ہبلی:روہنگیا مسلمانوں کی حمایت میں مسلم تنظیموں کا متحدہ مظاہرہ :مرکزی حکومت کو سونپا میمورنڈم

Source: S.O. News Service | By Abu Aisha | Published on 12th September 2017, 7:35 PM | ریاستی خبریں |

ہبلی:12/ستمبر (ایس اؤنیوز)میانمار(برما ) کے روہنگیا مسلمانوں کی نسل کشی ،بہیمانہ قتل و غارت گری اور وہاں کے حکومت کی ظالمانہ پالیسی کے خلاف عالمی سطح پر احتجاج جاری ہے،یواین اؤ،امریکہ سمیت کئی ممالک میں زبردست مظاہرے ہورہے ہیں، اسی کے تحت ہندوستان کے بھی مختلف ممالک میں معصوم روہنگیا مسلمانوں کے خلاف جاری ظلم و بربریت کو ختم کرنے کے سلسلے میں احتجاج ، مظاہرے ہورہے ہیں ۔ اسی کے تحت تجارتی شہر ہبلی میں مختلف مسلم تنظیموں اور اداروں کے اشتراک سے ایک بڑے احتجاج کا انعقاد کرتے ہوئے مقامی تحصیلدار کے توسط سے مرکزی حکومت کو میمورنڈ م سونپا گیا۔

میمورنڈم میں کہاگیا کہ انسانی تاریخ میں باقاعدہ ملک کی ایک حکومت کسی بھی قوم کے خلاف ایسا غیر انسانی سلوک نہیں کیا ہوگا۔ ملک میں چھوٹی موٹی باتوں کو لے کر فوری ٹویٹ کرنے والے وزیر اعظم نریندر مودی ، وزیر داخلہ راج ناتھ سنگھ ،وزیر خارجہ شسما سوراج کو چاہئے کہ وہ اس پر بھی کچھ کہیں۔ حکومت ہند کی طرف سے برما کے وزیر اعظم پر دباؤ ڈال کر انسانی نسل کشی کو روکنے کی بات کہی گئی ہے ،میمورنڈم میں یواین اؤ سے بھی مطالبہ کیا گیا ہے کہ وہ اس معاملے میں مداخلت کرتے ہوئے قتل وغارت کو ختم کرکے انسانیت کی لاج رکھے۔

ایک نظر اس پر بھی

عوام صرف تعلیم یافتہ نہیں بلکہ باشعور بھی بنیں : بھٹکل میں منعقدہ سول سرویس پروگرام کی اختتامی تقریب میں راجیہ سبھا رکن ہری پرساد کااظہار خیال

موجودہ ذات پات کے نظام میں سرسوتی کی پوجا کرنےو الی 64فی صد خواتین ناخواندہ ہیں، جبکہ لکشمی کی پوجا کرنے والی 90فی صد خواتین جائیدادکے حق کے لئے کوشاں ہیں، عوام صرف تعلیم یافتہ ہی نہیں بلکہ  اُنہیں باشعور بھی ہونا چاہئے۔ ان خیالات کا اظہار  راجیہ سبھا ممبر بی کے ہری پرساد نے ...

ہبلی میں گھر کے باہر رکھی ہوئی تین بائک نذر آتش؛

یہاں شہر کے گنیش  پیٹ میں اپنے ہی گھر کے کمپائونڈ میں رکھی ہوئی تین موٹر بائکوں کو کچھ نامعلوم شرپسندوں کی طرف سے نذر آتش کئے جانے کی واردات پیش آئی ہے، بتایا گیا ہے کہ رات کے کسی پہر میں کسی نے ان بائکوں کو آگ لگادی، جس کے نتیجے میں تینوں بائک جل کر خاکستر ہوگئی ہیں۔

مودی حکومت میں اچھے دن صرف امیروں کے آئے: سدرامیا

وزیر اعلیٰ سدرامیا نے مرکز میں برسر اقتدار مودی حکومت پر سخت حملہ کرتے ہوئے کہاکہ مودی نے ملک کو اچھے دن کے خواب دکھا کر اقتدار پر قبضہ کیا، لیکن ساڑھے تین سال گزرجانے کے باوجود بھی ملک کا ایک دن بھی اچھا نہیں گزرا ۔

روہنگیا مسلمانوں پر مظالم کے خلاف چامراج نگر میں ایس ڈی پی آئی کا احتجاجی مظاہرہ 

میانمار میں روہنگیا مسلمانوں کی نسل کشی کی سخت مذمت کرتے ہوئے ایس ڈی پی آئی چامراج نگر ضلع کی جانب سے ضلعی صدر ابرار احمد کی قیادت میں ایک احتجاجی ریالی اور احتجاجی مظاہرے کا انعقاد کیا گیا۔