حوثی لیڈر اپنے حلیف علی صالح اور ان کی جماعت پر برس پڑے،معزول صدر علی عبداللہ صالح کی جماعت کا تاسیسی اجتماع خطرے میں

Source: S.O. News Service | By Shahid Mukhtesar | Published on 20th August 2017, 3:53 PM | عالمی خبریں |

صنعاء20اگست(ایس او نیوز؍آئی این ایس انڈیا)یمن کے ایران نواز حوثی گروپ کے سربراہ عبدالملک الحوثی اور آئینی حکومت کا تختہ الٹنے میں ان کے شریک کار سابق مں حرف صدر علی عبداللہ صالح کے درمیان ایک بار پھر کشیدگی پیدا ہوئی ہے۔ حوثی لیڈر عبدالملک الحوثی نے اپنے حلیف علی عبداللہ صالح کو کڑی تنقید کا نشانہ بناتے ہوئے ان پر داخلی محاذ میں پھوٹ پیدا کرنے اور عسکری محاذوں پر تنازعات کو ہوا دینے کا الزام عاید کیا ہے۔انہوں نے نام لیے بغیر علی صالح اور ان کی جماعت پیلپز کانگریس پر الزام عاید کیا کہ وہ یہ لوگ ایک طرف معاہدے کرتے ہیں اور دوسری طرف یمن کے خلاف سازشوں میں سرگرم ہیں۔

عبدالملک الحوثی نے کہا کہ ملک کے بعض سیاسی دھڑوں اور بیرون ملک اپنے آقاؤں کے لیے ایجنٹ کے طور پر کام کرنے والوں کے درمیان شدید اختلافات ہیں۔ بیرون ملک عناصر کے لیے خدمت کرنے والے لوگ قوم کو کمزور اور تقسیم کرنے کی سازش کر رہے ہیں۔عبدالمالک الحوثی کے بقول ملک کی اندرونی صورت حال کو گھمبیر کرنے میں ملوث عناصر میں علی صالح کی جماعت بھی شامل ہے جو ملکی اداروں کے انتظامی امور میں ذمہ داریوں کی انجام دہی سے فرار اختیار کر رہی ہے۔

حوثی لیڈر کی طرف سے اپنے حلیف اور ان کی جماعت پر یہ الزامات ایک ایسے وقت میں عاید کیے گئے جب علی صالح کی جماعت اپنے تاسیسی اجتماع کی تیاری کر رہی ہے۔ دھمکی آمیز بیانات کے تبادلے سے فریقین میں اختلافات مزید شدت اختیار کرنے کے ساتھ پیپلز کانگریس کے تاسیسی اجتماع کے موقع پر امن وامان کے مسائل بھی پیدا ہونے کا اندیشہ ہے۔

اخباری اطلاعات کے مطابق علی صالح کی جانب سے ری پبلیکن گارڈز کو جنوبی صنعاء میں ڈٹے رہنے کی ہدایت کرنے کے ساتھ حوثیوں کو کسی بھی پرتشدد کارروائی کے سنگین نتائج پرخبردار کیاہے۔ ان کا کہنا ہے کہ پیپلز کانگریس کے حامیوں اور پارٹی کارکنوں کو صنعاء آنے سے روکنے کی کوشش کی گئی تو اس کے خطرناک نتائج سامنے آئیں گے۔
 

ایک نظر اس پر بھی

ماسکو کنسرٹ ہال حملے میں 143ہلاکتیں

روس کے دارالحکومت ماسکو میں ایک کنسرٹ ہال پر جمعہ کو ہونے والے حملے میں مرنے والوں کی تعداد بڑھ کر 143 ہوگئی ہے جبکہ 100 سے زائد افراد زخمی ہیں۔روس کی تحقیقاتی کمیٹی نے ہفتے کے روز یہ اطلاع دی۔ کمیٹی نے کہا کہ ایمرجنسی سروسز ماسکو اوبلاست میں کروکس سٹی ہال، دہشت گردانہ حملے کی جگہ ...

80 ہزار افراد نے مسجد اقصیٰ میں نماز جمعہ ادا کی

قابض اسرائیلی فوجوں  کی سختی کے باوجود رواں  سال رمضان کے پہلے جمعہ کو ۸۰؍ ہزار مسلمانوں   نے بیت المقدس میں  پہنچ کر نماز جمعہ ادا کی۔ قدس نیوز نیٹورک نے جو ویڈیوشیئرکئے ہیں  میں  دیکھا جاسکتاہے کہ جوق در جوق مغربی کنارہ، راملہ اور دیگر علاقوں  سے فلسطینی شہری پیدل اور بسوں ...

شہریت ترمیمی قانون پر امریکہ نے بھی اپنی تشویش ظاہر کردی

امریکہ اور نے ہندوستان کے متنازعہ شہریت ترمیمی قانون پر عدم تحفظات کا اظہار کردیا۔ امریکی محکمہ خارجہ کے ترجمان نے بیان میں کہا کہ ہندوستان میں شہریت کے متنازعہ ترمیمی قانون کے نفاذ پر تشویش ہے۔ ایکٹ کے نافذ ہونے کے بعد صورتحال کا بغور جائزہ لے رہے ہیں۔

غزہ پر اسرائیلی حملوں کے سبب جان گنوانے والے فلسطینیوں کی تعداد 31272 ہوئی

غزہ پٹی پر جاری اسرائیلی حملوں سے فلسطینیوں کی ہلاکتوں کی تعداد 31272 ہو گئی ہے۔ غزہ میں قائم وزارت صحت نے بدھ کو یہ اطلاع دی۔ وزارت نے ایک بیان میں کہا کہ اسرائیلی فورسز نے گزشتہ 24 گھنٹوں کے دوران 88 فلسطینیوں کو قتل اور 135 دیگر کو زخمی کیا، جس سے گزشتہ اکتوبر میں اسرائیل اور حماس ...

غزہ میں امداد کیلئے قطار میں منتظر افراد کو پھر نشانہ بنایا گیا، 11 شہید

  انسانیت کی تمام حدوں  کو پار کرتے ہوئے اسرائیلی فوجوں  نے بدھ کو پھر بھکمری کے شکار ان پریشان حال لوگوں  کو نشانہ بنایا جو اپنے بچوں  کی پیٹ کی آگ بجھانے کیلئے امداد حاصل کرنے کے مقصد سے قطار میں  لگے ہوئے تھے۔ بدھ کے اس حملے میں  ۱۱؍ افراد کی شہادت کی تصدیق ہوئی ہے جس کے بعد ...

انڈونیشیا میں سیلاب اور چٹان کھسکنے سے تباہی، 19 افراد ہلاک ،متعدد زخمی

انڈونیشیا کے جزیرے سماترا میں مسلسل بارش نے سیلاب اور چٹان کھسکنے سے بڑے پیمانے پرتباہی ہوئی ہے۔ اس دوران 5سے زائد گھر دب گئے۔ مکانات کے ملبے سے12 لاشیں نکالی گئیں اور 7افراد کو شدید زخمی حالت میں اسپتال پہنچایا گیا۔ ملبے سے دیگر 6 افراد کو بحفاظت نکالا گیا جبکہ5 افراد اب تک ...