کی واپسی ہوئی ہے،دونوں ا سپن بالر آر اشون اور روندرجڈیجہ ٹیم میں نہیں ہیں۔آف اسپنر اشون فی الحال کاؤنٹی کرکٹ میں مصروف ہیں،جبکہ بائیں ہاتھ کے اسپنر جڈیجہ کو آرام دیا گیا ہے۔یوراج سنگھ کو دوبارہ ایک موقع نہیں دیا گیا ہے۔
وراٹ کوہلی کی سربراہی میں ٹیم میں واحد تبدیلی کی گئی ہے۔فاسٹ بولر شاردل ٹھاکر کو باہر کردیا گیا ہے۔سری لنکا میں ٹیسٹ سیریز کے بعد امش اور سمیع کو آرام دیا گیا تھا اور اب وہ بریک کے بعد واپس آ گئے ہیں۔
آسٹریلیا کی اسٹیو سمتھ کی کپتانی والی ٹیم 17ستمبر کو پہلامیچ کھیلے گی۔اس دوران پانچ ون ڈے اور تین ٹی 20میچ کھیلے جائین گے ۔آسٹریلیا کی ٹیم نے اسی سال فروری ۔مارچ کے دوران چار ٹیسٹ میچوں کی سیریز کھیلی تھی،تب اسے وراٹ بریگیڈ نے2-1سے شکست دی تھی،اگرچہ آسٹریلیا نے دوسرا ٹیسٹ (پونے)جیت کر آسٹریلیا نے 2015سے ناقابل شکست آرہی ٹیم انڈیا کوہرایاتھا۔
ہندوستانی ٹیم:وراٹ کوہلی (کپتان)، روہت شرما، شکھر دھون، کے ایل راہل، منیش پانڈے، کیدار جادھو، اجنکیارہانے، مہندر سنگھ دھونی، ہاردک پنڈیا،اکشر پٹیل، کلدیپ یادو، ، جسپریت بمراہ، بھونیشور کمار، امیش یادو، محمدسمیع۔