ہبلی:16/ نومبر (ایس اؤنیوز)جنتادل سکیولر (جے ڈی ایس )ریاستی حکومت کی طرف سے پرائیویٹ ڈاکٹروں پر لگام کسنے کے لئے جاری اجلاس میں پیش کئے جانے والے مجوزہ کے پی ایم ای ترمیمی بل کی سخت مخالفت کئے جانے کا سابق وزیرا عظم ایچ ڈی دیوے گوڈا نے اعلان کیا۔
ہبلی میں جے ڈی ایس کی مجلس عاملہ کی میٹنگ میں شرکت کے بعد اخبارنویسوں سے گفتگو کرتے ہوئے انہوں نے کہاکہ رواں ودھان سبھا اجلاس میں پیش کئے جانےو الے کے پی ایم ای ترمیمی بل میں کئی خامیاں ہیں، حکومت بل کے لئے اتنی جلدبازی نہیں کرنی تھی ،حکومت نے یہ بل اجلاس میں پیش ہی نہیں کیا ہے ، جب بھی وہ بل پیش کرے گی جے ڈی ایس سخت مخالفت کرنےکی بات کہی ۔ جے ڈی ایس سپریمو نے کہاکہ حکومت چاہے تو جعلی ڈاکٹروں کے خلاف کارروائی کرے ۔ اسی بہانے حکومت کی طرف سے بل کو نافذ کرنا صحیح نہیں ہے۔ اگر یہ قانون جاری ہوا تو ڈاکٹربڑی مشکلات میں پھنس جائیں گے۔
دیوے گوڈا نے کہاکہ ہبلی۔ انکولہ ریلوے منصوبے کو امداد جاری کرنی چاہئے۔ میں نے ریلوے زون کو لے کر شمالی کرناٹکا کے ساتھ کوئی بے انصافی نہیں کی ہے ۔ مہا دائی تنازعہ کے سلسلے میں اپنی رائے ظاہر کرتے ہوئے دیوے گوڈا نے کہاکہ یہ مسئلہ صرف وزیرا عظم ہی حل کرسکتے ہیں۔ لیکن کیا بات ہے کہ انہیں یہ مسئلہ نظر ہی نہیں آرہاہے اور اس سلسلے میں کوئی بات نہیں کہہ رہے ہیں۔
ہبلی کے چوان گرین گارڈ ن میں منعقدہ جے ڈی ایس عاملہ میٹنگ کا آغاز کسان ترانہ سے ہوا۔ میٹنگ میں قومی صدر ایچ ڈی دیوے گوڈا کے علاوہ ریاستی صدر ایچ ڈی کمار سوامی ، ایچ ڈی ریونا، بسوراج ہورٹی ، پی جی آر سندھیا ، بنڈپا کاشمپور، این ایچ کون ریڈی وغیرہ شریک تھے۔