ششی تھرور نے کہا: 2019 میں بی جے پی لوٹی تو"ہندو پاکستان" بن جائے گا ہندوستان

Source: S.O. News Service | By Shahid Mukhtesar | Published on 12th July 2018, 12:30 PM | ملکی خبریں |

ترووننت پورم،12؍جولائی (ایس او نیوز؍ایجنسی) بی جے پی کے 'ہندوتو نظریہ' پر حملہ کرتے ہوئے ششی تھرور نے کہا ہے کہ اگر بی جے پی سال 2019 کا لوک سبھا چناؤ جیت جاتی ہے تو اس سے ہندوستان ' ہندو پاکستان ' بن جائے گا۔ بدھ کو ترووننت پورم میں ایک پروگرام سے خطاب کرتے ہوئے تھرور نےکہا کہ بی جے پی ایک نیا آئین لکھے گی جو ایک ایسے ملک کیلئے راستہ تیار کرے گا جو پاکستان کی طرح ہوگا اور جہاں اقلیتوں کے حقوق کا احترام نہیں کیا جائے گا۔

نیوز ایجنسی اے این آئی کے مطابق ششی تھرور نے کہا ، " اگر وہ بی جے پی لوک سبھا میں پھر سے جیت کر آتی ہے تو جیسا ہم اپنے جمہوری آئین کو سمجھتے ہیں وہ ویسا نہیں رہ جائے گا کیونکہ ہندستان کے آئین کو الگ کرنے اور ایک نیا لکھنے کیلئے ان کے پاس سبھی ضروری عنصر ہوں گے"۔

ششی تھرور نے کہا ، ' وہ ہندو راشٹر کے اصولوں کو قائم کریں گے جو اقلیتوں کیلئے مساوات کو دور کرے گا، جو ایک ہندو پاکستان بنائے گا اور مہاتما گاندھی ،نہرو، سردار پٹیل ، مولانا آزاد اور عظیم جانبازوں نے آزادی کی لڑائی اس کے لئے نہیں لڑی"۔

تھرور کے اس بیان پر بی جے پی ترجمان سنبت پاترا نے ٹویٹ کر کے تبصرہ کیا ۔انہوں نے مطالبہ کیا کہ کانگریس صدر راہل گاندھی کو اس بیان کیلئے معافی مانگنی چاہئے ۔سنبت پاترا نے ٹویٹ میں لکھا کہ  " ششی تھرور کا کہنا ہے کہ اگر بی جے پی سال 2019 میں لوٹی تو  ہندوستان"ہندو پاکستان " ہو جائے گا۔نیوز ایجنسی اے این آئی کے مطابق سنبت پاترا نے کہا ششی تھرور نے جو کہا اس پر راہل گاندھی کو معافی مانگنی چاہئے۔کانگریس پاکستان کے بننے کی ذمہ دار تھی۔

ایک نظر اس پر بھی

پروٹوکول توڑنے میں مودی نے عمران سے مقابلہ کیا، سفارتی ناکامی پر جواب دیں: کانگریس

کانگریس نے سعودی عرب کے شہزادہ (ولی عہد) محمد بن سلمان کا پروٹوکول سے الگ جاکرخوش آمدید کئے جانے کو لے کر بدھ کو وزیر اعظم نریندر مودی پر حملہ بولا اور الزام لگایا کہ پروٹوکول توڑنے میں مودی تو گویا پاکستانی وزیر اعظم عمران خان کے ساتھ، جیسے مقابلہ کر رہے ہیں۔

پلوامہ حملہ: اب آندھرا پردیش کے وزیراعلیٰ چندرا بابو نائیڈو نے مودی حکومت کو گھیرا، کہا، قومی سلامتی خطرے میں ہے

پلوامہ دہشت گردانہ حملے کو لے کر پاکستان کے وزیر اعظم عمران خان کے بیان پر رد عمل ظاہر کرتے ہوئے آندھرا پردیش کے وزیراعلیٰ این چندرا بابو نائیڈو نے مرکز کی مودی حکومت پر نشانہ لگایا ہے۔

این سی ڈی آرسی نے آپریشن کے دوران لاپرواہی برتنے والے ڈاکٹر متاثرہ خاندان کو 2.7 لاکھ روپے ادا کرنے کا حکم دیا

قومی صارفین تنازعہ سراغ رساں کمیشن(این سی ڈی آرسی) نے آپریشن کے دوران لاپرواہی کی وجہ سے ایک خاتون کی موت کے معاملے میں تین ڈاکٹروں کو متاثر خاندان کو پر 2.7 لاکھ روپے ادا کرنے کا حکم دیا ہے۔