لنگایت دھرم کی تصدیق ہونے تک جدوجہد جاری رہے گی:ہبلی میں دھارواڑ ضلع نگراں کار وزیر ونئے کلکرنی کا عزم
ہبلی:2/ اکتوبر (ایس اؤنیوز) بی جے پی کے قومی صدر امیت شاہ جین دھرم سےتعلق رکھتےہیں، انہیں الگ دھرم چاہئے تو ہمیں کیوں نہیں ، کیا انصاف کےپیمانے الگ الگ ہیں ان کے لئے چاہئے تو ہم سے ناانصافی کیوں ؟اس طرح دھارواڑ ضلع کے نگراں کاروزیر ونئے کلکرنی نے لنگایت کو ایک الگ دھرم کی تصدیق کے لئے چل رہی جدوجہد کے سلسلے میں ہبلی میں منعقدہ ایک اہم میٹنگ کے دوران بی جےپی کے قومی صدر امیت شاہ کے خلاف سوالوں کی بوچھار کردی۔
ہبلی کے لنگ راج نگر کے سمودایا ہال میں خطاب کرتے ہوئے موصوف وزیر نےلنگایت کو الگ دھرم بتاتے ہوئے امیت شاہ سے سوال کیا کہ آپ کا کہنا ہے کہ ہم ہندودھرم چھوڑکر جارہے ہیں تو پھر جین کہاں گئے؟۔اس موقع پر انہوں نے اپنے عزم کا اظہار کرتے ہوئے کہاکہ جب تک لنگایت کو الگ دھرم کے طورپر تصدیق نہیں کی جاتی تب تک یہ جدوجہد جاری رہے گی۔ کچھ لوگ ہماری کاوشوں کو سیاسی رنگ دے رہے ہیں اور مجھے جان سے مارنے کی دھمکی دی جارہی ہے، کئی دھمکی آمیز فون کالس آرہے ہیں، لیکن میں کسی سے ڈرنے والا نہیں ہوں، بے خوف و نڈر ہوکر اپنی جدوجہد کو فتح سےہمکنار کرنے کا ارادہ ظاہر کیا۔
.png)
میٹنگ میں مختلف مٹھوں کے سوامی جی ، جے ڈی ایس کے بسورا ج ہورٹی، ہیرے کیرور کے سابق رکن اسمبلی پاٹل سمیت کئی اہم ذمہ داران کے ساتھ کثیر تعداد میں عوام شریک تھے۔
