نوازشریف کو کچھ ہوا تو عمران ذمہ دار ہوں گے :شہباز

Source: S.O. News Service | By Jafar Sadique Nooruddin | Published on 3rd February 2019, 11:55 PM | عالمی خبریں |

لاہور:3 /فروری (ایس اونیوز /آئی این ایس انڈیا) پنجاب اسمبلی میں قائد حزب اختلاف حمزہ شہباز نے کہا ہے کہ حکومت نواز شریف کی صحت سے متعلق بے حسی کا مظاہرہ کر رہی ہے اوراہل خانہ کو انکی صحت سے متعلق کچھ آگاہ نہیں کیا جا رہا، نواز شریف کو کچھ ہوا تو ذمہ دار وزیراعظم ہوں گے،نیازی صاحب نے وعدہ کیا تھا کہ ہم نئے صوبہ بنائیں گے، حکومت جنوبی پناب اور بہاولپور کو صوبہ بنائے ہم غیر مشروط حمایت کرینگے،سانحہ ساہیوال پر جوڈیشل کمیشن بنایا جائے اور جب تک متاثرہ خاندان کو انصاف نہیں ملتا حکومت کا پیچھا نہیں چھوڑیں گے،گالیاں دینے اور الزام تراشی سے 22کروڑ عوام کا پیٹ نہیں بھر تا، انضما م پلس وزیر اعلیٰ پنجاب نے دو آئی جیز کو چپڑاسی کی طرح فارغ کیا ، مانگے تانگے کے ڈالروں سے معیشت کا بیڑہ غرق کیا جارہا ہے ،نیازی صاحب نے پانچ ماہ بعد تسلیم کر لیا ہے کہ معاشی حالات بہتر نہیں ہیں۔ مسلم لیگ ن مشترکہ اپوزیشن کا حصہ ہے، فضل الرحمن اور اتحادیوں سے مشاورت کے بعد لانگ مارچ سمیت کسی بھی طرح کا فیصلہ کریں گے۔ پریس کانفرنس میں حمزہ شہبا ز نے کہا کہ جب مسلم لیگ (ن) نے پنجاب حکومت چھوڑی تو اس وقت 650ارب روپے کا ترقیاتی بجٹ تھا لیکن پی ٹی آئی کی مانگے تانگے کی جعلی مینڈیٹ والی حکومت نے اس میں 450ارب روپے کا کٹ لگا دیا۔ جب کنٹینرپر چڑھ کر قوم کو سبز باغ دکھارہے تھے تو سیلاب میں اس وقت دوکروڑ لوگ ڈوب گئے تھے۔ خیبر پی کے ہمیں بھی ہلاکتیں ہوئیں لیکن اس وقت وہاں کے وزیر اعلیٰ ڈانس کر رہے تھے۔ پنجاب کے سینئر وزیر نے اورنج لائن منصوبے کو سفید ہاتھی کہا لیکن اس سے اگلے روز سپریم کورٹ نے اس منصوبے کو لاہور کی عوام کے لئے تحفہ قرار دیا۔ آج ملک کی معیشت وینٹی لیٹر پر ہے ،شہباز شریف نے پہلے دن کہا کہ معاشی حالات کی بہتری کے لئے ہم غیر مشروط طو رپر آپ کے ساتھ چلنے کے لئے تیار ہیں لیکن اس کے جواب میں ہمیں گالیاں، ڈاکو ، چور ، اور جیلیں ملیں۔ کیا پانچ مہینے میں تین بجٹ پیش کرنے اور گالیاں دینے سے معیشت سنبھل گئی ہے۔ کیا جیلوں میں ڈالنے کی گیڈ ر بھبھکیوں سے ڈالر کی قیمت کم ہوئی ہے۔ حکومت نے بیرون ممالک اور مرکزی بینک سے کھربوں روپے کا قرض لے لیا ہے۔رپورٹ کے مطابق سرمایہ کاروں کا 26فیصد اعتماد کم ہوا ہے۔

ایک نظر اس پر بھی

80 ہزار افراد نے مسجد اقصیٰ میں نماز جمعہ ادا کی

قابض اسرائیلی فوجوں  کی سختی کے باوجود رواں  سال رمضان کے پہلے جمعہ کو ۸۰؍ ہزار مسلمانوں   نے بیت المقدس میں  پہنچ کر نماز جمعہ ادا کی۔ قدس نیوز نیٹورک نے جو ویڈیوشیئرکئے ہیں  میں  دیکھا جاسکتاہے کہ جوق در جوق مغربی کنارہ، راملہ اور دیگر علاقوں  سے فلسطینی شہری پیدل اور بسوں ...

شہریت ترمیمی قانون پر امریکہ نے بھی اپنی تشویش ظاہر کردی

امریکہ اور نے ہندوستان کے متنازعہ شہریت ترمیمی قانون پر عدم تحفظات کا اظہار کردیا۔ امریکی محکمہ خارجہ کے ترجمان نے بیان میں کہا کہ ہندوستان میں شہریت کے متنازعہ ترمیمی قانون کے نفاذ پر تشویش ہے۔ ایکٹ کے نافذ ہونے کے بعد صورتحال کا بغور جائزہ لے رہے ہیں۔

غزہ پر اسرائیلی حملوں کے سبب جان گنوانے والے فلسطینیوں کی تعداد 31272 ہوئی

غزہ پٹی پر جاری اسرائیلی حملوں سے فلسطینیوں کی ہلاکتوں کی تعداد 31272 ہو گئی ہے۔ غزہ میں قائم وزارت صحت نے بدھ کو یہ اطلاع دی۔ وزارت نے ایک بیان میں کہا کہ اسرائیلی فورسز نے گزشتہ 24 گھنٹوں کے دوران 88 فلسطینیوں کو قتل اور 135 دیگر کو زخمی کیا، جس سے گزشتہ اکتوبر میں اسرائیل اور حماس ...

غزہ میں امداد کیلئے قطار میں منتظر افراد کو پھر نشانہ بنایا گیا، 11 شہید

  انسانیت کی تمام حدوں  کو پار کرتے ہوئے اسرائیلی فوجوں  نے بدھ کو پھر بھکمری کے شکار ان پریشان حال لوگوں  کو نشانہ بنایا جو اپنے بچوں  کی پیٹ کی آگ بجھانے کیلئے امداد حاصل کرنے کے مقصد سے قطار میں  لگے ہوئے تھے۔ بدھ کے اس حملے میں  ۱۱؍ افراد کی شہادت کی تصدیق ہوئی ہے جس کے بعد ...

انڈونیشیا میں سیلاب اور چٹان کھسکنے سے تباہی، 19 افراد ہلاک ،متعدد زخمی

انڈونیشیا کے جزیرے سماترا میں مسلسل بارش نے سیلاب اور چٹان کھسکنے سے بڑے پیمانے پرتباہی ہوئی ہے۔ اس دوران 5سے زائد گھر دب گئے۔ مکانات کے ملبے سے12 لاشیں نکالی گئیں اور 7افراد کو شدید زخمی حالت میں اسپتال پہنچایا گیا۔ ملبے سے دیگر 6 افراد کو بحفاظت نکالا گیا جبکہ5 افراد اب تک ...

غزہ : پیراشوٹ نہ کھلنے سے امدادی سامان فلسطینیوں پر گرگیا، 5افراد جاں بحق

یہاں ہیلی کاپٹر کے ذریعے امدادی سامان پھینکنے کے دوران ایک بھاری پیکٹ پیرا شوٹ نہ کھلنے کی وجہ سے امداد کے منتظر فلسطینی خاندان پر گر گیا جس میں 5 افراد جاں بحق ہو گئے جبکہ 10سے زائد زخمی بتائے جارہے ہیں۔ اردن کی فوج کے ایک اہلکار نے نام نہ ظاہر کرنے کی شرط پر اے ایف پی کو بتایا کہ ...