کانگریسیوں پر انکم ٹیکس چھاپے بی جے پی کے اشاروں پر:  وزیر اعلیٰ

Source: S.O. News Service | By Jafar Sadique Nooruddin | Published on 19th March 2017, 1:46 AM | ریاستی خبریں | ان خبروں کو پڑھنا مت بھولئے |

بنگلور:18/مارچ(ایس او نیوز) ریاست بھر میں ایک مخصوص سیاسی جماعت کے لیڈروں کے ٹھکانوں پر انکم ٹیکس اور دیگر مرکزی ایجنسیوں کے چھاپوں کو وزیر اعلیٰ سدرامیا نے سیاست پر مبنی قرار دیا اور کہاکہ مرکزی حکومت کے اشارہ پر دانستہ طور پر اس طرح کے چھاپوں کے ذریعہ اپوزیشن پارٹیوں کو کمزور کرنے کی کوشش کی جارہی ہے۔ مرکزی حکومت کی ایماء پر ایک منظم سازش کے تحت محکمہئ انکم ٹیکس نشانہ بنارہا ہے۔ انہوں نے کہاکہ کیا بی جے پی میں انکم ٹیکس ادا کرنے والا کوئی لیڈر نہیں ہے، پھر انکم ٹیکس کے چھاپے صرف کانگریس اراکین اسمبلی، وزراء اور قائدین کے گھروں پر ہی کیوں مارے جارہے ہیں؟۔ محکمہئ آئی ٹی کی اس حرکت کی سخت مذمت کی جانی چاہئے۔ سابق وزیراعلیٰ اور ریاستی بی جے پی صدربی ایس یڈیورپا پر شدید نکتہ چینی کرتے ہوئے انہوں نے کہاکہ ایک فرضی ڈائری کو بنیاد بناکر یڈیورپاجس طرح ریاستی حکومت کو بدنام کرنا چاہتے ہیں اس سے ظاہر ہوتا ہے کہ ان کی عقل کام نہیں کررہی ہے۔ وزیر اعلیٰ نے کہاکہ جو لوگ رشوت خوری کے الزامات میں جیل کی ہوا کھاچکے ہیں وہ اگر دوسروں پر رشوت خوری کے الزامات لگائیں تو ان کی زبانوں پر یہ بات زیب نہیں دیتی۔ انہوں نے کہاکہ آج حکومت پر بدعنوان ہونے کا الزام لگانے والے یڈیورپا اپنی ہی پارٹی کے متعدد لیڈران جناردھن ریڈی، کٹا سبرامنیا نائیڈو، کرشنیا شٹی اور دیگر کے ہمراہ جیل کی ہوا کھاچکے ہیں۔ انہوں نے کہاکہ فی الوقت بی جے پی جس ڈائری کے بہانے سے انہیں نشانہ بنارہی ہے، وہ جھوٹ کا پلندہ ہے۔ انہوں نے کہاکہ اگر بی جے پی کا کہنا ہے کہ ان کے خلاف جو ڈائری منظر عام پر آئی ہے وہ سچ ہے تو پھر سہارا اور برلا گروپس کی طرف سے منظر عام پر لائی جانے والی ڈائریاں بھی سچ ہیں، جن میں وزیراعظم مودی کو رشوت دینے کا حوالہ دیا گیا ہے۔ انہوں نے کہاکہ ہمیشہ سے بی جے پی سی بی آئی کو چور بچاؤ ایجنسی قرار دیتی آرہی ہے، آج جب مرکز میں این ڈی اے حکومت ہے تو یہ ایجنسی بی جے پی کیلئے کیوں کر معتبر ہوگئی؟۔ ڈائری معاملہ پر لیجسلیچر کی کارروائیاں نہ چلنے دینے کے متعلق اپوزیشن لیڈر جگدیش شٹر کے چیلنج پر ردعمل ظاہر کرتے ہوئے انہوں نے کہاکہ جگدیش شٹر سپریم کورٹ کے کوئی جج نہیں کہ فیصلے صادر کرسکیں۔ احتجاج ان کی پارٹی کا حق ہے، اپنے آپ کو احتجاج تک محدود رکھیں۔ ایوان کی کارروائی چلنے نہ دینے کی دھمکی نہیں چلے گی۔ انہوں نے کہاکہ اس طرح کے جھوٹے الزامات کے آگے حکومت جھکنے والی نہیں ہے اور نہ ہی بی جے پی کو ان الزامات کے ذریعے کوئی ہمدردی حاصل ہوگی۔ 

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔   

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...

لوک سبھا انتخاب: مالوگم میں صرف ’ایک ووٹر‘ کے لیے الیکشن کمیشن نے اٹھایا بڑا قدم!

لوک سبھا انتخاب کی سرگرمیوں کے درمیان اروناچل پردیش سے ایک دلچسپ خبر سامنے آ رہی ہے۔ اروناچل پردیش میں لوک سبھا اور اسمبلی انتخاب سے قبل الیکٹورل افسران کی ایک ٹیم انجا ضلع کے مالوگم گاؤں پہنچنے والی ہے۔ دراصل اس گاؤں میں 44 سالہ سوکیلا تایانگ تنہا ووٹر ہیں اور وہ خاتون بھی ...

عازمین کیلئے دوسری قسط جمع کرانے کی آج آخری تاریخ

قرعہ اندازی میں منتخب عازمین اورویٹنگ لسٹ کنفرم ہونے والے تمام عازمین کو دوسری قسط کےطور پر ایک لاکھ ۷۰؍ ہزار روپے جمع کرانے کیلئے توسیع شدہ تاریخ کا آج  بروز جمعرات ۲۸؍ مارچ آخری دن ہے ۔ اسی کے ساتھ ایسی خواتین جو محرم کے زمرے میں شامل تھیں، یعنی ان کے شوہروں یا اہل خانہ نے ...

کیجریوال کی گرفتاری کے خلاف آج دہلی ہائی کورٹ میں سماعت، عآپ کا سڑکوں پر احتجاج جاری

دہلی شراب پالیسی معاملہ میں وزیر اعلی اروند کیجریوال کی گرفتاری کے بعد سڑکوں پر احتجاج جاری ہے۔ منگل (26 مارچ) کو عام آدمی پارٹی کے کارکنان وزیر اعظم کی رہائش گاہ کا گھیراؤ کرنے کے لیے سڑکوں پر نکل آئے اور شدید احتجاج کیا، جس پر دہلی پولیس نے سیکورٹی سخت کرتے ہوئے مظاہرین کو ...

لوک سبھا انتخاب 2024: کانگریس نے امیدواروں کی ساتویں فہرست جاری کی، اب تک 197 امیدواروں کا ہو چکا اعلان

لوک سبھا کی 543 سیٹوں کے لیے 19 اپریل سے یکم جون کے درمیان سات مراحل میں ووٹ ڈالے جائیں گے اور اس تعلق سے سبھی سیاسی پارٹیوں کی سرگرمیاں عروج پر ہیں۔ پارٹیاں لگاتار اپنے امیدواروں کے ناموں کا اعلان کر رہی ہیں۔ اس درمیان کانگریس نے امیدواروں کی ساتویں فہرست آج جاری کر دی جس میں ...