ہبلی:11/ستمبر (ایس اؤنیوز)چلتی ٹرین میں مسافروں کے موبائیل وغیر ہ چوری کرنے والے چور کو پکڑنے گئے (ٹی سی )کو ہی ٹرین سے باہر دھکیل کر شدید زخمی کرنے اور چور فرار ہونے کا واقعہ بیلگام ضلع رائے باگ کے قریب پیش آیا ہے۔
ٹراولنگ ٹکٹ انسپکٹر (ٹی سی ) کی شناخت چنپا کے طورپر کی گئی ہے ،چنپا شہر کے گدگ روڈ پر واقع ہبلی ریلوے اسپتال میں زیر علاج ہیں۔ موصولہ اطلاعات کے مطابق اتوار کی صبح سویرے میرج سے ہبلی کے لئے نکلی گوا ایکسپرس جب بیلگام ضلع کے رائے باگ ریلوے اسٹیشن کے قریب پہنچی تو سلیپر کوچ نمبر ایس 3میں مسافروں سے موبائیل وغیرہ کی چوری کررہے چور کو پکڑنے کے دوران یہ واقعہ پیش آیا ہے۔ سلیپر کوچ میں جب چور رائے باگ کے ایک مسافر کا موبائیل چوری کررہاتھاتو رنگے ہاتھوں پکڑا گیا ۔ اس وقت ٹی سی چنپا نے موبائیل چھین کر چور کو پولس کے حوالے کرنے چلے تو چور ٹرین سے باہرچھلانگ لگانے کی کوشش کی ۔ ٹی سی کوٹرین سے باہر چھلانگ لگا کر چور فرار ہونے کی بھنک لگتے ہی اس کو روکنے کے لئے آگے بڑھا۔اس دوران چور موقع پاکر ٹی سی کو ہی ٹرین باہردھکیل کر فرار ہوہی گیا۔ مسافروں نے دیکھا توفوری طورپر ٹرین کی چین کھینچ کر ٹی سی چنپا کا ابتدائی علا ج کرنے کے بعد ہبلی کے ریلوے اسپتال میں علاج کے لئے داخل کرائے جانےکی اطلاعات موصول ہوئی ہیں۔