ممبئی،22اپریل(ایس او نیوز؍آئی این ایس انڈیا) شیوسینا صدر ادھو ٹھاکرے نے کہاہے کہ وہ وزیر اعظم نریندر مودی کے ناقدنہیں ہیں، لیکن جب بھی وہ کسی بات سے متفق نہیں ہوں گے تو اپنی بات کہتے رہیں گے۔انہوں نے کہاکہ میں مودی کا ناقد نہیں ہوں لیکن میں ان مسائل پر بولوں گا جن سے اتفاق کرتا ۔راجیہ سبھا ممبر پارلیمنٹ اور’’سامنا‘‘کے ایگزیکٹو ایڈیٹر سنجے راوت کی مراٹہی کتاب کی رسم اجرا کے موقع پرٹھاکرے نے کہا کہ ان کے والد ( بال ٹھاکرے)نے انہیں سکھایا ہے کہ اپنے دل کی بات کہو۔ہم آپ کو بتائیں کہ ماضی میں، بی جے پی اور شیو سینا کے درمیان تلخی بڑھ گئی ہے۔آنے والے انتخابات میں شیوسینا سربراہ نے اپنے آپ کو بی جے پی سے جدا کرکے انتخابی مقابلہ کرنے کا فیصلہ کیاتھا۔شیوسینا مہنگائی، بے روزگاری، اقتصادی صورت حال جیسے مسائل پرمسلسل وزیر اعظم نریندر مودی کی تنقید کرتی رہی ہے۔