لوک پال سلیکشن کمیٹی میں معروف قانون داں کے انتخاب کا عمل جاری ، مرکزنے عدلیہ کومطلع کیا
نئی دہلی 17اپریل(ایس او نیوز؍آئی این ایس انڈیا) مرکز نے آج سپریم کورٹ کو مطلع کیا کہ لوک پال کی تقرری کے لئے سلیکشن کمیٹی میں شفاف طریقہ کار سے اس کو پر کرنے کا عمل جاری ہے ۔ اٹارنی جنرل کے کے وینو گوپال نے جسٹس رنجن گوگوئی کی صدارت والے بنچ کو مطلع کیا کہ پینل میں ایک معروف قانون داں کا انتخابی عمل جاری ہے ۔ بنچ نے کہا کہ اس کے اس مرحلے میں کوئی حکم منتقل کرنے کی ضرورت محسوس نہیں ہو رہی ہے۔ بنچ نے امید ظاہر کی کہ لوک پال کو نافذکرنے کا عمل جلد سے جلد مکمل کرلیا جائے گا ۔ بنچ نے کیس پر سماعت کی اگلی تاریخ 15 مئی طے کی ہے۔ پہلے سینئر وکیل پی پی راؤ کو کمیٹی میں معروف قانون داں کے عہدے پر تقرری دی گئی تھی لیکن گزشتہ سال ان کے انتقال کے بعد سے یہ عہدہ خالی پڑا ہے۔ بنچ غیر سرکاری تنظیم کامن کاج کی جانب دائر توہین درخواست کی سماعت کر رہی تھی۔ تنظیم نے کہا تھا کہ عدالت کے گزشتہ سال 27 اپریل کے حکم کے باوجود لوک پال کی تقرری نہیں کی جا رہی ہے۔ عدالت عظمیٰ نے اپنے گزشتہ سال کے فیصلے میں کہا تھا کہ مجوزہ ترامیم کو پارلیمنٹ سے منظوری ملنے تک لوک پال ایکٹ کے عدم نفاذ کے پس پردہ کوئی دلیل نہیں ہے۔ ان قراردادوں میں لوک سبھا میں حزب اختلاف کے رہنما کا مسئلہ بھی شامل ہے۔