چمپئنز ٹرافی میں کھیلنے پر7 مئی کے اجلاس میں کریں گے فیصلہ: ونود رائے
ممبئی،29اپریل(ایس او نیوز؍آئی این ایس انڈیا) چمپئنز ٹرافی کے لئے ہندوستانی ٹیم کے ممکنہ اعلان کے بارے میں سات مئی کو ہونے والے بی سی سی آئی کی جنرل میٹنگ میں فیصلہ لیا جائے گا۔ بی سی سی آئی ایڈمنسٹریٹر کمیٹی (سی اواے) کے سربراہ ونود رائے نے کہا ہے کہ ہم تمام ممکنہ اختیارات کے لئے تیار ہیں، چیمپئنز ٹرافی کے لئے ٹیم اب تک منتخب نہیں کی گئی ہے اور بی سی سی آئی پہلے ہی آئی سی سی کی 25 اپریل کی میعاد کو نظر انداز کر چکا ہے لیکن رائے اسے زیادہ طول نہیں دینا چاہتا ہیں۔ رائے نے ایک کتاب کی رسم اجرا کے دوران کہاکہ وقت کی حد جیسی کوئی چیز نہیں ہے، چیمپئنز ٹرافی ایک جون سے شروع ہوگی۔ممکنہ اختیارات کے بارے میں پوچھنے پر رائے نے کہا کہ میں آپ کو اب کس طرح بتا سکتا ہوں، ہم تمام ممکنہ منظرنامے کے ساتھ تیار ہیں. لہذا عمل شروع ہونے دیجئے جس کے ہونے کی امید ہے اور پھر ہم دیکھتے ہیں کہ کیا کرنا ہے، میں نے پہلے ہی کچھ نہیں بتا سکتا،مجھے بھروسہ ہے کہ یہ اچھا فیصلہ ہوگا، آپ جو بھی فیصلہ چاہتے ہیں وہ ہو گا لیکن اگر ایسا نہیں ہوتا ہے تو پھر دیکھتے ہیں۔ انہوں نے کہاکہ یہ کھیل کا حصہ ہے، اسے آہستہ آہستہ آگے بڑھنے دیجئے، کس طرح دیکھتے ہیں پیش رفت ہوتی ہے، کیا ہوتا ہے۔ رائے نے اس سوال کا جواب دینے سے انکار کر دیا کہ اگر ایس جی یم میں چیمپئنز ٹرافی سے ہٹنے کا فیصلہ کیا جاتا ہے تو کیاسی او اے اس فیصلے کو مسترد کر دے گا۔