ہبلی:21/ اکتوبر (ایس اؤنیوز)دیوالی کے موقع پر پٹاخوں کو پھوڑنے کو لےکر سرکاری و غیر سرکاری طورپر احتیاطی تدابیر اختیار کرنےکے سلسلےمیں کئی احکامات جاری کئے جاتےہیں اور رہنمائی کی جاتی ہے لیکن اس کے باوجو د ہر سال پٹاخوں سے جانیں تلف ہونے بچوں کی بینانی متاثر ہونے پر سماجی ذمہ داران تشویش کا اظہار کررہے ہیں۔ امسال بھی ریاست کے مختلف مقامات پر کئی حادثات ہوئے ، جن میں خاص کر بچوں کی بینائی متاثر ہونے کے واقعات وقوع پذیر ہوئے ۔ ایسا ہی ایک حادثہ ہبلی کے اونکل کراس پر پیش آیا ہے جہاں پٹاخے پھوڑنے کے نتیجے میں گھر میں آگ لگنے سے کئی اشیاء جل گئے ہیں۔
شہر ہبلی کے اونکل کراس پر پروین نولگند نامی شخص کے گھر کو پٹاخے پھوڑنے سے آگ لگی ۔ آگ کو دیکھ کر مقامی لوگوں نے بہتر کوشش کی ، فائر برگیڈ بھی جائے وقوع پہنچ کر آگ بجھانے میں مصروف رہی لیکن تب تک گھر کے کئی اشیاء جل کر خاک ہوگئے تھے۔ وہ تو اچھا ہوا کہ حادثہ اس وقت ہوا جب گھر میں کوئی نہیں تھا اسی وجہ سے کوئی جانی نقصان بھی نہیں ہوا۔شہر کے ودیا نگر پولس تھانے حدود میں یہ واقعہ پیش آیا ہے۔