ہبلی:13/ اکتوبر (ایس اؤنیوز)گذشتہ 40 سالوں سے مہانگرپالیکا کی زمین پر کسی منظوری کے بغیر غیر قانونی طورپر تعمیر کئے گھر کو مہانگر پالیکا کے افسران نے منہدم کردینےکا واقعہ چندرناتھ نگر میں پیش آیاہے۔

آج صبح میں مہانگر پالیکا کے افسران پولس بندوبست کے ساتھ شہر کے چندرناتھ نگر پہنچے ۔ جہاں مہانگر پالیکا کی زمین پر تعمیرکردہ غیرقانونی غیر کو منہدم کردیا۔ بتایا جاتاہے کہ یہ گھر راستے پر تعمیر کیا گیا تھا، جس سے عوام کو چہل پہل میں کافی پریشانی ہورہی تھی ، اس سلسلے میں گھر مالک کو کئی نوٹس جاری کرتے ہوئے کہاگیا تھا کہ وہ اپنا گھر متعینہ غیر قانونی جگہ سے نکال لیں، لیکن گھر مالک سنی ان سنی کرتے ہوئے کوئی توجہ نہیں دینے کی بات کہی جارہی ہے۔ جب نوٹس پر گھر مالک کوئی کارروائی نہیں کئے تو آج صبح سویرے مہا نگرپالیکا افسران ،پولس کے ساتھ اچانک جائے وقوع پہنچ کر گھر کو ڈھادیاہے۔