ٹیم انڈیا کو دورہ انگلینڈ کے لئے جلد شروع کرنی ہوگی تیاری:شکھر دھون
نئی دہلی،24؍ مارچ ( ایس او نیوز؍آئی این ایس انڈیا ) سٹار اوپنر شکھر دھون نے صاف طور پر کہا کہ ہندوستانی ٹیم کو اگر انگلینڈ دورے پر اچھی کارکردگی کرنا ہے تو تیاری جلد شروع کرنی پڑے گی۔ ہندوستانی ٹیم نے جنوبی افریقہ کے دورے پر کوئی پریکٹس میچ نہیں کھیلا تھا لیکن دھون کو یقین ہے کہ وہ انگلینڈ میں اچھی کارکردگی کا مظاہرہ کر سکتے ہیں بشر طیہ کہ وہاں کی پچوں پر پریکٹس کیا جائے۔انہوں نے کہا کہ انگلینڈ کے خلاف سیریز مشکل ہوگی لیکن ہمیں اس طرح کی پچوں پر جلدی پریکٹس کرنی ہوگی۔اگر تیاری صحیح رہی تو ہم بہترین کارکردگی کا مظاہرہ کر سکتے ہیں انگلینڈ میں نہ جیتنے کی کوئی وجہ نہیں ہے۔انہوں نے کہاکہ میں بیرون دوروں پر اچھا نہیں کھیل پا رہا تھا لیکن ون ڈے اور ٹی 20 سیریز میں بہتر کارکردگی سے میرا اعتماد بڑھا۔جنوبی افریقہ میں ایسا مظاہرہ کرنا خواب سچ ہونے جیسا ہے۔ میں مسلسل رن بنانا چاہتا ہوں۔آئی پی ایل میں دھون کو سن رائزرس حیدرآباد نے برقرار رکھا ہے اور وہ ڈیوڈ وارنر کے ساتھ اننگز کا آغاز کریں گے۔دھون نے کہا کہ آئی پی ایل دلچسپ ہو جائے گا۔یہ نیا سیشن ہے اور بہت نئے چہرے ہوں گے۔