وزیر اعظم کے قتل کی سازش معمولی بات نہیں، اس کے ملزمین کو سخت سزا ملنی چاہئے: یوٹی قادر

Source: S.O. News Service | By Shahid Mukhtesar | Published on 2nd September 2018, 11:59 AM | ریاستی خبریں |

بنگلورو2؍ستمبر(ایس او نیوز) ریاستی وزیر ہاؤزنگ یوٹی قادر نے کہا ہے کہ ہر تین ماہ میں ایک بار یہ دعویٰ کہ وزیر اعظم مودی کی جان کو خطرہ ہے، انہیں مارنے کی سازش رچائی گئی ہے اس سے ملک کی سیکورٹی ایجنسیوں کی ساکھ مجروح ہوتی ہے، اگر واقعی کسی نے وزیراعظم کو مارنے کی سازش رچی ہے تو اس کی نشاندہی کرکے اے کے خلاف سخت کارروائی کی جائے۔ غیر ضروری طور پر ہر دو تین ماہ میں ایسا ڈرامہ کرنا وزیراعظم کو زیب نہیں دیتا۔

اخباری نمائندوں سے بات چیت کرتے ہوئے انہوں نے کہاکہ وزیراعظم کو جان سے مارنے کی سازش رچانا معمولی بات نہیں ہے اس کی سخت الفاظ میں نہ صرف مذمت کرنی چاہئے بلکہ تمام سیاسی پارٹیوں کو یہ مطالبہ کرنا چاہئے کہ ایسی حرکت کرنے والوں کو سخت سے سخت سزا دی جائے تاکہ لوگوں کو معلوم ہوسکے کہ کون ہے وہ ملک کا دشمن جو وزیر اعظم کو قتل کردینا چاہتاہے۔ اس سازش کے پیچھے کونسی طاقتیں کار فرما ہیں ۔

انہوں نے کہاکہ وزیراعظم کی سیکورٹی کے لئے جو ایجنسی ذمہ دارہے اس کا شمار دنیا کی اعلیٰ ترین سیکوریٹی ایجنسیوں میں کیا جاتاہے ، اگر ایسی ایجنسی وزیر اعظم کو قتل کرنے کی سازش کا پتہ لگانے میں ناکام ہے تو اسے سیکوریٹی ایجنسی کی کمزوری سے تعبیر کیا جائے گا۔بارہا اس طرح کی خبریں اڑائی نہ جائیں۔

انہوں نے کہاکہ وقفے وقفے سے اس قسم کی خبریں عام کرکے اگر کوئی یہ سمجھتا ہے کہ عوام سے ہمدردی مل جائے گی تو وہ خام خیالی ہے۔ دراصل اس طرح کی خبریں اڑانے سے عوام پر یہ ظاہر ہوا ہے کہ جس حکومت میں وزیر اعظم ہی محفوظ نہیں وہاں عوام کیوں کر محفوظ ہوں گے؟۔ 

ایک نظر اس پر بھی

مودی دوبارہ منتخب ہونے پر ہٹلر بن جائیں گے۔ سابق وزیر اعلیٰ سدارامیا کابیان

سابق وزیراعلیٰ اور مخلوط ریاستی حکومت کی کوآرڈینیشن کمیٹی کے صدر سدارامیا نے باگلکوٹ میں کانگریسی امیدوار وینا کاشپناور کے لئے انتخابی مہم کے دوران کہا کہ بی جے پی والے دیش کادستور بدلنے کی بات کررہے ہیں۔ اگر دیش کے دھرم شاستر کا مقام رکھنے والے دستور کو بدلنے کی کوشش کی گئی ...

کرناٹکا میں لوک سبھا انتخابات کے دوسرے مرحلہ کی انتخابی مہم ختم 14حلقوں میں237امیدوار، کل23اپریل کو امیدواروں کی سیاسی قسمت کا فیصلہ ووٹر مشینوں میں ہوگا بند

ریاست میں ہورہے دوسرے مرحلہ کے لوک سبھا انتخابات کے لئے آج شام سیاسی انتخابی مہم اختتام کو پہنچ گئی۔ ریاست کے 14لوک سبھا حلقوں میں237امیدوار میدان میں ہیں۔

ووٹر فہرست سے رائے دہندوں کے ناموں کے غائب ہونے کا معاملہ کئی شکایت کے بعدالیکشن کمیشن چوکنا ،جانچ کرنے کا فیصلہ

بنگلور شہری ضلع کی حدودمیں آنے والے پارلیمانی حلقوں میں کئی افراد نے ووٹر فہرست سے اپنے نام غائب رہنے کی شکایتیں کی ہیں۔ریاستی انتخابی کمیشن نے اس معاملہ کوسنجیدگی سے لے کراس کی مکمل جانچ کروانے کا فیصلہ کیا ہے ۔

وزیر اعظم کی ذاتی زندگی کونشانہ بنانے پر ضمیر احمد خان کے خلاف الیکشن کمیشن میں بی جے پی کی شکایت

ریاستی وزیر برائے اقلیتی امور ،اوقاف ، حج اور غذا وشہری رسدات بی زیڈ ضمیراحمد خان کے ہاویری میں کانگریس امیدوار ڈی ۔ آر پاٹیل کے انتخابی ریلی کے دران وزیر اعظم نریندر مودی کے خلاف بیان دینے پر بھارتیہ جنتا پارٹی ( بی جے پی ) نے انتخابی کمیشن میں شکایت کی ہے ۔

چوکیدار کا مطلب سب سے بڑا چور ہے:سدارامیا

سابق وزیراعلیٰ سدارامیا نے کہا کہ ملک کے بے روز گار نوجوان بر سر اقتدار نریندر مودی سے روز گار کا سوال کرتے ہیں تو مودی ان نوجوانوں کو پکوڑے بنانے کی صلاح دیتے ہیں۔

اُترکنڑا میں کرناٹکا کے وزیراعلیٰ کی کارکو 13 جگہوں پر روک کر تلاشی لینے کے بعد اب سابق وزیراعظم کے ہیلی کاپٹرکی بھی لی گئی تلاشی

3/اپریل کو کرناٹک کے وزیراعلیٰ کماراسوامی کی کار کو قریب 13 جگہوں پر روک کر تلاشی لینے کی کاروائی کے بعد اب اُن کے والد  اور ملک کے سابق وزیراعظم  ایچ ڈی دیوے گوڈا صاحب  کے   ہیلی کاپٹر کی تلاشی لینے کی بات سامنے آئی ہے، جس پر سیاسی لیڈران  مرکزی حکومت  پر یکطرفہ کاروائی کرنے ...