ہبلی :17/ستمبر (ایس اؤنیوز)ہبلی دھارواڑ مہا نگر پالیکا کے حالیہ اور سابقہ کانگریس اور بی جے پی کارپوریٹرس کے درمیان جاری رسہ کسی کے نتیجے میں آنگن واڑی میں پڑھنے والے ننھے ننھے معصوم بچے سڑک پر تعلیم حاصل کرنے والے حالات پیدا ہوگئے ہیں۔ فی الحال دو ملاؤں میں مرغی حرام ہوتی نظر آرہی ہے۔
شہر کے کیشاپور کی جنتا کالونی کے سمودایا بھون میں گذشتہ 8سالوں سے آنگن واڑی مرکز میں پاس پڑوس کے معصوم بچے کچھ الفاظ کی شناخت کرتے ہوئے تعلیم حاصل کررہے تھے۔ اب سمودایا بھون کی درستی کے بہانے آنگن واڑی کے بچوں کو باہر نکالنے کی سازش رچے جانے کا بی جے پی کے سابق پالیکا ممبر لکشمن کورپاٹی نے کانگریس کے حالیہ پالیکا ممبر سورنا کلکونٹلا پر الزام لگایا ہے۔ دونوں کے آپسی اختلافات اور الزام تراشی کے درمیان بچے دھوپ بارش ٹھنڈی کی پرواہ کئے بغیر باہر کھلے صحن میں بیٹھنے کے حالات پیدا ہوگئے ہیں۔ دوالگ الگ پارٹیوں کے ممبران اپنی سیاسی دھاک جمانے میں پڑھنے والے بچوں کا نقصان ہورہاہے ساتھ میں بچوں کے والدین و سرپرست بھی پریشان ہیں کہ کیا کیا جائے۔