ہبلی:18/ نومبر (ایس اؤنیوز)جہیز کے طورپر 50ہزار روپیوں کی مانگ کرتے ہوئے شوہر نے نوبیاہتا بیو ی کے ہاتھوں کوداغ کر جسمانی اذیت پہنچانے کا واقعہ دھارواڑ ضلع کندگول تعلقہ کے چک گنجل نامی دیہات میں پیش آیا ہے۔
گذشتہ 5ماہ پہلے ہبلی کی مکین گیتا دیورمنے نامی لڑکی سے کندگول تعلقہ چک گنجل دیہات کے ننگپا پرسن نور کے ساتھ شادی ہوئی تھی۔ شادی کے موقع پر بطور جہیز لڑکی والوں نے دلہے کو 50ہزارروپئے ادا کرکے شادی کی تھی۔ لیکن شوہر ننگپا مزید 50ہزارروپیوں کی مانگ کرتے ہوئے ہر دن بیوی کو ہراساں کرنا شروع کیا۔ دن گذرتے بیوی 50ہزارروپئے لانے سے قاصر رہی تو شوہر نے بیوی پر جسمانی طورپر حملہ کرتے ہوئے اس کے ہاتھوں کو داغا ہے۔ مجبور لڑکی راستہ نہ پاتے ہوئے اپنے میکے پہنچی اور خواتین پولس تھانہ میں شکایت درج کرتے ہوئے اپنے شوہر پر قانونی کارروائی کرنے کا مطالبہ کیا ہے۔