ہبلی:13/ستمبر (ایس اؤنیوز)بی جےپی ریاستی انتخابات کا سامنا کرنے کے لئے بالکل تیار ہے ، کسی بھی لمحہ انتخابات کا اعلان ہوتاہے تو ہم اس کا سامنا کریں گے اور یڈیورپا ہمارے چیف منسٹر کے امیدوار ہونے کا ریاستی بی جےپی کے نگراں کار مرلی دھر راؤ نے اعلان کیا۔
وہ یہاں شہر ہبلی میں ریاستی بی جے پی لیڈران کے ساتھ انتخابی تیاریوں کی میٹنگ میں شرکت کے بعد اخبارنویسوں سے گفتگو کررہے تھے۔ مرلی دھر راؤ نے کہاکہ کانگریس سے پاک حکومت بی جے پی کا اہم مقصد ہے، کانگریس کاوراثتی حکومت کی حمایت کرنا افسوس ناک ہے، بی جےپی کسی خاندانی سیاست میں ملوث نہیں ہے ، ملک کی کانگریس راہل گاندھی کے جیب میں ہے۔ ہم ریاست سے کانگریس کو پاک کرنے کی پوری تیاری کرلی ہے، اگلے انتخابات میں بی جے پی 150سے زائد حلقوں پر کامیاب ہونے کا اعتماد جتایا۔ ریاست میں قانون کی بدنظمی ہے، گوری لنکیش قتل معاملے میں کانگریس سیاست کررہی ہے، کانگریس سے ملکی تحفظاتی نظام کو خطرہ ہے، ریاست میں رشوت خوری عام ہے ، مہادائی معاملے میں ہم ریاست کے کسانوں کی حمایت کرتے ہیں، یہاں بھی کانگریس سیاست کررہی ہے، ہم ریاست گوا کے وزیراعلیٰ منوہر پاریکر کو منائیں گے سدرامیا گوا کانگریس کو منالینےکا چیلنج کیا۔