اٹلی جانے کی کوشش میں سینکڑوں تارکین وطن گرفتار 

Source: S.O. News Service | By Shahid Mukhtesar | Published on 13th March 2018, 12:20 PM | عالمی خبریں |

طرابلس 12مارچ (ایس او نیوز؍ آئی این ایس انڈیا )لیبیا کے ساحلی محافظوں اور ایک بین الاقوای فلاحی ادارے نے سیکڑوں کی تعداد میں ان تارکین وطن کو پکڑ لیا ہے جنہیں اسمگلر اپنی کشتیوں میں اٹلی کی طرف لے جا رہے تھے۔لیبیا کے کوسٹ گارڈ کی کشتیوں نے تارکین وطن کی تین کشتیوں کو روک لیا جس میں ایک ربر کی کشتی بھی تھی جس پر 125 افراد سوار تھے۔ یہ بات لیبیا کے کوسٹ گارڈ کے ترجمان ایوب قاسم نے بتائی جن کا کہنا ہے کہ اس کشتی کو لیبیا کے دارالحکومت طرابلس کے مغرب میں زوایہ کے ساحل کے قریب روکا گیا۔دوسری کشتی کو طرابلس کے مشرق میں واقع قراہ بللی کے ساحل کے قریب سے واپس کر دیا گیا جس پر 112 افراد سوار تھے جبکہ تیسری کشتی کو جس پر 98 تارکین وطن سوار تھے تیونس کی سرحد کے قریب واقع ابو کماش کے ساحل کے قریب روک لیا گیا۔بتایا گیا کہ ایک چوتھی کشتی جس پر ایک سو سے زائد افراد سوار تھے اس امدادی بحری جہاز کے قریب پہنچ گئی جو طرابلس کے مغرب میں واقع ساحل سے 21 میل دوران تارکین وطن کو اٹلی لے جا رہا تھا۔ ان افراد کو ڈوبنے سے بچایا گیا تھا۔ ان میں نصف سے زائد کا تعلق نائیجیریا جبکہ باقی کا زیریں صحارا کے افریقی ملکوں سے تھا۔یورپ جانے والے تارکین وطن زیادہ تر لیبیا کا راستہ اختیار کرتے ہیں اور گزشتہ چار سالوں کے دوران چھ لاکھ سے زائد تارکین وطن بحیرہ روم کو پار کرکے اٹلی پہنچے جب کہ ہزاروں تارکین وطن کو اس کوشش میں اپنی جان سے بھی ہاتھ دھونے پڑے۔

ایک نظر اس پر بھی

عراق سرحد کے نزدیک 10جنگجو ہلاک :ایرانی پاسداران انقلاب

ایرانی پاسداران انقلاب کے ذریعہ عراق سے ملحق شمال مغربی سرحدی علاقے میں ایک آپریشن کے دوران سنیچر کو 10انتہا پسند مارے گئے۔ یہ اطلاع سرکاری نیوز ایجنسی ارنا نے دی۔ پاسداران انقلاب نے اپنے ایک بیان میں ارنا کو بتایا کہ یہ مسلح انتہاپسند اشنویا سرحدی علاقے سے ملک میں داخل ہونے ...

عمران خان 18اگست کو وزیراعظم عہدے کا لیں گے حلف

پاکستان تحریک انصاف(پی ٹی آئی)نے جمعہ کواعلان کیا ہے کہ پارٹی کے سربراہ عمران 18 اگست کو ملک کے وزیر اعظم کے طور پر حلف لیں گے۔پی ٹی آئی کے ایڈیشنل انفارمیشن سکریٹری فیصل جاوید نے کہا کہ خان کی حلف برداری کی تقریب کیلئے کپل دیو ، سنیل گواسکر اور نوجوت سنگھ سدھو جیسے ہندستانی ...