ہبلی10؍دسمبر(ایس او نیوز) کوندگول تعلقہ کے اینگلی گرام کے رہنے والے محکمہ ڈاک کے ملازم کلّیا سدانندیّا (35سال) نامی نوجوان کا سر پتھر سے کچل کر قتل کیے جانے کی واردات پیش آئی ہے۔

موصولہ رپورٹ کے مطابق کلّیا کو اس وقت قتل کیا گیا ہے جب وہ اپنے گھر میں تنہا تھا۔ اس وجہ سے پولیس کو شک ہے کہ اس قتل میں کلّیا کی جان پہنچان والے کسی شخص کا ہاتھ ہوگا۔ قتل کی وجوہات کا ابھی تک کچھ پتہ نہیں چلا ہے۔ پولیس نے جائے واردات پر پہنچ کر معائنہ کیا اور لاش کو پوسٹ مارٹم کے لئے بھیج دیا۔قاتلوں کی تلاش کے لئے پولیس کی کارروائی جاری ہے۔