بھٹکل جامعہ اسلامیہ وفد کی جدہ آمد پر افطاری پروگرام ؛ بھٹکل کے معروف نابینا حافظ انیس بڈو کو جماعت کی جانب سے عمرہ کا اعزاز

Source: S.O. News Service | By I.G. Bhatkali | Published on 21st May 2018, 6:04 PM | خلیجی خبریں |

جدہ 21/مئی (ایس او نیوز/موصولہ رپورٹ ) بھٹکل کمیونٹی جدہ کی جانب سے ممبران کے لئے ہوٹل ٹرائی ڈینٹ میں افطاری کا اہتمام کیا گیا۔ اور اس پروگرام میں جامعہ اسلامیہ کے وفد  مولانا انصار خطیب مدنی و مولانا ارشاد صدیقہ ندوی کا پُرتباک استقبال ہوا۔ جلسہ کا آغاز  زیاد ابن محمد نعمان علی اکبرا کی تلاوت کلام پاک سے شروع ہوا۔ افطاری میں موجود تمام ممبران اور مہمان کا استقبال  جماعت کے جنرل سکریٹری جناب حبیب اللہ محتشم نے کیا۔

جنرل سکریٹری نے ممبران کو اپڈیٹ دیتے ہوئے کہا کہ  بھٹکل کے نابینا حافظ انیس بڈو جو کہ  عالمی سطح پر قران مسابقہ میں اول مقام حاصل کرکے ہندوستان و بھٹکل کا نام روشن کیا ہے۔ ان شاء اللہ انہیں عمرہ کے لئے لانا طئے کیا گیا ہے اور ہمارے ساتھ عید ملن میں وہ  شریک رہینگے۔ انہوں نے  حال ہی میں  بھٹکل کے مرکزی ادارہ مجلس اصلاح و تنظیم کے عہدیداروں کے ساتھ نازیبا حرکت کرنے والوں کی  سخت مذمت کی  اور کہا کہ  بھٹکل کمیونیٹی جدہ کے تمام ممبران نے  اس تعلق سے  اپنی بے قراری ، اور بے چینی کا اظہار کیا تھا اور جماعت کے عہدیداروں سے رجوع کرکے ان گستاخ لوگوں پر تادیبی کاروائی کرنے کی مانگ کی تھی، انہوں نےکہا کہ  یہ اپنے ملی اور مرکزی اداروں کے ساتھ محبت کی ایک زندہ دلیل ہے انہوں نے اس پر تمام ممبران کی ستائش کی ۔ جلسہ میں  مولوی جبلین ابن جعفر نائطے نے اپنی سریلی آواز میں  ایک نظم  پڑھکر سنائی۔

مولانا ارشاد صدیقہ ندوی نے دُعاوں کی فضیلت پر روشنی ڈالتے ہوئے بتایا کہ ہم دُنیا میں کسی سے کچھ طلب کرینگے تو ایک بار ملے کا یا دو بار ملے گا،  مگر اللہ کے حضور  بار بار مانگنے اور گڑگڑانے سے اللہ خوش بھی ہوتا ہے اور اپنی نعمتیں بھی عطا کرتا ہے۔ انہوں نے اس بات پر زور دیا  کہ افطاری اور سحری کے وقت رمضان میں پابند ی سے دُعا کا اہتمام کریں۔ کیونکہ  اللہ خود فرماتا ہے کہ  مجھ سے مانگو میں عطا کرونگا۔ انہوں نے کہا کہ ہمارے اسلاف کو بھی دُعاوں میں یاد رکھیں کیونکہ  ان ہی کی قربانیوں سے آج یہ ادارے قائم ہیں۔   حالات حاضرہ پرنظر دوڑاتے ہوئے انہوں نے کہا کہ آج  دُنیا کے حالات سازگار نہیں ہیں اس لئے ہمیں پوری اُمت مسلمہ  کو اپنی  دُعاوں کا حصہ بنانا چاہئے۔

مولانا انصار ندوی نے اپنے خطاب میں خلیج کے بدلتے حالات پر روشنی ڈالتے ہوئے کہا کہ جو بھی  حالا ت پیدا ہوتے ہیں وہ خود اللہ ہی کرتا ہے اور ہم کو اللہ ہی سے رجوع ہونا ہے۔انہوں نے اپنے اعمال کو درست کرنے  اور مسلمانوں کو مایوس نہ ہونے کی ترغیب دی اور کہا کہ  مایوسی کفر ہے۔مولانا نے  کہا کہ  چٹان کی تہہ میں رہنے والی چونٹی کا بھی مالک اللہ  ہے اور اُسے اتنی گہرائی میں  بھی رزق فراہم کر رہا ہے۔ تو ہمیں بھی چاہئے کہ ہم  اشرف المخلوقات ہو کر اللہ پر توکل کرے۔ مولانا نے جامعہ اسلامیہ کی کارگردگی رپورٹ سناتے ہوئے   اپنے جدہ دورہ کا مقصد بھی بیان فرمایا .انہوں نے ممبران سے درخواست کی کہ اپنے ایک بچے کو جامعہ اسلامیہ میں ضرور داخل کرائیں جس سے وہ حافظ قران  یا عالم دین بن  سکے ۔

صدر جماعت جناب یاسین عسکری نے اپنے صدارتی پیغام میں کہا کہ ہم بہت ہی خوش نصیب ہیں کہ مکہ ہمارے بالکل قریب ہے اور رمضان کا عمرہ نبی کے ساتھ حج کرنے کے برابر ہے.انہوں نے  پہلی فرصت میں عمرہ کرنے ممبران کو ترغیب دی.ساتھ ساتھ ممبران پر زور دیا کہ وہ  جماعت کے اجتماعی جلسوں میں پیش پیش رہیں.

جلسہ کی نظامت سکریٹری  نوید ائیکری نے خوش اسلوبی سے نبھائی اور مہمانان نیز  ممبران کا آخر میں  شکریہ بھی ادا کیا. مولانا انصار مدنی کی دعائیہ کلمات کے ساتھ جلسہ اختتا پزیر ہوا.

ایک نظر اس پر بھی

بھٹکل کے علما و ذمہ داران کی دعاوں سے دبئی کے قریبی شہر عجمان میں کھلاڑیوں کے ملبوسات کے شوروم کا خوبصورت افتتاح

قریبی شہر عجمان میں بھٹکل کے نوجوان  عبدالباسط صوبیدار  کے  اسپورٹس وئیر کے شوروم کا گذشتہ روز خوبصورت افتتاح بھٹکل کے علماء و ذمہ داران کی دعاوں کے ساتھ کیا گیا ۔ شوروم میں  اسپورٹس کے کپڑوں کے ساتھ ساتھ   بچوں  کے کپڑوں سمیت خواتین کی اعلیٰ کوالٹی اور خوبصورت ڈیزائن کی ...

بھٹکل اور اطراف کے عوام توجہ دیں: دبئی اور امارات میں حادثات کے بڑھتے واقعات؛ ہندوستانی قونصل خانہ نے جاری کی سفری انشورنس کی ایڈوائزری

دبئی سمیت متحدہ عرب امارات کے مختلف شہروں اور قصبوں  میں  مختلف حادثات میں شدید  طور پر زخمی ہوکر اسپتالوں میں ایڈمٹ ہونے کی  تعداد میں  اضافہ کو دیکھتے ہوئے  اور اسپتالوں  میں اُن کا کوئی پرسان حال نہ ہونے  کے واقعات کا مشاہدہ کرنے کے بعد  ہندوستانی سفارت خانہ کی طرف سے  عرب ...

دُبئی میں 18 برس سے کم عمر بچوں کی ویزہ مفت؛ 15 جولائی سے 15 ستمبر تک رہے گی سہولیت

 متحدہ عرب امارات میں سیاحتی سیزن کے دوران غیر مُلکی سیاحوں کے 18 برس سے کم عمر بچوں کے لیے مفت ویزے کی سہولت فراہم کی جا رہی ہے۔ یہ اعلان فیڈرل اتھارٹی فار آئیڈینٹٹی اینڈ سٹیزن شپ کی جانب سے کیا گیا ہے۔ دُبئی میں ہر سال سیاحتی سیزن کا آغاز 15 جولائی سے ہوتا ہے جو 15 ستمبر تک جاری ...

بحرین میں بھٹکل مسلم جماعت بحرین کی خوبصورت عید ملن تقریب ؛ اناس افریقہ کو بیسٹ اسٹوڈینٹ کا ایوارڈ؛ قران حفظ کرنے پر اسعدمصباح کو بھی ملا خصوصی اعزاز

بھٹکل مسلم جماعت بحرین کا عید ملن پروگرام بروز جمعرات  13جون کو منعقد ہوا، جس میں  بچوں کے پروگرام بالخصوص نظمیں، کوئیز، کھیل مقابلے نہایت دلچسپ رہے، عید ملن تقریب میں تعلیمی ایوارڈ سمیت بچوں کی ہمت آفزائی  کے لئے  بعض خصوصی انعامات  سے بھی نواز گیا جبکہ   آخر میں ریفل ...

جون 13 کو ہوگا بھٹکل مسلم جماعت بحرین کا عید ملن پروگرام؛ ممبران سے شرکت کی درخواست

بھٹکل مسلم جماعت بحرین کی عید ملن تقریب انشاء اللہ 13 جون کو مناما کے    ویندھم گرینڈ ہوٹل (Wyndham Grand Hotel, Manama)  میں  منعقد کی گئی ہے جس میں  دلچسپ اور تفریحی پروگرام پیش کئے جائیں گے۔ اس بات کی اطلاع جماعت کے جنرل سکریٹری مولوی اظہرالدین آرمار نے دی ہے۔

بھٹکل مسلم ایسوسی ایشن ریاض کی عید ملن تقریب؛ نوائطی ڈرامے، کوئیز، فینسی ڈریس سمیت کئی دلچسپ پروگرام سے حاضرین نے اُٹھایا لطف

بھٹکل مسلم ایسوسی ایشن ریاض کی طرف سے عید کی رات ٹھیک 10بجے کراون پلازہ ہوٹل میں ایک شاندار عید ملن تقریب کا اہتمام کیا گیا جس میں  تفریحی پروگرام، بچوں کا فینسی ڈریس ، نوائطے ڈرامے، کوئز اور ریفل ڈراء  وغیرہ جیسے مختلف پروگراموں سے  حاضرین نے خوب لطف اُٹھایا۔