لکھنؤ 28مئی(آئی این ایس انڈیا/ایس او نیوز) اترپردیش میں ایک بارپھرپیمانہ پرانتظامی ردوبدل کیاگیاہے۔یوپی میں اتوار کو ایک ساتھ 222پی سی ایس افسروں کاتبادلہ کیاگیاہے۔ساتھ ہی کافی وقت سے ایک ہی ضلع میں تعینات ضلع افسران کاتبادلہ بھی کیاگیاہے۔یوگی حکومت نے ترقی اتھارٹیوں میں نئے سیکرٹریوں کی بھی تعیناتی کی گئی ہے۔یوپی حکومت نے ہفتہ کو بھی 4آئی پی ایس افسروں کے تبادلے کئے تھے۔اس کے پہلے 25مئی کوبھی ایک ساتھ 174افسران کاتبادلہ کیاگیا۔گزشتہ 19مئی کوبھی 74آئی اے ایس افسران کے تبادلے کئے گئے تھے۔جس میں ششی پرکاش گوئل کووزیراعلیٰ یوگی آدتیہ ناتھ کا چیف سکریٹری مقرر کیا گیا ہے، جبکہ دیباشیش پڈا کو چیف سکریٹری (ہوم)کے عہدے سے ہٹا دیاگیا تھا۔لاء اینڈآرڈر پراٹھتے سوالات کے درمیان یوگی حکومت مسلسل انتظامی ردوبدل میں مصروف ہے۔حکام کا تبادلہ اور نئی تقرریوں کو اس اسی سمت میں اٹھایا گیا قدم سمجھا جا رہاہے۔یوپی میں نئی پولیسنگ نظام کے تحت گزشتہ دنوں آئی پی ایس افسر بسوجت چتیرج مہاپاتراکووارانسی زون میں اے ڈی جی کے عہدے پر تعینات کیاگیاہے۔اسی طرح آنندکمارکواے ڈی جی میرٹھ زون بنایاگیاہے۔آئی جی میرٹھ کے عہدے سے ہٹائے گئے اجے آنندکواے ڈی جی آگرہ زون بنایاگیاہے۔بریلی زون میں اے ڈی جی برجراج مینا کوتعینات کیاگیاہے۔ٹھیک اسی طرح سے ابی کمار پرسادکواے ڈی جی لکھنؤ زون بنایاگیاہے۔آئی جی وارانسی زون این رویندرکو آئی جی فائرسروس بنایاگیاہے۔