بھٹکل میں زائد منافع کالالچ دے کر 100کروڑ سے زائد رقم کی دھوکہ دہی کا الزام : کمپنی مالکان کے گھروں کا گھیراؤ اور احتجاج

Source: S.O. News Service | By Abu Aisha | Published on 14th October 2018, 11:15 PM | ساحلی خبریں | ان خبروں کو پڑھنا مت بھولئے |

بھٹکل:14/اکتوبر(ایس اؤ نیوز) شہر کے آزاد نگر میں واقع فلالیس نامی کمپنی کے مالکان  پر سو کروڑ سے زائد رقم لے کر فرار ہونے کا الزام عائد کرتے ہوئے  سینکڑوں لوگوں نے آج اُن  کے مکانوں  کا گھیراو کیا اور اپنی رقم واپس دینے کا مطالبہ کرتے ہوئے احتجاج کیا۔  احتجاجیوں کا کہنا تھا کہ   فلالیس نامی جعلی کمپنی کی شروعات کرکے اللہ کےنام پر بڑی بڑی باتیں کرتے ہوئے عوام کا اعتماد حاصل کیا گیا پھر  100کروڑ  سے زائد رقم لے کر کمپنی کے مالکان فرار ہوگئے۔

احتجاجیوں نے اخبارنویسوں کو بتایا کہ وثیق ، عمران  ، غفران، انضمام اور عبداللہ نامی افراد نے ’نیو فلالیس ٹریڈ لنک (فیس کریم ) کمپنی کا افتتاح کیا تھا، پھر  زائد منافع کا لالچ دے کر عوام کو شراکت داری کی ترغیب دی گئی  جس پر بھروسہ کرتے ہوئے عوام نے اپنی سخت محنت کی کمائی  اس میں لگا دی تھی ۔گھر کے سامنے جمع بھیڑ نے  ان لوگوں پر الزامات کی بوچھاڑ کرتے ہوئے  بتایا کہ ان لوگوں نے  غریب  عوام  کی رقم لے کر فرار ہوگئے ہیں ۔

عوام نے بتایا کہ  سودی کاروبار سے مکمل اجتناب کرنے والے مسلمانوں سے ملاقات کرتے ہوئے کمپنی مالکان نے انہیں اعتماد دلایا تھا کہ ہم نے جماعت کی منظوری لے کر ہی کمپنی کی شروعات کی ہے۔ 12سے 17فی صد منافع کی تقسیم کرنے کااللہ کے نام پر وعدہ کیا  جس پر بھروسہ کرتے ہوئے ہم نے  گھرمیں جتنی بھی رقومات تھیں سب  کمپنی میں جمع کرادیں۔ احتجاجیوں کے مطابق بھٹکل میں عوام کی طرف سے 100کروڑ سے بھی زائد رقم جمع کی گئی ہیں۔

احتجاجیوں نے بتایا کہ شروعات میں ایک دومہینے تھوڑی رقومات عوام میں تقسیم کی گئی تھی مگر بعد  میں کمپنی مالکان اچانک  غائب ہوگئے۔ احتجاجیوں نے بتایا کہ سوشیل میڈیا کے ذریعے  ان کی جانب سے پیغامات آرہے تھے کہ اُنہیں   آج نہیں تو کل ، کل نہیں تو پرسوں تمام لوگوں کی رقومات واپس دی جائے گی، مگر آج اور کل کا  بھروسہ دلاتے دلاتے آج  7مہینے گزرگئے ہیں ۔ بعض  احتجاجیوں  نے یہ بھی بتایا کہ انہیں اب مالکان نے صاف طور پر بتادیا ہے کہ  پولس بھی ان کےساتھ ہے، اس لئے رقم اب واپس نہیں لوٹائی جائے گی۔ وہ ہمیں اب دھمکی دے  رہے ہیں کہ  تم کو جو کرنا ہے، کرو، اب رقم واپس نہیں کی جائے گی۔

احتجاجیوں نے بتایا کہ ہم لوگ اب سخت  مشکلات میں گھر گئے ہیں ، لہٰذا ہمیں ہماری رقم واپس لوٹائی جائے۔ حالات بدلتے دیکھ کرسرکل پولس انسپکٹر گنیش اپنے عملے کے ساتھ جائے وقوع پر پہنچے اور  حالات کو قابومیں کیا۔ اس سلسلے میں سی پی آئی گنیش نے بتایا کہ کمپنی کے  رجسٹریشن کی ابھی تک تصدیق نہیں ہوئی ہے۔اگرعوام رقم ادا کرنے کے  دستاویزات کے ساتھ پولس تھانہ میں شکایت درج کرتے ہیں  تو ہم کیس درج کرنے تیار ہیں۔

ایک طرف عوام فلالیس نامی کمپنی کے مالکان  کے خلاف اپنے غصے کا اظہار کرتے ہوئے اُن کے مکان میں گھس رہے تھے، تو وہیں گھر پر موجود خواتین بے حد پریشان تھیں، خواتین نے احتجاجیوں کو سمجھانے بجھانے کی کافی کوشش کی، مگر احتجاجیوں کے ریلے کو وہ روکنے میں ناکام رہیں، مگر بعد میں پولس کی مداخلت کے بعد احتجاجیوں کو  وہاں سے ہٹادیا گیا۔ اس موقع پر گفتگو کرتے ہوئے  گھر کی ایک خاتون نے ساحل آن لائن کو بتایا کہ   ہم نے کبھی کسی کو یہ نہیں بتایا کہ ہم لوگ اُن کی رقم واپس نہیں لوٹائیں گے،  خاتون نے یقین دلایا کہ جب تک اُن کے بھائی زندہ ہیں، وہ خوب محنت کرکے عوام کی رقومات کو واپس لوٹائیں گے، لیکن احتجاج کرنے والی   خواتین ہمارے گھر میں آکر ہم پر ٹارچر کریں گی  تو ہم کہاں سے اُن کی رقم واپس لاکر دیں گے۔خاتون نے مزید بتایا کہ ہم یہ بات جانتے ہیں کہ غریب ، مجبوراور محنت کش لوگوں نے   اپنی کمائی اس کمپنی میں  انویسٹ کیا ہے، ہمارے بھائیوں کا ارادہ کسی کو دھوکہ دینے کا نہیں تھا، مگر اُن کی  ٹیم میں شامل  ایک شخص  کے دھوکہ دینے سے   وہ  مشکلات میں گھر گئے ہیں البتہ  ہمارے بھائی برابر اُس شخص کے پیچھے لگے ہوئے ہیں اور رقم واپس حاصل کرنے اپنا  پورا زور لگارہے ہیں۔ خاتون نے عوام سے اپیل کی کہ وہ  برائے کرم اُن کے گھروں میں آکر ہنگامہ نہ مچائیں، ہم خود آپ کی مشکلات سے واقف ہیں، مگر ہم خواتین چونکہ کمانہیں سکتی، آپ   لوگوں کی مدد کرنے سے قاصر ہیں۔

ایک نظر اس پر بھی

انکولہ میں ڈاکٹر انجلی نے بی جے پی پر کیا طنز : مجھے بیرون ضلع کی کہنے والوں کو میرے حلقے میں آنا ہی ہوگا 

انکولہ کے ناڈ ور ہال میں منعقدہ انتخابی تیاریوں کے جائزاتی اجلاس سے خطاب کرتے ہوئے اتر کنڑا حلقے کی امیدوار ڈاکٹر انجلی نمبالکر نے بی جے پی کو آڑے ہاتھوں لیتے ہوئے کہا مجھے اتر کنڑا ضلع سے باہر کی امیدوار بتانے والی بے جے پی کو بھی میرے حلقے میں آنا ہی ہوگا ۔ انہیں شائد پتہ نہیں ...

کمٹہ میں ڈی کے شیوکمار نے کہا : دھرم کسی کی جائداد نہیں ہے ۔ بھگوان کو سیاست میں استعمال کرنا ناقابل معافی ہے

پارلیمانی انتخاب کی تیاریوں کے سلسلے میں کمٹہ میں منعقدہ  جائزاتی اجلاس سے خطاب کرتے ہوئے کے پی سی سی صدر اور نائب وزیر اعلیٰ ڈی کے شیوا کمار نے کہا کہ ہمارا یقین یہ ہے کہ دھرم چاہے جو بھی اس کا نظریہ ایک ہی ہے ، نام چاہے سیکڑوں ہوں ، مگر بھگوان ایک ہی ہے اور پوجا جیسی بھی ہو، ...

بھٹکل شمس الدین سرکل کے قریب بس اور آٹو رکشہ کی ٹکر؛ آٹو ڈرائیور شدید زخمی

  قلب شہر شمس الدین سرکل کے قریب  پرائیویٹ بس اور آٹو کی ٹکر میں آٹو ڈرائیور شدید زخمی ہوگیا جسے   بھٹکل سرکاری اسپتال میں ضروری طبی امداد فراہم کرنے کے بعد زائد علاج کے لئے کنداپور  لے جایا گیا ہے۔ زخمی ڈرائیور کی شناخت جامعہ آباد روڈ، ماسٹر کالونی کے رہائشی  محمد سُہیل ...

بھٹکل میں انجلی نمبالکر نے کہا؛ آنے والےانتخابات بی جے پی اور کانگریس کے درمیان نہیں ، امیروں اور غریبوں کے درمیان اور انصاف اور ناانصافی کے درمیان مقابلہ

  آنے والے لوک سبھا انتخابات میں اصل مقابلہ  بی جے پی اور کانگریس کے درمیان  نہیں ہوگا بلکہ  اڈانی اور امبانی جیسے  سرمایہ داروں  کو تعاون فراہم کرنے والوں اور غریبوں کو انصاف دلانے والوں کے درمیان ہوگا، صاف صاف کہیں تو یہ سرمایہ داروں اور غریبوں کے درمیان  مقابلہ ہے۔ یہ بات ...

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...

لوک سبھا انتخاب: مالوگم میں صرف ’ایک ووٹر‘ کے لیے الیکشن کمیشن نے اٹھایا بڑا قدم!

لوک سبھا انتخاب کی سرگرمیوں کے درمیان اروناچل پردیش سے ایک دلچسپ خبر سامنے آ رہی ہے۔ اروناچل پردیش میں لوک سبھا اور اسمبلی انتخاب سے قبل الیکٹورل افسران کی ایک ٹیم انجا ضلع کے مالوگم گاؤں پہنچنے والی ہے۔ دراصل اس گاؤں میں 44 سالہ سوکیلا تایانگ تنہا ووٹر ہیں اور وہ خاتون بھی ...

عازمین کیلئے دوسری قسط جمع کرانے کی آج آخری تاریخ

قرعہ اندازی میں منتخب عازمین اورویٹنگ لسٹ کنفرم ہونے والے تمام عازمین کو دوسری قسط کےطور پر ایک لاکھ ۷۰؍ ہزار روپے جمع کرانے کیلئے توسیع شدہ تاریخ کا آج  بروز جمعرات ۲۸؍ مارچ آخری دن ہے ۔ اسی کے ساتھ ایسی خواتین جو محرم کے زمرے میں شامل تھیں، یعنی ان کے شوہروں یا اہل خانہ نے ...

کیجریوال کی گرفتاری کے خلاف آج دہلی ہائی کورٹ میں سماعت، عآپ کا سڑکوں پر احتجاج جاری

دہلی شراب پالیسی معاملہ میں وزیر اعلی اروند کیجریوال کی گرفتاری کے بعد سڑکوں پر احتجاج جاری ہے۔ منگل (26 مارچ) کو عام آدمی پارٹی کے کارکنان وزیر اعظم کی رہائش گاہ کا گھیراؤ کرنے کے لیے سڑکوں پر نکل آئے اور شدید احتجاج کیا، جس پر دہلی پولیس نے سیکورٹی سخت کرتے ہوئے مظاہرین کو ...

لوک سبھا انتخاب 2024: کانگریس نے امیدواروں کی ساتویں فہرست جاری کی، اب تک 197 امیدواروں کا ہو چکا اعلان

لوک سبھا کی 543 سیٹوں کے لیے 19 اپریل سے یکم جون کے درمیان سات مراحل میں ووٹ ڈالے جائیں گے اور اس تعلق سے سبھی سیاسی پارٹیوں کی سرگرمیاں عروج پر ہیں۔ پارٹیاں لگاتار اپنے امیدواروں کے ناموں کا اعلان کر رہی ہیں۔ اس درمیان کانگریس نے امیدواروں کی ساتویں فہرست آج جاری کر دی جس میں ...