پانچویں ونڈے میں شاندار جیت کے ساتھ ہندوستان کا سیریز پر 1-4 سے قبضہ

Source: S.O. News Service | By Shahid Mukhtesar | Published on 4th February 2019, 12:46 PM | اسپورٹس |

ویلنگٹن،4؍فروری (ایس او نیوز؍ایجنسی)  مڈل آرڈر کے بلے باز امباٹی رائیڈو کی 90 رن کی شاندار اننگز اور آل راؤنڈر ہاردک پانڈیا (45 رن اور دو وکٹ) کی بہترین آل راونڈر کارکردگی کی بدولت ہندوستان نے نیوزی لینڈ کو پانچویں اور آخری ون ڈے میں آج 35 رن سے شکست دے کر پانچ میچوں کی سیریز 4-1 سے اپنے نام کرلی۔

ہندوستان نے خراب شروعات کے بعد 49.5 اوور میں 252 رن کا چیلنجنگ اسکور بنایا اور میزبان ٹیم کو 44.1 اوور میں 217 رن پر ہی سمیٹ دیا۔ کپتان روہت شرما نے ٹاس جیت کر پہلے بلے بازی کا فیصلہ کیا لیکن ہندوستان کی شروعات اچھی نہیں رہی اور اس نے 10 ویں اوور تک اپنے چار وکٹ صرف 18 رن پر گنوا دیئے۔

روہت 2، شکھر دھون 6، شبھمن گل 7 اور مہندر سنگھ دھونی ایک رن بنا کر آؤٹ ہوئے۔ اس طرح ٹیم نے صرف 92 رن پر اپنے چار اہم وکٹ گنوا دیئے تھے۔

ہندوستانی کرکٹ ٹیم نے ایشیا سے باہر ٹیسٹ کھیلنے والے ممالک میں پہلی مرتبہ 4-1 سے سیریز جیتی ہے۔ ایشیا سے باہر ہندوستان کنیڈا سے 4-1 سے سیریز جیت چکا ہے لیکن وہ ٹیسٹ نہیں کھیلتا۔ 1997 میں ہندوستان نے پاکستان کو اسی فرق سے ہرایا تھا۔ ٹیم انڈیا نے کل پانچویں مرتبہ بیرون ملک میں سیریز اس فرق سے جیتی ہے۔

ایک نظر اس پر بھی

جرمن ڈفینڈر ڈيالو نے پی ایس جی کے ساتھ کیا 5 سال کا معاہدہ

فرانس لیگ کی چیمپئن پیرس سینٹ جرمین نے فرینچ ڈیفنڈربنڈیس ليگا ابڈو ڈيالو سے پانچ سال کے لیے معاہدہ کیا ہے اور وہ کلب کے ساتھ اب 30 جون 2024 تک وابستہ رہیں گے۔ڈیالو کو اس معاہدہ کے تحت کلب 29 ملین پاؤنڈس دے گا جو ہندوستانی کرنسی کے حساب سے 2478112878 روپے ہوں گے۔

 ورلڈ کپ پا کر انگلینڈ جھوم اُٹھا مگر فتح کے فارمولہ پر تنقیدیں ، آئی سی سی کو متنازع ضابطے پر نظرثانی کا مشورہ دیا 

اتوار کو اعصاب شکن میچ میں انگلینڈ کی فتح سے جہاں پورا برطانیہ جھوم اٹھا ہے اور ملک بھر میں جشن کا ماحول ہے وہیں انٹر ننشنل کرکٹ کونسل (آئی سی سی ) کا وہ ضابطہ تنقیدوں کی زد پر آگیا ہے جس کی وجہ سے میچ اور بعد میں سُوپر اوور کے بھی ٹائی ہونے کے باوجودانگلینڈ کو فاتح قرار دیا گیا۔ ...

ورلڈ کپ کرکٹ ٹورنامنٹ کا فائنل بے حد دلچسپ؛ ٹائی ہونے کے بعد سوپر اوور میں بھی اسکور برابر؛ باونڈریس زائد ہونے پر انگلینڈ پہلی مرتبہ بنا ورلڈ چیمپئن

لندن کے لارڈس میدان میں منعقد ورلڈ کپ 2019 کرکٹ ٹورنامنٹ کا فائنل میچ ڈرامائی انداز میں ٹائی ہونے کے بعد  انگلینڈ  نے سوپر اوور کے بعد نیوزی لینڈ کو سنسنی خیز مقابلے   میں شکست دے دی اور پہلی بار عالمی کپ جیتنے میں کامیاب ہوگئی۔ فائنل مقابلہ اتنا دلچسپ اور کانٹے کا رہا کہ  ...