ایشین کپ چیمپینز ٹرافی: ہندوستان نے پاکستان کو 3-1 سے ہرایا

Source: S.O. News Service | By Shahid Mukhtesar | Published on 21st October 2018, 11:47 AM | اسپورٹس | ان خبروں کو پڑھنا مت بھولئے |

مسقط، 21؍اکتوبر (ایجنسی) ہندوستان نے ایشین کپ ہاکی چیمپینز ٹرافی کے اپنے دوسرے میچ میں روایتی حریف پاکستان کو 3-1 سے شکست دے کر ٹورنامنٹ میں لگاتار دوسرا میچ جیت لیا۔ ہفتہ کو کھیلے گئے مقابلہ میں ہندوستان نے پچھڑنے کے بعد زبردست واپسی کی اور پاکستان کو مات دی۔

میچ کی شروعات ہندوستان کے لئے بے حد خراب رہی۔ کھیل کے پہلے ہی منٹ میں پاکستان نے پینلٹی کارنر حاصل کر لیا۔ ہندوستانی ٹیم میدانی امپایر کے اس فیصلہ کے خلاف ریفرل پر گئی جہاں اسے مایوسی ہاتھ لگی۔ اس کے ساتھ ہی ہندوستان نے اپنا ریفرل بھی گنوا دیا۔ پاکستان کے عرفان جونیر نے ریباؤنڈ پر گول کر کے اپنی ٹیم کو برتری دلا دی۔

ایک گول سے پچھڑنے کے بعد ہندوستانی ٹیم جلد ہی سنبھلی اور اس نے پاکستانی خیمہ پر حملے شروع کر دئے۔ حالانکہ ہندوستان کی ٹیم گول کرنے میں کامیاب نہیں ہو سکی لیکن پاکستان پر دباؤ ضرور بن گیا۔ پہلا کوارٹر ختم ہونے تک ہندودستان 0-1 سے پیچھے تھا لیکن یہ احساس ہونے لگا تھا کہ اب برابری کا گول ہونے میں زیادہ وقت نہیں ہے۔

میچ کے 24ویں منٹ میں کپتان منپریت سنگھ نے بہترین ہاکی کا مظاہرہ کرتے ہوئے ہندوستان کی واپسی کرائی۔ منپریت نے تین پاکستانی ڈفینڈروں کے درمیان سے گیند کو نکال کر گول پوسٹ تک پہنچایا۔

ہاف ٹائم تک دونوں ٹیمیں 1-1 گول سے برابری پر تھیں۔ ہاف ٹائم کے بعد دو منٹ میں ہی جونئر عالمی کپ کی فاتح ٹیم کے حصہ رہے مندیپ سنگھ نے پاکستانی حصار میں آکاشدیپ کی مدد سے جگہ بنائی اور اپنے پیروں کے درمیان سے گیند کو نکال کر پوکسانی گول پوسٹ تک پہنچا دیا۔ ہندوستان اب 2-1 سے آگے ہو گیا تھا۔

اس کے بعد نوجوان اسٹرائیکر دلپریت نے ٹورنامنٹ میں اپنا چوتھا گول کیا جو میچ میں ہندوستان کا تیسرا گول تھا۔ آکاشدیپ نے ایک مرتبہ پھر اچھا موو بناتے ہوئے اپنے دائیں کھڑے للت اپادھیائے کی جاب گیند بڑھائی۔ للت نے صحیح وقت پر گیند کو دلپریت کی طرف بڑھا دیا اور دلپریت نے گیند کو گول پوسٹ تک پہنچا دیا۔

اس سے قبل ہندوستان نے جمعہ کے روز عمان کو 11-0 سے شکست فاش دی تھی۔ ٹورنامنٹ میں ہندوستان کا اگلا مقابلہ اتوار کو جاپان سے ہوگا۔ ہندوتانی وقت کے مطابق یہ مقابلہ رات کے 10.30 بجے کھیلا جائے گا۔

ایک نظر اس پر بھی

آئی پی ایل 2019:کولکاتہ نائٹ رائیڈرس نے تیز گیندباز مچل اسٹارک کا معاہدہ ختم کردیا 

آسٹریلیا کے تیز گیند باز مچل اسٹارک نے کہا کہ انڈین پریمیئر لیگ ٹیم کولکاتا نائٹ رائڈرس نے انہیں ٹیم سے ریلیز کر دیا ہے۔ انہیں اس کی معلومات ٹیم کے مالکان کی جانب سے ایس ایم ایس کے ذریعہ ملی۔

بھٹکل: نیو انگلش پی یو کالج کے بچوں کا تعلقہ لیول ثقافتی مقابلوں میں بہترین مظاہرہ؛ شہاب الدین انگریز ی مذاکرے میں اول

تعلیمات عامہ اترکنڑا ضلع کی طرف سے پی یوطلبا کے لئے منعقدہ تعلقہ سطح کے ثقافتی مقابلہ جات میں دی نیو انگلش پی یو کالج کے طلبا نے بہترین کارکردگی کا مظاہرہ پیش کرتےہوئے ضلع لیول کے لئے منتخب ہوئے ہیں۔

دمام میں کاسرگوڈ کے ایک شخص کی لاش کی تین سال بعد تدفین

دمام سعودی عربیہ میں تین سال قبل انتقال کرگئے پڑوسی تعلقہ  کاسرگوڈ کیرالہ کے حسینار کنہی (۵۷سال) نامی ایک شخص کی لاش کو تین سال بعد دفنایا گیا۔ بتایا جاتا ہے کہ مرحوم حسینار کنہی کے پاسپورٹ پر درج اس کے  ہندوستانی پتے میں کچھ خامیاں تھیں اور پتہ نامکمل تھا اس لئے سعودی پولیس ...

کمٹہ سب رجسٹراردفتر میں انٹی کرپشن بیورو کا چھاپہ؛ رشوت لینے کے الزام میں آفسر گرفتار

کمٹہ میں واقع سب رجسٹرار اور میریج رجسٹرار کے دفتر میں چل رہی بھاری رشوت خوری کی باتیں تو عام ہیں، لیکن ا س کا ثبوت اس واقعے سے مل جاتا ہے کہ اینٹی کرپشن بیورو کے افسران نے کارروائی کرتے ہوئے سب رجسٹرارشیوانند ایس پاٹل کورشوت خوری کے الزام میں گرفتار کرلیا ہے۔

سی آئی اے کا دعویٰ ، سعودی عرب کے شہزادے نے دیا تھا جمال خشوگی کے قتل کاحکم

امریکی اخبار وشنگتن پوسٹ کے صحافی جمال خشوگی کی موت کو لیکر امریکی کی خفیہ ایجنسی نے بڑا دعوی کیا ہے۔ امریکہ کی سینٹرل انٹیلیجنس ایجنسی ( سی آئی اے ) نے کہا ہے کہ نے صحافی جمال خشوگی کے قتل کے احکام دئے تھے۔