آدھار کا سافٹ ویئر ہیک، یو آئی ڈی اے آئی خاموش

Source: S.O. News Service | By Shahid Mukhtesar | Published on 12th September 2018, 11:05 AM | ملکی خبریں |

نئی دہلی، 12؍ستمبر (ایس او نیوز؍ایجنسی) رپورٹ میں دعویٰ کیا گیا ہے کہ 5 ماہرین کی مدد سے تین مہینے کی جانچ کے بعد اس کی اشاعت کی گئی ہے اور آدھار سافٹ ویئر ہیک کرنے والے سافٹ ویئر کی قیمت محض 2500 روپے ہے۔

آدھار کارڈ کی سیکورٹی پر انگلیاں اکثر اٹھتی رہی ہیں اور اس پر یو آئی ڈی اے آئی کو بارہا صفائی بھی پیش کرنی پڑی ہے۔ لیکن تازہ خبروں کے مطابق آدھار کا سافٹ ویئر ہیک کر لیا گیا ہے اور آدھار اتھارٹی اس سلسلے میں ہنوز کچھ بھی بولنے سے پرہیز کرتی ہوئی نظر آ رہی ہے۔ دراصل ’ہفنگٹن پوسٹ ڈاٹ اِن‘ نے اپنی ایک رپورٹ میں دعویٰ کیا ہے کہ آدھار کارڈ کا سافٹ ویئر ہیک کیا جا چکا ہے اور ہندوستان کے تقریباً ایک ارب لوگوں کی ذاتی جانکاری خطرے میں ہے۔

ہفنگٹن پوسٹ کی اس رپورٹ کو کانگریس کے ٹوئٹر ہینڈل سے شیئر بھی کیا گیا ہے اور لکھا گیا ہے کہ ’’آدھار انرولمنٹ سافٹ ویئر کا ہیک ہونا آدھار ڈاٹا بیس کی سیکورٹی کے لیے خطرناک ہے۔ ہم امید کرتے ہیں کہ اتھارٹی اس سلسلے میں بہتر قدم اٹھائے گی اور مشتبہ کی شناخت کر آدھار ڈاٹابیس کی حفاظت کو یقینی بنائے گی۔‘‘ کانگریس پہلے بھی کئی بار سیکورٹی کے معاملے میں آدھار کو مضبوط بنانے کے لیے متعلقہ محکمہ سے گزارش کر چکی ہے۔

جہاں تک ہفنگٹن پوسٹ کی رپورٹ کا سوال ہے، اس میں کہا گیا ہے کہ آدھار کارڈ کے سافٹ ویئر میں خامی ہے جس کی مدد سے ایک سافٹ ویئر کے ذریعہ دنیا کے کسی بھی گوشے میں بیٹھا شخص کسی بھی نام سے حقیقی آدھار کارڈ بنا سکتا ہے۔ اس سافٹ ویئر کی قیمت محض 2500 روپے ہے۔ رپورٹ میں دعویٰ کیا گیا ہے کہ تین مہینے کی جانچ کے بعد اس رپورٹ کو شائع کیا گیا ہے۔ اس رپورٹ کو تیار کرنے میں دنیا بھر کے 5 ماہرین کی مدد لی گئی۔ ہفنگٹن پوسٹ نے یہ بھی دعویٰ کیا ہے کہ اب بھی اس سافٹ ویئر کا استعمال بہت تیزی کے ساتھ ہو رہا ہے۔ دراصل اس سافٹ ویئر کی مدد سے آدھار سیکورٹی فیچر کو بند کیا جا سکتا ہے اور نیا آدھار تیار کیا جا سکتا ہے۔

غور کرنے والی بات یہ ہے کہ آدھار کارڈ ہیک کرنے والا یہ سافٹ ویئر 2500 روپے میں وہاٹس ایپ پر فروخت کیا جا رہا ہے۔ ساتھ ہی یو ٹیوب پر بھی کئی ویڈیو موجود ہیں جن میں ایک کوڈ کے ذریعہ کسی کے بھی آدھار کارڈ سے چھیڑ چھاڑ ہو سکتی ہے اور نیا آدھار کار ڈ تیار کیا جا سکتا ہے۔ رپورٹ میں کہا گیا ہے کہ آدھار اتھارٹی نے جب ٹیلی کام کمپنیوں اور دیگر پرائیویٹ کمپنیوں کو آدھار کا ایکسس دیا تھا اسی دوران سیکورٹی سے متعلق یہ خامی سامنے آئی اور اب دنیا کے کسی بھی گوشے میں بیٹھا شخص اس کا غلط فائدہ اٹھا سکتا ہے۔ حیرانی کی بات یہ ہے کہ ہفنگٹن پوسٹ ڈاٹ اِن کی اس رپورٹ کے بعد آدھار اتھارٹی کی جانب سے کوئی رد عمل سامنے نہیں آیا ہے۔ انھوں نے پوری طرح سے خاموشی اختیار کر رکھی ہے۔

ایک نظر اس پر بھی

منگلورو:آر ایس ایس پرچارک تربیتی کیمپ میں امیت شاہ کی شرکت۔ سرخ دہشت گردی ، رام مندر، سبریملا اور انتخابات پر ہوئی خاص بات چیت

ملک کی مختلف ریاستوں میں اسمبلی انتخابات کی مصروفیت کے باوجود بی جے پی کے صدر امیت شاہ نے منگلورو میں آر ایس ایس ’ پرچارکوں‘ کے لئے منعقدہ 6 روزہ تربیتی کیمپ کے اختتام سے ایک دن پہلے ’سنگھ نکیتن‘ میں پہنچ نے کے لئے وقت نکالااور تربیتی کیمپ کے شرکاء سے خطاب کیا۔

جعلی ڈگری کے ذریعہ دہلی یونیورسٹی میں داخلے کا معاملہ ڈوسو صدر انکت اے بی وی پی سے برطرف

اکھل بھارتیہ ودیارتھی پریشد (اے بی وی پی) نے جعلی ڈگری تنازعہ کی وجہ سے دہلی یونیورسٹی اسٹوڈنٹس یونین (ڈوسو) کے صدر انکت بسویا کو عہدہ سے استعفیٰ دینے کے ساتھ ہی انکوائری مکمل ہونے تک تنظیم سے برطرف کردیا ہے۔

مختارعباس نقوی نے کیا ہندوستان کے بین الاقوامی تجارتی میلے میں ہنر ہاٹ کا افتتاح

اقلیتی امورکے مرکزی وزیر مختار عباس نقوی نے آج نئی دہلی کے پرگتی میدان میں ہندوستان کے بین الاقوامی تجارتی میلے میں ہنرہاٹ کا افتتاح کیاہے۔جوکاریگروں اور دستکاروں کوبااختیار بنانے کے لیے ایک معتبربرانڈبن گیاہے۔ ہنرہاٹ کااہتمام14 نومبر سے 27 نومبر 2018 کے دوران کیا جارہا ...

بھارت۔ تائیوان ایس ایم ای ترقیاتی فورم تائیپی میں شروع 

vایم ایس ایم ای کے سکریٹری ڈاکٹر ارون کمار پانڈا 13 سے 17 نومبر 2018 تک چلنے والے بھارت 150 تائیوان ایس ایم ای ترقیاتی فورم کے اجلاس میں بھارتی وفد کی قیادت کررہے ہیں۔ فورم میں کل اپنے افتتاحی کلمات میں ڈاکٹر پانڈا نے کہا کہ بھارت میں ایم ایس ایم ای کی پوزیشن کلیدی اہمیت کی حامل ہے

گری راج سنگھ کے ہاتھوں ایم ایس ایم ای کے پویلین کاافتتاح

ایم ایس ایم ای کے وزیر مملکت گری راج سنگھ نے آج نئی دہلی میں 38 ویں بھارت۔بین الاقوامی تجارتی میلے (آئی آئی ٹی ایف) میں ایم ایس ایم ای کے پویلین کا افتتاح کیا۔ اس موقع پر تقریر کرتے ہوئے وزیر موصوف نے کہا کہ معیاری سازوسامان کی تیاری اور گاوؤں کی صنعتوں کی جامع ترقی ملک کی ترقی میں ...

ریرا صنعت میں مثبت تبدیلی پیدا کررہا ہے:ہردیپ سنگھ پوری 

ہاؤسنگ اور شہری امور کے مرکزی وزیر مملکت (آزادانہ چارج) ہردیپ سنگھ پوری نے کہا ہے کہ ریرا (آر ای آر اے) کے اس نئے دور میں ہم صنعت میں مثبت تبدیلی کا مشاہدہ کررہے ہیں۔ انہوں نے کہا کہ ریرا کے نفاذ کے دوسرے سال میں مجھے خوشی ہے کہ 6 شمال مشرقی ریاستوں اور مغربی بنگال کو چھوڑ کر تمام ...