مودی اگر ’چوکیدار‘ ہیں تو اسیمانند کو بری کیے جانے کے خلاف اپیل کریں: اویسی

Source: S.O. News Service | By Jafar Sadique Nooruddin | Published on 21st March 2019, 10:29 PM | ملکی خبریں |

حیدرآباد:21 /مارچ(ایس اونیوز /آئی این ایس انڈیا)آل انڈیا مجلس اتحادالمسلمین چیف اسد الدین اویسی نے پی ایم مودی کے ’میں بھی چوکیدار‘ مہم پر حملہ بول دیا ۔ پلوامہ، اری اور پٹھان کوٹ حملوں کا ذکر کرتے ہوئے اویسی نے پی ایم مودی پر حملہ بولتے ہوئے پوچھا ہے کہ آپ کس طرح کے چوکیدار ہیں۔ سمجھوتہ ایکسپریس دھماکہ کیس میں ٹرائل کورٹ کے فیصلے کو اعلیٰ عدالت میں چیلنج کرنے کا مطالبہ کرتے ہوئے اویسی نے کہا کہ اگر وزیر اعظم نریندر مودی اصل میں ملک کے’چوکیدار‘ ہیں تو اسیمانند کو بری کئے جانے کیخلاف حکومت کو اپیل کرنا چاہئے۔ پی ایم مودی کے ’میں بھی چوکیدار‘ مہم پر حملہ کرتے ہوئے اویسی نے بدھ کی رات ایک انتخابی ریلی میں کہاکہ :’آپ کس طرح کے چوکیدار ہیں؟ جاں بحق ہونے والوں میں 25 بھارتی بھی تھے۔ بم دھماکے ایک دہشت گرد انہ ایکٹ ہے۔ آپ کس طرح چوکیدار ہیں؟۔ واضح ہو کہ ہریانہ کے پنچ کولہ کی ایک خصوصی عدالت نے بدھ کو سمجھوتہ ایکسپریس دھماکہ کیس میں اسیمانند اور 3 دیگر ملزمان کو بری کر دیا ہے ۔ 2007 میں ہوئے سمجھوتہ ایکسپریس دھماکہ میں 68 افراد ہلاک ہوئے تھے، جن میں زیادہ تر پاکستانی تھے۔ اویسی نے کہا کہ اگر مودی اصل میں چوکیدار ہیں تو انہیں فوری طور پر یہ اعلان کرنا چاہئے کہ حکومت کورٹ کے فیصلے کے خلاف اپیل کرے گی۔اویسی نے جیش محمد سرغنہ مسعود اظہر کیخلاف اقوام متحدہ میں پابندی نہ لگ پانے کو بھی مودی حکومت کی ’ جھولا ڈپلومیسی‘ کی ناکامی قرار دیا ۔ ان کا اشارہ چینی صدر کو احمد آباد میں’ جھولا جھلانے ‘کی طرف تھا ۔ 

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...