ٹیم انڈیا نے ملک کو دیا نئے سال کا تحفہ، آسٹریلیا میں 137 رنوں سے تاریخی جیت

Source: S.O. News Service | By Shahid Mukhtesar | Published on 30th December 2018, 11:24 AM | اسپورٹس |

میلبورن،30؍دسمبر (ایس او نیوز؍ایجنسی) میلبورن ٹیسٹ میں ہندوستانی کرکٹ ٹیم نے آسٹریلیا پر 137 رنوں سے جیت درج کر لی ہے۔ میچ کے پانچویں اور آخری دن آج آسٹریلیا کی ٹیم 261 رنوں پر سمٹ گئی۔

آسٹریلیا نے 399 رنز کے ہدف کا تعاقب کرتے ہوئے چوتھے دن کے اختتام تک آٹھ وکٹ پر 258 رن بنا کر ہندوستان کا انتظار بڑھا دیا تھا۔ پانچویں دن صبح کا سیشن بارش کی وجہ سے دھل گیا جس سے خدشات پیدا ہونے لگےتھے لیکن جیسے ہی کھیل شروع ہوا ہندوستانی تیز گیند بازوں نے آسٹریلیا کی اننگز کو 261 رن پر سمیٹ کر ہندوستان کی جھولی میں تیسری تاریخی جیت ڈال دی۔ ہندوستان نے 4.3 اوور میں بچے ہوئے دونوں وکٹ نکال کر میزبان ٹیم کی جدو جہد کا خاتمہ کر دیا۔

میزبان ٹیم کے آخری دو وکٹ پیٹ کمنس اور ناتھن لیون کے طور پر گرے۔ جہاں کمنس کو 63 رن کے نجی اسکور پر جسپریت بمراہ نے چیتیشور پجارا کے ہاتھوں کیچ کرایا وہیں آخری وکٹ کے طور پر لیوں (7) ایشانت شرما کا شکار بنے۔ لیون کا کیچ وکٹ کیپر رشبھ پنت لے لپکا۔ ہندوستانی ٹیم نے اس جیت کے ساتھ ہی سیریز میں 2-1 کی سبقت حاصل کر لی ہے۔

ہندوستان کی جیت میں تیز گیند باز جسپرت بمراہ کا اہم کردار رہا، جنہوں نے پہلی اننگ میں 6 وکٹ لینے کے بعد دوسری اننگ میں تین بلے بازوں کو آؤٹ کیا۔ بمراہ کو مین آف دی میچ قرار دیا گیا۔ آسٹریلیوی ٹیم 89.3 اوور میں 261 رن بنا کر آؤٹ ہو گئی اور اسے 137 رنوں سے ہار کا سامنا کرنا پڑا۔

میچ کے آخری دن جب بارش کی وجہ سے کھیل مقررہ وقت پر شروع نہیں ہوا پایا تھا تو یہ خدشہ تھا کہ کہیں ہندوستان جیت سے محروم نہ ہو جائے۔ بہر حال بارش کے بعد کھیل شروع ہوا اور ہندوستانی گیندبازوں نے آسٹریلوی اننگ کو ختم کرنے میں زیادہ وقت نہیں لگایا۔ جوش ہیزلووڈ بغیر کوئی رن بناکر ناٹ آؤٹ رہے۔ ہندوستان کے لئے جسپریت بمراہ اور رویندر جڈیجا نے تین تین وکٹ حاصل کئے جبکہ ایشانت شرما اور محمد سمع نے دو دو وکٹ حاصل کئے۔

چار ٹیسٹ کی سیریز میں ہندوستان اب 2-1 سے آگے ہو گیا ہے۔ ہندوستانی ٹیم نے ایڈیلیڈ کے پہلے ٹیسٹ میں جیت حاصل کی تھی لیکن پرتھ میں اسے ہار کا سامنا کرنا پڑا تھا۔

ایک نظر اس پر بھی

بھٹکل اسپورٹس اکیڈمی  کے زیرا ہتمام کرکٹ کھلاڑ یوں کا سلیکشن ٹرائل: کے ایس سی اے کے انڈر14اور انڈر16 کرکٹ ٹورنامنٹ میں حصہ لینے کا  سنہرا موقع

اپریل کے پہلے ہفتہ میں افتتاح ہونے والی بھٹکل اسپورٹس اکیڈمی، پہلے مرحلے کے طورپر کرناٹکا اسٹیٹ کرکٹ اسوسی ایشن (کے ایس سی اے )کے زیرسرپرستی  14اور16سالہ کرکٹ ٹورنامنٹ اپریل کےمہینے میں ہبلی  میں کھیلا جائے گا جس میں اکیڈمی کی ٹیم شریک ہونےکی  اکیڈمی کے ذمہ دار کے ایم وسیم نے ...

سنسنی خیز میچ میں ہندوستان نے آسٹریلیا کو 8 رنوں سے دی شکست ، سیریز میں 2-0 برتری حاصل

کپتان وراٹ کوہلی (116) کے 40ویں سنچری اور جسپریت بمراہ کی ڈیتھ اووروں کی کمال کی گیندبازی اور وجے شنکر کی کرشمائی آخری اوور کی بدولت ہندوستان نے یہاں ودربھ کرکٹ ایسوسی ایشن اسٹیڈیم میں آسٹریلیا کو دوسرے ون ڈے مقابلے میں منگل کو آٹھ رن سے ہراکر اپنے ون ڈے کی تاریخ کی 500ویں جیت ...

لکھنو میں منعقدہ آل انڈیا مدرسہ اتھلیٹک چمپئن شپ میں بھٹکل کے تین طلبا کا شاندار پرفارمینس

لکھنو میں منعقدہ  آل انڈیا مدرسہ اتھلیٹک چمپئن شپ مقابلوں میں بھٹکل اور اطراف کے طلبا نے  شاندار پرفارمینس پیش کرتے ہوئے اسپورٹس میں بھی   اپنی صلاحیتوں کا لوہا منوانے میں کامیاب ہوگئے ہیں۔ 

آئی سی سی نے سنتھ جے سوریا پر 2سال کی پابندی عائد کردی

انٹرنیشنل کرکٹ کونسل(آئی سی سی)نے کرپشن کے حوالے سے تحقیقات میں تعاون سے انکار پر سابق سری لنکن کپتان سنتھ جو سوریا پر دو سال کی پابندی عائد کردی۔سنتھ جے سوریا اکتوبر 2020تک کرکٹ کی کسی بھی سرگرمی میں حصہ نہیں لے سکیں گے ۔