دبئی،29؍ستمبر(ایس او نیوز؍ایجنسی) ایشیاء کپ 2018کا فائنل میچ ہندوستان  نے جیت لیا۔ اس سے قبل وہ چھ مرتبہ پہلے بھی ایشیاء کپ کا ٹائٹل جیت چکا ہے ۔

بنگلہ دیش کی ٹیم اپنی پوری کوششوں کے باوجو د اسے ٹائٹل جیتنے سے نہ روک سکی۔ بنگلہ دیشنے پہلے بیٹنگ کرتے ہوئے 223رنز کا ہدف دیا تھا جو ہندوستان نے 7وکٹوں کے نقصان پرحاصل کرلیا اور یوں ہندوستانکپ جیتنے میں کامیاب رہا۔

ہندوستان کی جانب سے سب سے زیادہ 48رنز روہت شرما نے بنائے ۔ دوسرے نمبر پر 37رنز بناکر کارتھک اور تیسرے نمبر پر 36رنز بناکر دھونی رہے ۔

ہندوستان کی جانب سے اننگز کا آغاز روہت شرما اور شیکھر دھون نے کیا تاہم دھون صرف15 رنز پر ہی ڈھیر ہوگئے۔ انہیں سومیا سرکار نے نجم الاسلام کی بال پر کیچ کیا۔

بنگلہ دیش کو ہندوستان کی دوسری وکٹ بھی اس وقت جلد مل گئی جب رائیڈو صرف 2رنز بناکر مشرفی مرتضیٰ کی بال پر مشفق الرحمٰن کے ہاتھوں کیچ ہوگئے ۔

رائیڈو کی جگہ کارتھک نے لی جبکہ روہت شرما پہلے سے کریز پر موجود تھے۔ انہوں نے دھواں دار بیٹنگ کی اور کئی چھکے اور چوکے لگائے۔

اس سے قبل کہ روہت دو رن مزید بناکر نصف سنچری مکمل کرتے انہیں روبیل حسین کی گیند پر نجم الاسلام نے کیچ کرلیا اور بنگلہ دیش کو روہت کی شکل میں سب سے مہنگی وکٹ ملی۔

روہت کی جگہ دھونی نے لی اور انہوں نے کارتھک کے ساتھ کھیلتے ہوئے رنز بنانے کی رفتار میں اضافہ کردیا لیکن اسی دوران چوتھی وکٹ کے روپ میں کارتھک 37 رنز بناکر آؤٹ ہوگئے۔ انہیں محمود اللہ نے ایل بی  ڈبلیو کیا۔

160رنز پرہندوستان کو ایک اور مہنگی وکٹ کا نقصان اٹھانا پڑا۔ ایم ایس دھونی 36رنز بناکر مشفق رحیم کی بال پر مستفیض الرحمٰن کے ہاتھوں کیچ آؤٹ ہوگئے۔

جڈیجا کے آؤٹ ہونے کے بعد جادیو ایک مرتبہ پھر بیٹنگ کرنے میدان میں آگئے اور اپنے 19 رنز کے انفرادی رنز سے آگئے کھیلنا شروع کیا۔ تاہم اسی دوران بھونیشور کمار آؤٹ ہوگئے ۔ انہوں نے 21 رنز بنائے۔

اسی دوران کیدر جادیو زخمی ہوگئے جن کی جگہ بھنیشور کمار کھیلنے آئے۔

جڈیجا اور بھونیشور کمار ہندوستان کی طرف سے بیٹسمین کی آخر ی جوڑی ثابت ہوتے تاہم جڈیجاآخری بالوں میں 23رنز بناکر آؤٹ ہوگئے۔انہیں مستفیض کی بال پر مشفق الرحمٰن نے کیچ کیا۔

اس سے قبل ہندوستان نے ٹاس جیت کر بنگلہ دیش کو پہلے کھیلنے کا موقع دیا جس نے 48 اعشاریہ3 اوورز میں 222 رنز بنائے۔

بنگلہ دیش کے اوپنرز نے ابتدائی 20 اوورز میں عمدہ بیٹنگ کا مظاہرہ کیا اور 120 رنز تک کوئی وکٹ نہیں گرنے دی لیکن اوپنر مہدی حسن 32 رنز بنا کر کیا آوٹ ہوئے 139 رنز کے مجموعی اسکور تک پہنچتے پہنچتے 4 وکٹیں گر گئیں۔

امرالقیس 2،مشفق رحیم5 ، محمد متھن 2 اور محمود اللہ 4رنز بنا کر پویلین لوٹ گئے جبکہ اوپنر لٹن داس نے 12 چوکوں اور 2 چھکوں کی مدد سے 121 رنز بنائے ۔

لٹن داس اور مہدی حسن کےبعد سومیا سرکار نے باقی کھلاڑیوں کے مقابلے میں نسبتاً زیادہ رنز بنائے۔ ان کا انفرادی اسکور 33 رنز رہا۔

 کلدیپ یادیو نے 3 کھلاڑی آوٹ کئے جبکہ کے ایم جادو 2، بمرا اور چاہل ایک، ایک کھلاڑی آؤٹ کر سکے۔