بھٹکل/اُڈپی:8/ دسمبر(ایس اؤنیوز)کونکن ریلوے لائن پر چلنے والی متسیاگندھا ایکسپرس میں خصوصی جانچ کے دوران غیر قانونی طورپر سپلائی کی جارہی شراب کی بوتلیں ضبط کرلی گئی ہیں۔

ریلوے پولس جب بھٹکل ریلوے اسٹیشن پر متسیاگندھا ٹرین میں جانچ کے دوران جنرل ڈبے میں کسی وارث کے بغیر تھیلے میں غیر قانونی شراب کی بوتلوں کا پتہ چلا۔ جس میں 750ملی لیٹر ہنی گائیڈ برانڈی کی 218بوتلیں اور 180ملی لیٹر ہنی گریڈ برانڈی کی 816بوتلیں پائی گئیں۔ جس کی کل قیمت کا اندازا 1،19،256روپئے بتائی گئی ہے۔ ریلوے پولس نے ضبط شدہ غیر قانونی شراب کی بوتلوں کو بھٹکل ایکسائز محکمہ کے افسران کو منتقل کیاہے۔ معاملے کو لے کر جانچ جاری رہنےکی کونکن ریلوے کے کاروار رابطہ عامہ کے آفیسر دلیپ بھٹ نے پریس ریلیز کے ذریعے جانکاری دی ہے۔