آفریدی سے لوگوں نے پوچھا، کتنی بار لوگے ریٹائرمنٹ
دبئی،22فروری(ایس او نیوز؍آئی این ایس انڈیا)اپنے 21سال کے کیریئر کے بعد پاکستانی کرکٹر شاہد آفریدی نے اتوار کو انٹرنیشنل کرکٹ سے ریٹائرمنٹ لینے کا اعلان کیا۔شاہد آفریدی کو بوم بوم کے نام سے بھی جانا جاتا ہے جو اپنی دھماکہ خیز بلے بازی کے لئے جانے جاتے ہیں۔ان کے ریٹائرمنٹ کی خبر آتے ہی ٹوئٹر پر تمام طرح کے قہقہے لگنے لگے۔سال 2006میں آفریدی نے ٹیسٹ میچ سے ریٹائرمنٹ کی بات کہی تھی لیکن دو ہفتے بعد انہوں نے اپنا فیصلہ واپس لے لیا،اس کے بعد انہوں نے 2010میں ٹیسٹ میچ سے ریٹائرمنٹ لے لیا۔سال 2011میں آفریدی نے محدود اوور والے کرکٹ سے ریٹائرمنٹ لیا تھا اور 5ماہ بعد انہوں نے پھر سے اپنا فیصلہ بدل دیا۔پھر سال 2014میں انہوں نے کہا کہ ورلڈ کپ 2015میں کھیلنے کے بعد وہ 50اوور کرکٹ سے ریٹائرمنٹ لے لیں گے،اس کوارٹر فائنل میں پاکستان آسٹریلیا سے ہار گیا۔سال 2016میں بھی آفریدی نے ٹی 20سے ریٹائرمنٹ کی بات کی اور 2016کے بعد آئی سی سی ورلڈ کپ ٹی 20کے لئے اپنا دل بدل دیا۔تو اب حیرت کی بات نہیں جب اس بار آفریدی کے اعلان کے بعد یہ سوشل میڈیا کے مذاق کا حصہ بن گیا۔