ہبلی:13/ستمبر (ایس اؤنیوز)سوامیوں اور باباؤں کے بھیس میں سماجی برائیوں میں ملوث افراد سماج کو کس طرح برباد کررہے ہیں آئے دن ایسے واقعات کا پردہ فاش ہوتے رہتاہے، عصمت دری ، چھیڑ چھاڑ، اسمگلنگ،گانجہ فروخت جیسے سماج دشمن کارروائیوں میں پولس کے ذریعے پکڑے جانے کی خبریں اخبارات کی زینت بنتی رہتی ہیں، ایسا ہی ایک واقعہ ہبلی شہر میں پیش آیاہے، جہاں سوامی کے بھیس میں عوام کو گانجہ فروخت کرنےو الے ملزم کو سی سی بی پولس گرفتار کیاہے۔

پرانی ہبلی کے سنگم کالونی کا مکین شیو ن گوڈا پاٹل نامی ملزم سوامی کے بھیس میں گانجہ بیچتے ہوئے رنگے ہاتھوں پولس کے ہتھے چڑھا ہے۔ سوامی کے بھیس میں ہونے سے کوئی اس کی طرف توجہ نہیں دیتاتھا اور یہ ملزم چھپ چھپاکر عوام کو گانجہ بیچنے کی بات کہی جارہی ہے۔ مصدقہ خبر پر سی سی بی پولس نے چھاپہ مارتے ہوئے سوامی کے بھیس میں گانجہ بیچ رہے ملزم کو گرفتار کرنے میں کامیاب ہوئی ہے۔ پولس نے ملزم سے 750گرام گانجہ ضبط کرلینے کے بعد کیس درج کرلی ہے اور ملزم کے پس منظر کو لے کر پولس جانچ کرنے کی بات کہی گئی ۔