اُڈپی میں بجرنگ دل کارکنوں کے حملہ میں ہلاک ہونے والے حسین ابّا کی موت کا سبب سر پر لگنے والی چوٹ۔ پوسٹ مارٹم رپورٹ میں انکشاف

Source: S.O. News Service | By I.G. Bhatkali | Published on 16th June 2018, 9:07 PM | ساحلی خبریں | ریاستی خبریں |

اڈپی 16؍جون (ایس او نیوز) ہیری اڈکا پولیس اسٹیشن کی حدود میں پیراڈور کے مقام پر مویشیوں کے تاجر حسین ابّا اور اس کے ساتھیوں کی گاڑی روک کر پولیس اور بجرنگ دل کارکنان کی ملی بھگت سے 30مئی کو صبح کی اولین ساعتوں میں جو حملہ ہوا تھا اوراس کے بعد ایک پہاڑی علاقے سے حسین ابا کی لاش برآمد ہوئی تھی اس معاملے کی گتھی پوسٹ مارٹم رپورٹ سے اب پوری طرح سلجھ گئی ہے اور یہ ایک قتل کا معاملہ ثابت ہوگیا ہے۔

خیال رہے کہ ابتدا میں ہیری اڈکا پولیس نے اسے ہارٹ اٹیک کا معاملہ قرار دینے کی کوشش کی تھی، مگر حسین ابا کے گھر والوں نے پولیس اور بجرنگ دل کارکنان پر سازش رچنے اورحسین ابا کو قتل کرنے کے بعد اس پر پردہ ڈالنے کی کوشش کا الزام لگایا تھا۔ ضلع پولیس سپرنٹنڈنٹ نے فوری طور پر اس معاملے میں دلچسپی لی اور ابتدائی تحقیقات کے بعداس مشتبہ موت کے تعلق سے دفعہ 302کے تحت کیس درج کرلینے کے  ساتھ ہی نہ صرف تین پولیس والوں کو گرفتار کیا تھا بلکہ بجرنگ دل لیڈر اور کارکنان کو بھی گرفتار کرلیا گیا تھا۔تینوں ملزم پولیس والوں کو کاروار جیل میں قید رکھا گیا ہے۔ اس ضمن نے جملہ 11ملزمان کو گرفتار کیاگیاہے اوران سے تفتیش کے دوران یہ بات صاف ہوگئی تھی کہ جب پولیس اپنی گاڑی میں حسین ابا کو لے جارہی تھی تو اس نے پولیس گاڑی میں ہی دم توڑ دیا تھاجس کے بعد بجرنگیوں کے ساتھ مل کر پولیس سب انسپکٹر ڈی این کمار، ہیڈکانسٹیبل موہن کوتوال اور پولیس جیپ ڈرائیور گوپال نے ایک پہاڑی علاقے میں حسین ابا کی لاش کو پھینک دیا تھا۔

اس کیس کی تازہ پیش رفت یہ ہے کہ یہ کیس سی آئی ڈی کے حوالے کیا جاچکا ہے اور اگلے دوچار دنوں میں سی آئی ڈی ٹیم اڈپی پہنچ کر اپنی تحقیقات کا آغاز کرنے والی ہے۔لاش کے پوسٹ مارٹم کی رپورٹ جو موصول ہوئی ہے اس کے مطابق حسین ابا کی موت سرپر چوٹ لگنے کی وجہ سے واقع ہوئی ہے جس کا مطلب یہ ہے کہ یہ ایک باقاعدہ قتل کا معاملہ ہے۔ اس معاملے میں گرفتار ملزمین نے ضمانت کے لئے عدالت میں درخواست دی تھی جس پر شنوائی کے دوران عدالت کی ہدایت پر تحقیقاتی افسر کارکلا کے اے ایس پی رشی کیش سوناونے نے پوسٹ مارٹم رپورٹ عدالت میں حاضر کردی ہے۔ اب ضمانت کی درخواست پر اگلی سماعت18جون کو ہوگی۔تمام ملزمان کی عدالتی حراست میں 28جون تک توسیع کی گئی ہے۔ اس قتل کے تعلق سے ابھی فارنسک رپورٹ آنی باقی ہے۔ مزید تحقیقات سے یہ بھی ثابت ہونا ہے کہ گرفتار ملزمان میں سے حسین ابا پر کس کس نے حملہ کیا تھااور سر پر مارنے والا کون تھا۔

ایک نظر اس پر بھی

انکولہ میں ڈاکٹر انجلی نے بی جے پی پر کیا طنز : مجھے بیرون ضلع کی کہنے والوں کو میرے حلقے میں آنا ہی ہوگا 

انکولہ کے ناڈ ور ہال میں منعقدہ انتخابی تیاریوں کے جائزاتی اجلاس سے خطاب کرتے ہوئے اتر کنڑا حلقے کی امیدوار ڈاکٹر انجلی نمبالکر نے بی جے پی کو آڑے ہاتھوں لیتے ہوئے کہا مجھے اتر کنڑا ضلع سے باہر کی امیدوار بتانے والی بے جے پی کو بھی میرے حلقے میں آنا ہی ہوگا ۔ انہیں شائد پتہ نہیں ...

کمٹہ میں ڈی کے شیوکمار نے کہا : دھرم کسی کی جائداد نہیں ہے ۔ بھگوان کو سیاست میں استعمال کرنا ناقابل معافی ہے

پارلیمانی انتخاب کی تیاریوں کے سلسلے میں کمٹہ میں منعقدہ  جائزاتی اجلاس سے خطاب کرتے ہوئے کے پی سی سی صدر اور نائب وزیر اعلیٰ ڈی کے شیوا کمار نے کہا کہ ہمارا یقین یہ ہے کہ دھرم چاہے جو بھی اس کا نظریہ ایک ہی ہے ، نام چاہے سیکڑوں ہوں ، مگر بھگوان ایک ہی ہے اور پوجا جیسی بھی ہو، ...

بھٹکل شمس الدین سرکل کے قریب بس اور آٹو رکشہ کی ٹکر؛ آٹو ڈرائیور شدید زخمی

  قلب شہر شمس الدین سرکل کے قریب  پرائیویٹ بس اور آٹو کی ٹکر میں آٹو ڈرائیور شدید زخمی ہوگیا جسے   بھٹکل سرکاری اسپتال میں ضروری طبی امداد فراہم کرنے کے بعد زائد علاج کے لئے کنداپور  لے جایا گیا ہے۔ زخمی ڈرائیور کی شناخت جامعہ آباد روڈ، ماسٹر کالونی کے رہائشی  محمد سُہیل ...

بھٹکل میں انجلی نمبالکر نے کہا؛ آنے والےانتخابات بی جے پی اور کانگریس کے درمیان نہیں ، امیروں اور غریبوں کے درمیان اور انصاف اور ناانصافی کے درمیان مقابلہ

  آنے والے لوک سبھا انتخابات میں اصل مقابلہ  بی جے پی اور کانگریس کے درمیان  نہیں ہوگا بلکہ  اڈانی اور امبانی جیسے  سرمایہ داروں  کو تعاون فراہم کرنے والوں اور غریبوں کو انصاف دلانے والوں کے درمیان ہوگا، صاف صاف کہیں تو یہ سرمایہ داروں اور غریبوں کے درمیان  مقابلہ ہے۔ یہ بات ...

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔