معروف کنڑا فلم اداکاروں اور فلم سازوں کے ٹھکانوں پر آئی ٹی چھاپے

Source: S.O. News Service | By Shahid Mukhtesar | Published on 4th January 2019, 12:26 AM | ریاستی خبریں | ان خبروں کو پڑھنا مت بھولئے |

بنگلورو،3؍جنوری(ایس او نیوز) ٹیکس چوری کے الزامات میں آج محکمۂ انکم ٹیکس نے آٹھ معروف کنڑا فلمی ہستیوں کے گھروں پر چھاپے مارے اور وہاں سے اثاثوں کے دستاویزات ، نقد رقم ، زیورات اور دیگر قیمتی اشیاء وغیرہ برآمد کیں۔ جن اداکاروں اور فلم سازوں کے گھروں پرچھاپے مارے گئے ان میں شیوراج کمار، پنت راجکمار، سدیپ ، یش ، فلم ساز راک لائن وینکٹیش، سی آر منوہر ، وجئے کرنگدور ، جیا انا وغیرہ شامل ہیں۔ ان فلمی ہستیوں کے گھر وں اور دفاتر پر بیک وقت 50 چھاپے مارے گئے، چھاپے مارنے والی ٹیم میں 200 سے زائد افسر اور ان کے ماتحت شامل تھے۔ انکم ٹیکس محکمے کی طرف سے اچانک مارے گئے چھاپوں نے ریاست کے فلمی حلقوں میں تہلکہ مچادیا۔

محکمے نے ان اداکاروں اور فلم سازوں کو نشانہ بنایا ہے جن کا فلم انڈسٹری میں بہت بڑا نام ہے۔ خاص طور پر ڈاکٹر راجکمار کے خاندان کو انکم ٹیکس محکمے کی طرف سے نشانہ بنائے جانے پر فلم انڈسٹری میں شدید غم وغصے کی لہر دیکھی جارہی ہے۔جس وقت ان اداکاروں کے ٹھکانوں پر چھاپے مارے گئے ان کے گھروں کے باہر پولیس کا معقول بندوبست کیا گیا۔ بتایا جاتاہے کہ بعض فلم سازو ں اور اداکاروں کے مالی لین دین اور ان کی طرف سے محکمے کو فراہم کردہ تفصیلات میں مبینہ تضاد کی بنیاد پر چھاپوں کی کارروائی عمل میں لائی گئی۔ اس کے علاوہ فلموں کے ناکام ہوجانے کے بعد بھی کئی ہفتوں تک ان فلموں کو ٹھیٹروں میں مسلسل چلانے کی بھی محکمے نے جانچ کرتے ہوئے یہ خدشات ظاہر کئے ہیں اس طریقے سے کالے دھن کو سفید کرنے کی کوشش کی گئی ہے۔اس میں اداکاروں اور فلم سازوں کے ملوث ہونے کے خدشات بھی ظاہر کئے جارہے ہیں۔

سداشیونگر میں شیو راجکمار اور پنت راجکمار کے بنگلوں ، مہا لکشمی لے آؤٹ کے ناگپور میں راک لائن وینکٹیش کے گھر ، مانتیا ٹیک پارک کے قریب شیوراج کمار کے گھر ، جے پی نگر میں سدیپ کے گھر اور کتری گپے میں یش کے گھر کے علاوہ ملیشورم میں یش کی بہن کے گھر ، ہوسکیرے ہلی میں دفتر ، ملیشورم میں اداکارہ رادھیکا پنڈت کے گھر سمیت 50مقامو ں پر یہ چھاپے مارے گئے۔ شیوراج کمار کے مبینہ مالی لین دین کے متعلق محکمے کے افسروں نے ان کی بیوی گیتا شیوراجکمار سے پوچھ تاچھ بھی کی۔ بتایاجاتاہے کہ محکمے کے افسر نجی گاڑیوں میں ان اداکاروں اور فلم سازوں کے ٹھکانوں تک پہنچے اور چھاپے کے دوران پولیس کا بندوبست کروالیا۔ 

ایک نظر اس پر بھی

کرناٹک سی ایم کا دعویٰ: جے ڈی ایس ممبر اسمبلی کو بی جے پی لیڈر نے دس کروڑکی پیش کش کی

رناٹک میں حکومت گرانے کے لیے ’آپریشن لوٹس‘ کا ڈر مخلوط حکومت کو دوبارہ ستانے لگا ہے۔وزیراعلیٰ ایچ ڈی کمارسوامی نے بی جے پی پر ان کی پارٹی کے ایک رکن اسمبلی کو رشوت دینے کی کوشش کا الزام لگایا۔

روشن بیگ کے خلاف کانگریس کی کارروائی، پارٹی مخالف سرگرمیوں کے الزام میں معطل

کرناٹک کے سابق ریاستی وزیر آرروشن بیگ کے خلاف کانگریس نے کارروائی کی ہے۔ انہیں پارٹی مخالف سرگرمیوں کے الزام میں معطل کردیا گیا ہے۔ روشن بیگ نے کانگریس کے ریاستی لیڈروں کے خلاف نازیبا الفاظ استعمال کئے تھے۔ آل انڈیا کانگریس کمیٹی سے منظوری ملنے کے بعد کرناٹک پردیش کانگریس ...

رہائشی علاقوں میں کاروباری سرگرمیوں پر روک لگانے میں بلدیہ ناکام

بنگلور شہر کے رہائشی علاقوں میں رہائشی عمارتوں کے اندر سے کاروباری سرگرمیوں پر قدغن لگانے کے سلسلہ میں بروہت بنگلورو مہا نگرا پالیکے (بی بی ایم پی) کی مہم مکمل طور پر ناکام رہی ہے اور پچھلے دو سالوں کے عرصہ میں بلدیہ کی طرف سے صرف پانچ فیصدی ایسے اداروں کو بند کیا گیا ہے-

کل جماعتی میٹنگ ختم، ایک ملک ایک انتخا ب‘ پر کل جماعتی کمیٹی بنانے کا ہوا فیصلہ

وزیر اعظم نریندر مودی نے لوک سبھا اور اسمبلی انتخابات ایک ساتھ کرائے جانے (ایک ملک ایک انتخاب) پر جو کل جماعتی میٹنگ بلائی تھی  وہ ختم ہو گئی ہے۔ وزیر اعظم نریندر مودی کے ساتھ کئی سیاسی جماعتوں کے رہنماؤں نے اس میٹنگ میں حصہ لیا تھا۔

کاروار: ایس ایس ایل سی میں ناکام ہونے والوں کے لئے 21 جون سے ہوگا سپلیمنٹری امتحان

ایس ایس ایل سی میں ناکام ہونے والے طلبا و طالبات کے لئے مورخہ 21 جون سے 28 جون کے لئے سپلیمنٹری امتحانات منعقد کئے گئے ہیں  اور   متعینہ مدت میں  امتحانی مراکز کے 200 میٹر تک کے  دائرہ میں  امتناعی احکامات دفعہ 144 جاری کئے گئے ہیں، اس بات کی اطلاع اُترکنڑا کے ڈپٹی کمشنر ڈاکٹر ہریش ...

اتی کرم ہوراٹا سمیتی کوملاقات کا وقت دینے کے باوجودبھٹکل اسسٹنٹ کمشنر دفتر سے غائب ؛سمیتی اراکین نے کیا برہمی کا اظہار

اتی کرم زمینوں کو سکرم کرنے کی درخواستوں کا ازسر نو جائزہ لینے کے سلسلے میں بات چیت اتی کرم ہوراٹا سمیتی کو ملاقات کا وقت دینے کے باوجود بھٹکل اسسٹنٹ کمشنر ساجد ملا کے دفتر میں موجود نہ رہنے پر وفد کے اراکین اپنی ناراضی اور برہمی کا اظہار کیا ہے۔