ہندوستان نے جنوبی افریقہ میں سیریز جیت کر تاریخ رقم کی

Source: S.O. News Service | By Shahid Mukhtesar | Published on 14th February 2018, 3:31 PM | اسپورٹس |

پورٹ الیزبتھ،14؍فروری(ایس او نیوز؍ایجنسی) ہندوستان نے 6 ون ڈے میچوں کی سیریز میں جنوبی افریقہ کو 73رنز سے ہرا کر سیریز پر قبضہ کر لیا۔ 26 سال میں یہ پہلا موقع ہے جب ہندوستان نے جنوبی افریقہ کو اسی کی سرزمین میں شکست دے کر سیریز جیتنے میں کامیابی حاصل کی۔ ٹاس جیت کر پہلے بلے بازی کرتے ہوئے ہندوستانی ٹیم نے 50 اوور میں 7 وکٹ کے نقصان پر 274 رنز بنائے۔ جواب میں میز بان ٹیم 41.6 اوور میں 201 رن بنا کر آل آؤٹ ہو گئی۔

قبل ازیں روہت شرما نے بالاخر اپنی لے میں آتے ہوئے 17 ویں سنچری (115) اسکور کی جس کی بدولت ہندوستان نے جنوبی افریقہ کے خلاف پانچویں ونڈے میں منگل کو سات وکٹ پر 274 رن کا چیلنجنگ اسکور بنالیا۔

ہندوستان کے پاس 300 سے زیادہ رن بنانے کا سنہرے موقع تھا لیکن مڈل آرڈر کے بلے بازوں کے آوٹ ہونے سے اس کے ہاتھ سے یہ موقع نکل گیا۔ ہندوستان نے تین وکٹ پر 236 رن کی مستحکم پوزیشن سے دو رن کے وقفہ میں تین وکٹ گنوائے۔ ہندوستان کے دو کھلاڑی کپتان وراٹ کوہلی اور اجنکے رہانے غلط فہمی اور اپنی غلطی کی وجہ سے رن آؤٹ ہوگئے۔

جنوبی افریقہ کے دورے پر مسلسل جدوجہد کر رہے روہت کو بالاخر اپنی لے ملی اور انہوں نے 96 کے اسکور پرملی زندگی کا پورا فائدہ اٹھاتے ہوئے اپنی 17 ویں ون ڈے سنچری اسکور کی۔ روہت نے اس دورے میں اپنی پہلی نصف سنچری ہی نہیں بلکہ پہلی سنچری بنائی۔ انہوں نے 126 گیندوں کا سامنا کیا اور اس شاندار اننگز میں 11 چوکے اور چار چھکے لگائے۔

ہدف کا تعاقب کرنے اتری جنوبی افریقہ کی ٹیم کے ہاشم آملہ اور ایڈن مارکرام نے ایننگ کا آغاز کیا۔ 5 اوور کے بعد افریقی ٹیم کا اسکور 23 رن تھا۔ ہندوستانی ٹیم کے لئے پہلی کامیابی جسپریت بمراہ نے مارکرام (32 رن) کو کوہلی کے ہاتھوں کیچ کرا کر دلائی۔ اس کے فوری بعد ہاردک پنڈیا نے جے پی ڈیومنی (1) کو روہت شرما کے ہاتھوں کیچ کرا دیا۔ میزبان ٹیم کا تیسرا وکٹ اے بی ڈیولیرس (6)کے طور پر گرا جنہیں پنڈیا نے وکٹ کیپر دھونی سے کیچ کرایا۔ 15 اوور کے بعد اسکور 74 رن تھا۔ اس کے بعد میلر اور آملہ نے اسکور کو 100 کے پار پہنچایا۔ میلر نے ایننگ کے دوران 2500 رن بھی مکمل کئے۔

جنوبی افریقہ کا چوتھا وکٹ ڈیوڈ میلر (36) کے طور پر گرا جنہیں چہل نے بولڈ کیا۔ آملہ نے نصف سینچری 72 بالس میں تین چوکوں کی مدد سے مکمل کی۔ جنوبی افریقہ کا پانچواں وکٹ آملہ (71 رن) کے طور پر گرا جو پنڈیا کی ایک بہترین تھرو پر رن آؤٹ ہو گئے۔

چھٹے وکٹ کے طور پر اینڈلو فیلکوایو(0) کو کلدیپ یادو نے آؤٹ کیا۔ چھ وکٹ گرنے کے بعد ایننگ کے 38 ویں اوور میں کلاسین نے کلدیپ یادو کے اوور میں دو چھکے اور ایک چوکا لگا کر ماحول گرما دیا۔ کلدیپ نے کاگسو رباڈا (3) کو چہل سے کیچ کراتے ہوئے ہندوستان کو ساتویں کامیابی دلائی۔ بعد ازیں میز بان ٹیم 41.6 اوور میں 201 رن بنا کر آل آؤٹ ہو گئی۔

ایک نظر اس پر بھی

ہبلی میں منعقدہ کرکٹ ٹورنامنٹ میں بھٹکل ٹیم کی زبردست کامیابی؛ ٹیم کی بھٹکل آمد پر شاندار استقبال

کرناٹکااسٹیٹ  کرکٹ اسوسی ایشن (KSCA) کے زیر اہتمام ہبلی میں منعقدہ چوتھے  زونل لیول کرکٹ ٹورنامنٹ میں بھٹکل سی سی نے  زبردست  جیت حاصل کی ہے، اس جیت  کے ساتھ ہی بھٹکل کے کرکٹ  کھلاڑی کامیابی کے پہلے زینہ  کو پارکرنے میں کامیاب ہوگئے ہیں ۔ جیت  حاصل کرنے کے بعد جب ٹیم بھٹکل ...

پانچویں ونڈے میں شاندار جیت کے ساتھ ہندوستان کا سیریز پر 1-4 سے قبضہ

مڈل آرڈر کے بلے باز امباٹی رائیڈو کی 90 رن کی شاندار اننگز اور آل راؤنڈر ہاردک پانڈیا (45 رن اور دو وکٹ) کی بہترین آل راونڈر کارکردگی کی بدولت ہندوستان نے نیوزی لینڈ کو پانچویں اور آخری ون ڈے میں آج 35 رن سے شکست دے کر پانچ میچوں کی سیریز 4-1 سے اپنے نام کرلی۔

دوسرے ٹی 20 میچ میں جنوبی افریقہ نے پاکستان کو 7 رنوں سے شکست دی

جنوبی افریقہ اور پاکستان کے درمیان تین ٹی 20 میچوں کی سیریز کے دوسرے میچ میں  کپتان ڈیوڈ ملر کی طوفانی اننگز اور اس کے بعد آخری اوورس میں گیند بازوں کی اچھی گیند بازی کی بدولت جنوبی افریقہ نے سنسنی خیز مقابلہ میں پاکستان کو7 رنوں سے شکست دی ۔ ساتھ ہی ساتھ جنوبی افریقہ نے ...

دبئی کے قریب عجمان میں منعقدہ نوائط پریمیر لیگ کرکٹ ٹورنامنٹ میں ڈی وی ایس یونائٹیڈ کی شاندار جیت؛ الکریمی چیلنجرس کو فائنل میں شکست

دبئی کے قریب عجمان کے  ایڈن گارڈن میدان میں منعقدہ ایز ٹیکس نوائط پرئمیر لیگ (این پی ایل)  کرکٹ کا پہلا ٹورنامنٹ  ڈی وی ایس یونائیٹید نے جیت لیا، جس کے ساتھ ہی  پانچ ٹیموں پر مشتمل یہ ٹورنامنٹ کامیابی کے ساتھ اختتام پذیر ہوا۔