ریاست میں محکمہئ انکم ٹیکس کے چھاپے جاری، 8 کروڑ نقد ضبط
بنگلورو۔10/دسمبر(ایس او نیوز) محکمہئ انکم ٹیکس نے کالے دھن کو نشانہ بنانے کا سلسلہ جاری رکھتے ہوئے آج چترادرگہ اور ہبلی سمیت متعدد مقامات پر چھاپے مارے اور آٹھ کروڑ روپیوں کے نئے نوٹ نقد، کروڑ وں روپیوں کے زیورات اور غیر قانونی املاک برآمد کی۔ چلکیرے میں جنتادل (ایس) لیڈر اور فلم اداکار دوڈنا کے داما ویریندرا عرف پپی کے گھر پر چھاپہ مارکر محکمہئ انکم ٹیکس نے آٹھ کروڑ روپے مالیت کے دو ہزار کے نوٹ برآمد کئے۔آج سویرے مارا گیا چھاپہ دوپہر تک بھی جاری رہا۔ محکمہئ انکم ٹیکس کے دس اعلیٰ افسران ویریندرا کے گھر پر مسلسل تلاشی میں لگے ہوئے تھے۔ چلکیرے کے بلاری روڈ پر حال ہی میں ویریندرا نے اپنا نیا مکان بنوایا تھا، اسی مکان میں نقد رقم اور اثاثوں کے دستاویزات رکھے گئے تھے۔ محکمہ نے ویریندرا کے بھائی تپے سوامی کے گھر پر بھی چھاپہ مارا اور وہاں سے بھی نقد رقم کے علاوہ دستاویزات وغیرہ برآمد کئے۔ایک اور چھاپہ ہبلی کے ایک سونے کے تاجر حبیب کی دکان پر مارا گیا،اور یہاں کے زیورات محکمہ نے ضبط کرلئے۔ زیورات کے علاوہ اثاثوں کے دستاویزات وغیرہ بھی برآمد کئے گئے۔
