جنیوا : انسانی حقوق کونسل میں یمن میں بچوں کی بھرتی کا معاملہ زیر بحث

Source: S.O. News Service | By Shahid Mukhtesar | Published on 6th March 2018, 5:15 PM | عالمی خبریں |

پیرس6مارچ(ایس او نیوز؍ آئی این ایس انڈیا )جنیوا میں اقوام متحدہ کی انسانی حقوق کونسل میں 4 رپورٹیں پیش کی گئی ہیں جن میں یمن میں حوثی ملیشیا کی جانب سے انسانی حقوق کی خلاف ورزیوں پر تفصیلی روشنی ڈالی گئی ہے۔انسانی حقوق کی تنظیمیوں کی جانب سے پیش کی گئی ان رپورٹوں میں تا دم مرگ تشدد، صحت، دہشت گردی کے پھیلاؤ اور بچوں کی بھرتی سے متعلق امور کو بیان کیا گیا ہے۔ حوثی ملیشیا کی جانب سے اسکول کے بچوں کو زبردستی بھرتی کیا جاتا ہے اور پھر انہیں تربیت کے بغیر ہی لڑائی کے محاذوں پر جھونک دیا جاتا ہے۔اقوام متحدہ میں بین الاقوامی امور کی ماہر ڈاکٹر اسٹریڈ اسٹیوکیلبرگر نے یمن میں بچوں کی بھرتی کے بارے میں پریزینٹیشن پیش کی۔ انہوں نے العربیہ کو بتایا کہ "یمن میں بھرتی کیے جانے والے بچوں کو جن میں 40 فیصدی لڑکیاں ہوتی ہیں یہ معلوم ہی نہیں ہوتا کہ وہ لڑائی میں حصّہ لینے کے لیے جا رہے ہیں۔ ان بچوں کو گھروں اور اسکولوں تک واپس لانا ایک دشوار مشن ہے کیوں کہ انہیں جبری طور پر بھرتی کیا جاتا ہے ۔جیلوں اور حراستی مراکز میں باغی حوثی ملیشیا کی جانب سے تشدد کیجرائم کے نتیجے میں گزشتہ برس 28 افراد اپنی جانوں سے ہاتھ دھو بیٹھے۔ رپورٹ کے مطابق یہ تمام افراد کسی عسکری سرگرمی میں شریک نہیں تھے۔یمن میں انسانی حقوق کی خلاف ورزیوں کی نگرانی کرنے والے اتحاد کے رکن براء شیبان نے بتایا کہ ہم نے حوثیوں کی جیلوں میں تشدد سے ہونے والی ہلاکتوں کا پورا معاملہ آگے پیش کر دیا ہے اور اب ایک آزاد تحقیقاتی کمیٹی کا انتظار ہے تا کہ حوثی ملیشیا کے زیر کنٹرول جیلوں میں تشدد کے جرائم سے متعلق تفصیلات سامنے آ سکیں ۔ادھر یمن میں حوثیوں کی کارستانیوں کے سبب 5 ہزار طبّی ادارے تباہی اور نظر اندازی کا شکار ہو گئے۔ اس کا نتیجہ 10 ہزار افراد کی موت اور 35 ہزار کے زخمی ہونے کی صورت میں سامنے آیا۔گزشتہ برس اگست میں اقوام متحدہ کی جانب سے جاری رپورٹ کے مطابق یمن میں 2.6 کروڑ کی مجموعی آبادی میں 80% افراد کو فوری طور پر انسانی بنیادوں پر امداد کی ضرورت ہے۔
 

ایک نظر اس پر بھی

ماسکو کنسرٹ ہال حملے میں 143ہلاکتیں

روس کے دارالحکومت ماسکو میں ایک کنسرٹ ہال پر جمعہ کو ہونے والے حملے میں مرنے والوں کی تعداد بڑھ کر 143 ہوگئی ہے جبکہ 100 سے زائد افراد زخمی ہیں۔روس کی تحقیقاتی کمیٹی نے ہفتے کے روز یہ اطلاع دی۔ کمیٹی نے کہا کہ ایمرجنسی سروسز ماسکو اوبلاست میں کروکس سٹی ہال، دہشت گردانہ حملے کی جگہ ...

80 ہزار افراد نے مسجد اقصیٰ میں نماز جمعہ ادا کی

قابض اسرائیلی فوجوں  کی سختی کے باوجود رواں  سال رمضان کے پہلے جمعہ کو ۸۰؍ ہزار مسلمانوں   نے بیت المقدس میں  پہنچ کر نماز جمعہ ادا کی۔ قدس نیوز نیٹورک نے جو ویڈیوشیئرکئے ہیں  میں  دیکھا جاسکتاہے کہ جوق در جوق مغربی کنارہ، راملہ اور دیگر علاقوں  سے فلسطینی شہری پیدل اور بسوں ...

شہریت ترمیمی قانون پر امریکہ نے بھی اپنی تشویش ظاہر کردی

امریکہ اور نے ہندوستان کے متنازعہ شہریت ترمیمی قانون پر عدم تحفظات کا اظہار کردیا۔ امریکی محکمہ خارجہ کے ترجمان نے بیان میں کہا کہ ہندوستان میں شہریت کے متنازعہ ترمیمی قانون کے نفاذ پر تشویش ہے۔ ایکٹ کے نافذ ہونے کے بعد صورتحال کا بغور جائزہ لے رہے ہیں۔

غزہ پر اسرائیلی حملوں کے سبب جان گنوانے والے فلسطینیوں کی تعداد 31272 ہوئی

غزہ پٹی پر جاری اسرائیلی حملوں سے فلسطینیوں کی ہلاکتوں کی تعداد 31272 ہو گئی ہے۔ غزہ میں قائم وزارت صحت نے بدھ کو یہ اطلاع دی۔ وزارت نے ایک بیان میں کہا کہ اسرائیلی فورسز نے گزشتہ 24 گھنٹوں کے دوران 88 فلسطینیوں کو قتل اور 135 دیگر کو زخمی کیا، جس سے گزشتہ اکتوبر میں اسرائیل اور حماس ...

غزہ میں امداد کیلئے قطار میں منتظر افراد کو پھر نشانہ بنایا گیا، 11 شہید

  انسانیت کی تمام حدوں  کو پار کرتے ہوئے اسرائیلی فوجوں  نے بدھ کو پھر بھکمری کے شکار ان پریشان حال لوگوں  کو نشانہ بنایا جو اپنے بچوں  کی پیٹ کی آگ بجھانے کیلئے امداد حاصل کرنے کے مقصد سے قطار میں  لگے ہوئے تھے۔ بدھ کے اس حملے میں  ۱۱؍ افراد کی شہادت کی تصدیق ہوئی ہے جس کے بعد ...

انڈونیشیا میں سیلاب اور چٹان کھسکنے سے تباہی، 19 افراد ہلاک ،متعدد زخمی

انڈونیشیا کے جزیرے سماترا میں مسلسل بارش نے سیلاب اور چٹان کھسکنے سے بڑے پیمانے پرتباہی ہوئی ہے۔ اس دوران 5سے زائد گھر دب گئے۔ مکانات کے ملبے سے12 لاشیں نکالی گئیں اور 7افراد کو شدید زخمی حالت میں اسپتال پہنچایا گیا۔ ملبے سے دیگر 6 افراد کو بحفاظت نکالا گیا جبکہ5 افراد اب تک ...